設定齊全 , 支援手動老鏡設定 .
高 ISO 掂 , 直接 auto ISO 10000 , 相靚無煩惱 .
成像靚 , 白平衡準 , 對焦快又準

無機㭜式除塵 , Z卡口無乜平鏡㨂 , 配 FTZ 先多鏡玩 .

外形型靚 , Nikon D機外形多年來設計都係好靚 .
功能中上級 , 我用開 Z6 , 佢有 9 成威力 .
我本身有支 afp 10-20 , 為自拍買佢個機身 , 買埋個搖控手柄 , 真係好正.
加上佢外型及反芒 , 以後帶 Zfc 出街 , 會比 Z6 更多 .

2手4千幾，有手柄3粒電，又要新d，仲買無touch mon又要3千幾既XT2真係傻既。

重量係比較重，但換來耐用性，及液晶機頂顯示
機身重量分佈不錯

只有XT2既整體機能。
舊機係咁，要舊xtran代價。

舊xtrans，唔係xt3 xt4 xs10 xt30系所能比較。
沒錯，要機能請揀新機。
但新機contrast，sharpness太高，你試下執相將這項增加一定數值，就可以知道很多訊號因此變成死實色而沒有一些細節了，包括相片的空間感及立體感。

舊xtrans之中，首推xpro，最靚，但太舊，對焦更落後，沒有touch mon。之後就是推出價格極高的Xh1，畫質並非平價XT20，XE系可比，那些入門機cmos的畫質相對平面。

如果你有舊xtrans情意結，這部最新，相對最可用，壽命相信最好。
新機要畫質同樣好（但style不同），xpro3。

如果沒有空間感及韻味要求，要平又正買XT3，可以比多d又要全能又要輕XS10

是我目前使用過的最棒的一款機器，沒有其二。
全畫幅，高像素，高感一流6400可用，WB準確，對角迅速，光圈勾搭，設計延續Leica簡約風，用原廠手柄配件手感無敵。28mm視野無太大變形，邊緣清晰度有保證，平時白天光圈開到8左右，快門1/250，ISO自動，基本不用理會對角問題。

..........省一千字

1. 睇相一撥放大就去到最大，由1代已是這樣設計，感覺不好。
2. 選擇圓盤有毛病，用了1年後，在撥或按選擇盤時會亂，好像按鈕痴了線，已長放乾燥箱，當年買1代時都有這毛病。

原本1代用家，在不同時期介紹朋友入了3代5代，當時都best buy，去年我的1代卒之榮休，到我升級了，選了6代，不選7代，因為影風景、室內或旅行已夠用了，1代的電池還可用到。

電量充足，一日不成問題，而且買行貨送多粒電，不過又要網上登記，又要去毒氣室拎，有點煩

細、輕，+ 27MM 2.8 餅鏡，陪女友旅行影相，無負擔，一流

菲林模擬，女友至愛愛愛愛愛愛愛愛................放IG，靚得黎無難度，最緊要唔洗夜晚仲要開電腦執相，有得早點自由，幸福

曝光得啖笑，還是靠自己吧

女友成日問，點解前邊同後邊唔朦0既..................(唉，女人.......)

如果光線不足，菲林模擬的功效就不明顯

過相0個Apps 真心差，結論用返USB-C 線過相

今時今日仲買1.6機，真係有心理關口。

不過菲林模擬真係必殺技，唔洗點後製，又有相上繳女王，爽YY

最緊要細，輕。打卡時，你已經拎自己野時又要幫女友拎曬所有物品，如果部機又大又重，真係無MOOD影落去，結果無相交，下場只得一個.......

所以，依部機係有佢價值。

仲有，小弟喜歡用120菲林影相，帶埋佢做後備機，負擔不大，倒是一個不錯配搭。

有風扇，又可經USB-C 叉電，唔驚停機，拍片時定好多

ISO 12800以下無敵，夾埋支50 1.2、20 1.8 ，堅係黑夜之神

用返SONY 咪可直插熱靴(如B1M)，唔洗插線，超方便

拍片用PP11，電影感不俗，影相都唔錯，已經小弟女友認證

拍攝時手感不錯，係機身厚少少，但比C記P記的拍片機，已經好細部

好多按鈕，而且都可自定義，夠人性化

好多螺絲窿，上配件真係好方便，唔洗加兔籠

0個MON 呀，日光拍野時，好多時睇唔到，要搵手遮，好狼狽，有時唯有睇Zebra

都係0個MON 呀，向左打開，先可上下轉動，但拍野有時左邊已經插左線，或者夾左架，咁點反呀，設局要你買多個外置MON，又係錢

如果你成日都要係室內拍野，又唔可以加燈。

又或者好夜先放工，唸住夜晚影下相，平衡下自己的話，誠意推薦。


PS：小弟用MC-11轉接環，用返Canon d EF 鏡，表現都不錯，大家可考慮一下，但拍片時係無自動對焦，要留意)

電量不錯，一日不成問題，仲可以用尿袋叉，方便好多

操控感好過M機，尤其用Tri-Elmar 兩支鏡，平衡感一流

又可以用返R鏡，我常用支R 60mm 2.8 Macro 掛機，突破M機0.7m以下的領域，加上操控感實在，爽

Menu 清晰，容易操作

拍片質素一流，L-log classic 好有電影感，但4K 60p 有Crop, 要留意

ISO 6400以下表現不錯

AWB 都OK，尚算準確

重，我試過帶佢加24-70 2.8同條女去信芯園影花，半天手都斷

論科技，例如對焦或連拍，唔好與日本機比，無比較無傷害

L鏡唔多，而且真係好貴，要遠攝唯有靠S記及P記，但用得Leica, 唔用Leica 鏡，又好似對唔住自己

leica 除左帶俾你質素及虛榮外，仲有帶俾你一種慢活的生活態度

如果你要快，你要急，真係Sorry, Leica 俾唔到你

如你喜歡按下快門之前，喜歡攪一輪，為每張相做好準備，依部機就好適合你。

(但如果你影你女友的話，你真係要練多D，唔好嘗試考驗女友的耐性)

另外，如果M機與SL機二選一的話，除質素以外，M機真係細D、型D，外貌協會會員合用。SL機呢，愛玩鏡頭者可考慮下，M、R、L鏡都通殺，買鏡時就可以多D選擇(M、R鏡要加轉接環啦，副廠幾百有交易)

可用副廠電，約$200，不過要記住，唔好開左機，再入電，因為我就咁燒左一粒

X1.33，我覺得不錯，估焦時景深較易掌握，反而街拍時命中率仲高左

黑白真係無得輸，層次感都係喜出望外，真係似菲林

日光機

一千萬像素，裁少少相都唔得

快門聲都幾大，而且操作時要慢，一急就好似D女咁，發脾四

0個 MON 可以令你專心影相

AWB唔準，最好自己攪

初入leica 坑，見萬四蚊，又滿足M機的虛榮心，所以買左。

除左樣靚，而且操作與M6菲林機好相近，例如測光及開底蓋。如果你喜歡操作菲林機，它真是不二之選

M9 我都有唸，價錢約兩萬，貴六千
價錢係其次，M9CCD問題真係摸唔透，唔敢買，所以8.2 係有優勢

用左差不多一年，我無後悔，因為D 相的味道獨一無二，就算我用緊SL2-S，一比之下，新機真係越來越似日本機。唯獨8.2 ，不論顏色及層次，真係別具一格，依D可能就係Leica 味掛。

總結，如你喜歡菲林味，誠意推薦，如只滿足虛榮心，一買無妨