Amloed mon
90 Hz mon
5000 mah 電
指紋開鎖

呢個價錢未諗到

平，靚，正

螢幕靚
影相對焦快而準
食雞都冇問題

硬件軟件都有小問題

電話sensor感應會間中啟感應唔到你塊面，講電話時無黑屏，於是你塊面就不斷撳掣，困擾！
引伸到whatsapp，放耳仔聽錄音，感應唔到變大聲廣播，耳窿又尷尬。
打機或用其他apps時，來電正常地會有欄位畀你接電話，但唔一定會有欄位畀你收線，於是你要在屏幕頂部向下拉，在無數通知之中找電話嗰part，撳入去再搵收線掣。

平
部機造工好
尺寸就手
芒靚
影相合格以上
電池續航好
可加插micro SD

快叉只去到25w
冇火牛跟機
磨砂機背好容易沾油 （不過都用保護套）
相機黑夜模式唔得

人腦眼花唔需要打機，所以近排轉玩平機。
三星始終係大廠，用咗成個月，暫時bug free（用過紅米你就知道冇bug係幾緊要)，應用上十分流暢，相機質素亦有水準，操作完全唔會有問題。
之前用紅米Note10pro，介面唔錯嘅，影相十分好，指紋識別又可幾雙手指。可惜硬件同軟件好多輕微bug，引發嚴重不便嘅結果......
例如講電話時sensor感應唔到你塊面，手機沒有自動黑屏，於是你塊面就不停㩒到靜音，喇叭收線等功能。Whatsapp聽錄音嘅時候，感應唔到你塊面，就變咗大聲廣播，耳仔都聾。用緊其他程式打機嗰陣，有來電會正常出一欄位俾你接聽，但傾完電話就冇欄位收線，要在螢幕頂上拉下，在一大堆通知中慢慢搵，先收到線。

120W快充世上無人能敵
Mon色可調
攝影功能多
跟機有透明機套、Mon貼及快充牛，可以即買即用

打機會好熱
側屏有部份apps放吾到

沒有被美國封殺的國產手機，7千幾行貨，有齊Android機所有功能，比三星同級平千幾，電池行5G用吾到12小時(打機、上網、聽歌、睇YouTube），好在快充幫到手。

3000左右落齊料
Mon幾靚，有立體感
67W差電都算快，雖然我用慢差多
雙喇叭真心幾大聲都唔拆
平面mon正
MTK1200呢粒u都唔算熱
記憶體放3gb去ram，變成11gb
白色磨砂，唔黐手指紋
24個月保養

無得插SD卡
好重手
用Chromecast射上電視睇唔到，最後要用國內App射出去先睇到，但YouTube同now就無問題。

3000蚊收貨啦！

同紅米幾部差不多價位嘅機對比過，11T個mon立體感幾好，紅米啲mon就好平面，11T係無得插sd咭，紅米就得。我買嗰時就取捨mon定加SD重要。

電量都算ok，我就頂到4份3日，差電速度不過不失。

影相就真係祖傳麻麻，無乜立體感。

好少打機，所以唔評論

用罪大X1中，但越up就怪，所以忍唔到就轉機，但3000左右，而家都無乜選擇，最後揀咗佢。
其中一個主要因素係保養，之前外母就過期3年多嘅機粒電發漲，上去20樓都會幫維修，仲平過出鴨記，所以就有咗信心。

不過用得國産機就要有心理準備，一定會資料流出，唔介意的話先好用。

輕 薄 好耐無買過咁輕薄嘅機
4500電行888 竟然比我另一部s22u耐用又比Vivo x60/70pro+ iqoo8pro 耐用
影相唔要求全黑環境影相其實好正

影相未到超旗艦水平
無SD卡

電完全夠一日用有突
中x動減晒優惠3798 買 256gb抵到飛起，又有無線充 火牛 尿袋 套貼，都唔使再比錢買配件
主機一直用三星，副機基本咩牌子都用過， OS真係三星最好，但要買旗艦款，今次唔再玩其他牌子係比大陸機啲rom玩，要set好多野，部部都係咁，所以下定决心做玩機人，唔再比機玩

使用 天機1200處理器,上網方面又快又順,影出來的相細緻度幾好同清晰,色彩顯示方面唔錯同自然,唔會有味精感,遊戲方面好順同唔會點熱.

暫時未有

整體上呢部機的性能好好,在中楷機水平來講,呢部屬於中上級,爭d就可以去到接近旗艦機水平,如各位想上網快,色彩同影相幾好,玩遊戲又好的話,我推薦各位買呢部.

部機已經有 4 年歷史，當年新出三仟幾，但到現在大把人發錢寒，二手仲放半價，係咪傻咗呀? 我唔好加多幾舊水，買部全新小米或華為?! 電子科技嘢永遠有新買新，爭一年技術已經唔同哂，有乜理由仲買 4 年前機呀? 你當 IPhone 呀?

行 Android 9.0 韌體已經冇得再更新，好多 app 都係更新或下載唔到，買返嚟隨時用唔到幾耐，而且呢部只係 4G 機，咁我不如買部紅米仟零蚊，支援埋 5G 仲好啦，起碼全新開箱有快感，洗乜買部二手返去冇保養呀? 你當部手機、係香港小姐冠軍用過呀 ... 特別香呀?

唔係話華為唔好，只係針對好多用家，4 年機就唔好咁貪心，仲想賣半價係咪發緊夢呀?