Comparable to M lens sharpness at every single focal length.

A bit slow on AF.

The King of all 35mm format zoom lens.
The one lens that does it all
Buy it. You won’t regret it.

經濟實用。

平凡

如果要求好高，好專業。有錢有力，會買16-35/2.8 + 35-150/2-2.8
而家簡簡單單，帶17-28/2.8 + 28-200/2.8-5.6，實在是夠用有餘.
不過，如果一心要影靚女，還是帶多支大瞳好啲。

有可能係我用過sony aps-c無反最sharp嘅一支鏡頭
光圈全開已經非常銳利
微距表現非常出色，放大2.5至3倍綽綽有餘
非微距表現亦都非常驚喜，放大2至2.5倍仍然可以做桌面牆紙
顏色同Bokeh係唔同啲，有「蔡司味」

小眾鏡頭
Emount唯一兩支微距鏡頭
如非特別渠道購買貴到飛起
已經停產想買到佢要睇彩數同緣分

其中一支我唔會隨便放出嚟嘅鏡頭。除非我轉會唔玩sony。

支鏡可為光學工程嘅一大奇蹟，唔係有好多支微距鏡頭可以做到遠近都超sharp。此等工藝並非其他蔡司Touit鏡頭可比，更不要談論sony的原生鏡頭，簡直係唔可以攞嚟比。

呢支鏡如果唔係冇人識，如果唔係Zeiss刻意咁低調。又可以mark返平民啲嘅價錢，我深信佢可以非常受歡迎。

要抵食夾大件當然可以考慮sony 30mm微距鏡頭，但係就要接受到非微距嘅表現比較一般就是了。

相比之下呢一支蔡司50mm微距鏡頭，可以喺微距拍攝時，放大三倍，依然可以喺我1900x1200的電腦屏幕上，攞嚟做牆紙。

在非微距拍攝，拍出嚟嘅風景相依然可以放大兩倍至兩倍半多，然後用作1900x1200 電腦屏幕的wallpaper。

用過幾支微距鏡頭，包括其他系統，最有驚喜都係呢一支，可以畀到你兩個世界都有超卓嘅體驗。

-具備 1.4x 的放大倍率，比EF版1.0x 的放大倍率高，簡單啲來講，影啲細微嘢會放大啲囉，最近對焦距離是26 mm，比EF版的30mm更近，這也是RF版有更高放大倍率的原因。若你部相機像素高，corp相都可以做到相同嘅嘢，但微距鏡，放大率就是皇道。

-多咗SA Control 球面像差控制環，說用來調節散景的輪廓，對我來說就是以前用嚟影人像，加了柔焦鏡的效果。過往若你用百微影人，成像會太銳利，被影者未必喜歡。但若使用此功能，會為主體帶來柔順的仙氣效果，但要留意不但焦外散景調得更柔順，連焦內的主體也變得柔順。所以我建議在+/-上調節一至兩度就夠，唔好去到盡，否則主體會濛到好似失焦咁。

-科技上的進步 帶來5 級 IS 防手震。

-科技上的進步也能夠顯示在螢幕上，不但能顯示對焦距離，還顯示放大倍率，加上使用手動對焦時出現三角形的合焦提示，令微距攝影工作手到拿來。

-雖說是5 級 IS 防手震，但係影微距，你快門用1/20秒，手震得勁都彌補唔到。

-貴囉，比EF版貴咗3成（仲要我買入後先跌價），呢個係升級用RF鏡嘅後果。

-這是一顆微距與人像兩用的鏡頭，感覺抵用，所以買下它。（其實係因為我只係借朋友用過EF 100mm f/2.8L Macro IS，並未曾擁有擁有⋯⋯ ）支鏡比EF版粗咗、長咗、貴咗又重咗，本身升級無反相機諗住輕咗又細咗，點知用RF鏡頭重咗又大支咗⋯⋯不過支鏡嘅功能確係多咗。這是吸引我買嘅原因。橫掂依家支RF 85mm f/1.2L或DS版都太貴，用呢支頂住先啦。

-雖說一鏡兩用，感覺抵用，但微距唔會成日玩，所以長放防潮箱的機會比較大，這是不吸引人買嘅原因，亦都係點解我係第一個寫評語嘅用家。

光圈全開下，中心邊位都非常sharp
顏色自然乾淨，對比適中
GM造工扎實，有光圈環，有declick
鏡身重量較其他廠輕，價錢亦較平
手動對焦反應快，順暢
對焦速度好快好靜，好穩唔chok，但未算極速
散景creamy，但可以再靚啲

光圈全開會有少少暗角
反差好大嘅情況有機會出好輕微紫邊
有少少呼吸效應，可接受嘅水平

支鏡最令我驚訝係sharpness，光圈全開已經非常sharp，鍾意聞相就最啱。配a7r4感覺未夠發揮佢100%解象力，用開24gm已經覺得好sharp，但對比50gm又係另一個層次，好誇張，影出嚟嘅相多咗份「臨場感」，自然乾淨。

其他方面都做得好好，其實上面寫嘅產品缺點唔算係缺點，只係無優點做得咁出色，但絕對係水準之上。

以12k嘅價錢，我覺得物有所值。當年24gm都係咁嘅價錢入手，相比下50gm更有驚喜。

如果影相影得差，以後再無藉口賴支鏡差，只會係自己問題，你要嘅嘢，其實支鏡已經畀晒。

影了兩場演唱會，成像一流，沒有任何失望，很滿意。iso約6000-10000，始終是現場光，看需要用曝光補償。
這不是定焦鏡，不能以定焦鏡的成像和這鏡比較，也沒意思。

等待科技進步，可以再輕一些，光圈大一些，價錢便宜一些。

滿意

-對焦快
-sharp，係真係好sharp，F4都好sharp
-輕，攞咗成日無壓力
-色水偏中性，微執就可以出街
-VR勁，係真係勁抽

-日頭暗位都會拉風箱
-膠，但係係為咗重量犧牲用料
-價錢唔算平，但抵
-上面啲C hing講咗

F4喺依家呢個時代已經夠用，冇必要為咗追求2.8而攞咁重（有就最好
相信好多C hing考慮緊小黑5 or 小小黑，我會揀小小黑，小黑5除咗2.8，其他邊方面都比唔過小小黑，如追求2.8請小黑6，小黑5唔會係你嘅心水
hood樣衰？我唔覺，況且TB可以買副廠蓮花遮光罩
總言之，好輕，會提升你攞出去嘅慾望，唔好話樣衰唔夠大炮唔夠pro，為咗靚仔而揀小黑5，真心唔值得，最緊要影到靚相，冇人會因為個外觀而話你唔專業

1. 光學設計非常卓越, 皆因鏡組內有兩片四面非球面鏡片, 令近距離影像邊位直 線毫無變形
2. 解像力極高, 影像通透, 焦外散景自然柔和(creamy bokeh) 悦目耐看
3. 啞黑漆鏡身(Type I) 輕盈僅重188克, 套上 M 㰄身十分平衡
4. 光圈有半級調校, 設有手指托調焦環對焦非常順滑便捷

1. 鏡身欠缺紅珠(換鏡) 標示

玩開M頭的, 一定知道甚麼是七妹、八妹的老頭, 在此不再論述o 福倫達不愧為一間對光學設計改進及製造技術提升信念有堅持的公司, 這支廣角鏡頭内的第3及第4鏡片改正為貼合組減少色散及提升影像質素非常有效, 再配合上述兩片四非的鏡片, 稱得上極緻並可媲美原廠M頭有過之而無不及!
比較上代的 Nokton 35mm f1.2 III, 這支進化(懷舊版) 鏡頭更加卓越超群, 最大光圈值 f/1.5 的式及輕身在日常拍攝使用已夠用。