Sony NEX-3

實拍照片

價錢唔平，唯一係成像比 DC 仔好小小之外，就冇樣好。

無轉盤揀 MODE ，連 AUTO 制都冇，唔方便已不用多講。
雖然已有固件升級，快速鍵對手動曝光有幫助，但好亂....。
螢幕明顯遍紫。
鏡頭 (跟機變焦鏡) MF 好緊好難扭，扭到極限都無法感受。如果用 MF O既力度去扭變焦環，恐怕扭爆鏡。
多點對焦好假，結果用光圈先決再 MF 慢慢試好過佢。(唔好期望好似 canon 智能對焦咁。)
梗係有種 白濛濛過度曝光O既感覺。

我本身用開全手動 SLR 同用過下 DSLR ，又接觸過 SONY 不少 DV，覺得呢部機好難用。
對 SONY 呢類機全無好感。(可能係我冇玩開 PSP ...冇計。)
我相信新手如果用上呢部機，不單只難學，而且越學越亂，對學習攝影全完係事倍功半！
新手都係買 500D、550D 或 GH1、GF1 較實際。

Easy Panorama Mode 超好用, 即時完成, 唔使影完返屋企先再用 software 慢慢 stitch。
一般單鏡機優點。
無乜掣, 籍 firmware update 尼個小動作可即時加多咗個 mode o黎影相 (version 2 就多咗個 3D panorama mode, 下次唔知多咗D 乜呢), 擴充力理論上無限。

Firmware update (version 2) 只 support window OS, 用 MAC o既機友要問人借腦先 update 到啦!
無乜掣, 要改ISO, WB 尼D 咁基本o既 f(x) 都要先入 menu, 校完之後仲會走番曬出o黎, 又要再入 menu 先改到第二樣。
真係好食電。

買唔到 NEX-5 雙鏡 kit, 唯有買 NEX-3 雙鏡。

手感比想像中好。

自有小朋友後, 出街只能帶 prosumer(小朋友太多o野要攞), Sony 尼次令我重生。

又講優點

講下缼點好過啦 (其實係一D可改進嘅地方)
無光學觀景器 (外接都好呵)日光下無得玩手動焦
無機身除陳系統 都幾大件事嫁 (換鏡時自動關上快門得唔得)

其實係補充一些心得, nex5通用 佢唔比我係果便再講
腰平取景, 至愛, 有老花你就明,
以此攝取一些舊區景色, (黑白也可)
以一個謙卑角度看世界, (小朋友的視角)
于低仰角景觀會否觸及你久遠的記憶
voigkander 40-f1.4 $2790 光圈環手感一流 成像佳 色濃 小巧 型
LAEA150 f1.8sam $1080 成像佳 色可以 可對焦 (慢)
LAEA175-300 f4.5-5.6 $700二手 成像又幾好喎 色可以 輕便
LAEA170-300G f4.5-5.6ssm $4500二手 成像神 色濃 稍重 可對焦
LAEA1zeiss16-80 f3.5-4.5 4350 二手 成像ok咁啦 色濃 焦段一流
LAEA1 有接點 光圈焦距資料顯示 機控光圈
可對焦 SSM 3...5秒 SAM 5…7秒 日光下要靠佢 平時愛用手動對焦
Kit 16 f2.8 成像真係一般 但方便 小巧 可用
Kit 18-55 f3.5-5.6 一般 稍好 焦段可以 輕便 有防震 可用
做人一樣 無對比係揾唔到焦點嘅
試機 試鏡 室內 無前途.. 無腳架 無打燈 D300 大光圈 一樣死法
無合理嘅光源 無腳架 睇唔出鏡頭真正解像 (又講咗去邊)
跟機軟件PMB日曆圖庫好正 咪走寶
特別鳴謝管家婆啊女 指導我用 剪下 貼上 唔係唔駛指意收工

輕, 方便, 可塑性高!
iso 1600可接受!
720p拍片夠晒
一掃全景功能好爽!
連拍夠快!
唔用kit, 畫質算好!
暫時只有nex個mon可以揭上同落, 方便取景!

用電快過打針, 影完2百幾幅得番5%電!
function key唔多夠, 最起馬有既轉mode都要撳入menu去較!
m mode set光圈快門唔係好方便!
送既閃燈同唔送冇分別!
用kit只係好dc少少!
鏡群support少, 下下要用接環都幾麻煩!!

真係有d懷疑NEX系列機係咪用黎玩輕便轉接環既dc, 雖然其他品牌都有得加接環, 但因為感光元件問題, iso相對係nex會好d, 支kit鏡同餅鏡只可以話係勉強接受!
無論發色同sharpness kit lens都係一般, 要用接環加其他鏡出黎效果先好, 但唔通為左接環先玩nex咩??? 對台兩個品牌都出左唔少鏡群去用, sony出左成年到依家都係得3支鏡, 仲要唔係質素好, 有心出無反就唔該做好d, 依家半桶水咁, 好浪費!!

1) 輕、細及操作容易
2) 價錢抵買！我是用16mm 餅鏡的，因只貪其廣角，而我會加接環用Contax G 鏡
3) Sensor 靚，APS-C 格式，比M43大，參考測試結果：http://www.dxomark.com/index.php/eng/Camera-Sensor/Sensor-rankings
4) ISO 高及可用，幾乎無需要插附送的閃光燈

1) 相比單反相機，無反光相機都幾食電，一日拍300張以內都夠用，我習慣一拍完一張便關機，因開、關十分快速及方便。

2) 雖然有1400萬像素，但解析度不及Nikon D700 的1200萬像素，故證明像素高未必代表解析度高，當放大相片時便可發現像素與解析度的分別，只是像素高的話，無調放大相時影像都是鬆散而不結實的！所以買相機不要以為像素高就好，還要知道不為人知的解析度！

3) 附送的相機帶不好用，帶上身感到不自在，最好還是另買皮製的相機帶

4) 一掃全景也有美中不足的，就是接駁位不準，如果只是影靜態或風景大多沒問題，但影動態或高速運動便不是次次中。本人曾在欣澳試拍高速行駛的火車(mtr)，當火車高速駛過一刻便一掃全景，結果車頭分開了兩邊！

減價時於深水埗肥花買的，選擇原因：

1) 用開Nikon D700，想去旅行或外拍時較輕鬆，D700 雖質素好，但還是比較重，Nex 十分輕及無壓力。

2) 除用數碼相機外，亦有一部菲林相機Contax G2 及幾支G鏡，只要配接Contax G→Nex 接環便可以將蔡司G鏡復活了！當然要手動對焦，但不是問題，只要放大10部以上畫面已能非常準確對焦了。相片效果不錯，調好色後拍攝確有老外味道呢！

3) 白平衡及色調可以邊調邊拍，WYSIWYG，當然由於機身細，所以大部份調較都要入選單，但熟習後都非常暢順及快速。

4) 由於像RF相機一樣，沒有反光鏡，使鏡頭能更貼近Sensor，使用廣角鏡時變形會更少！

5) 相信一年會出一次新機，越出越好呢！

從4方面分析NEX-3的表現！外觀操控功能、相片質素、高ISO表現和對焦速度！

Sony NEX-3的外型大家自行上網search吧！NEX-3採用膠殼，揸上手一定膠感十足，手把位防滑粒粒幾好feel，但凸出不夠，令使用變焦鏡(變焦環較緊...)時好像要吃力地用手指夾著機身！反而兩支kit鏡的造工很不錯，外型時尚及好似好實淨(不計算光學表現)！相機螢幕美觀，在日光下也能清晰顯示，可是沒有好好利用相機的闊度，加上要留下空間作操控選項，令人感覺螢幕很細！另外那個上下揭的設計，實用性不高，如果可以向外揭就更好，可方便自拍！電池持久力不俗，100%電量拍攝了約420張相，餘下6%電量，以用螢幕取景的器材來說，真的很不錯啊！按鈕不多，很多setting都要入meun，不過要小巧，自然要捨棄一些東西！功能上不用多說，什麼3D全景拍攝等，網上有很多報告了！1280x720的影片效果，配上立體聲收音，真是一絕！雖然不及NEX-5的Full HD拍攝，但由於就算拍到Full HD，屋企部電都剪唔到(或者等很久很久...)，所以買NEX-3慳返$1000好過！惟一我覺得不及NEX-5的，就是無得用remote...真不明一條那麼好的財路也不加進去！值得一讚的是此機雖然沒有反光板，但仍然提供快門簾，悅耳的快門聲(大肚婆說的)在使用7ps(每秒7張)連拍時，那澎湃的聲音令人產生興奮的感覺！



相片質素是大家關心的問題！大家很多時對使用APS-C CMOS感光源，都只著眼於高ISO的表現，有些更誤解像素高同一般dc一樣，相片效果就差不多！但是用較大面積感光源最吸引的地方，是它能拍出不同的視角(<-自己search下是乜東東，我也不懂得解釋！)。一般DC即使如何強化那鏡頭，但礙於感光源(是面積，不是像素！)太小的原故，令所有影像平平地投在感光源上，未能有效地做出有層次的影像！因此使用面積較大的APS-C格式感光源，較大的感光面便可透過較大口徑的鏡頭來做出一些連Pro-sumer DC也未能做出的立體感！

NEX-3拍出來的相片絕對交到貨，層次感比一般入門單反有過之而無不及！淺景深效果上佳！戶外照片不用多說，有足夠的光，一般相機都已能拍出不錯的相片！低光環境下，(noise問題容後提)仍能提供美觀的層次！閃燈拍攝輸出準確！色水不俗！值得一讚是準確的測光，不太需要執相！auto白平衡在室內不太準，用自訂白平衡吧！jpeg直出無難度，又細(約3.xMB)又靚！應該是鏡頭問題，相片邊緣較模糊，強調只是較模糊！中間位置十分清晰及銳利！



至於高ISO的表現，基本上一般瀏覽去到ISO1600都不易看到noise(當然不是100% crop相咁睇啦！)！由於可用上ISO1600，令室內不用閃光燈時，拍攝實用性大大提高！內置Auto ISO預定了把快門推到1/30秒，減低因較長快門出現手震相朦的機會！減少了很多的工序，這一part真的十分滿意，無閃影B無煩惱！



對焦速度是我最重視的一環，即使多好的相片效果，對不準焦便如無物！當然可以選擇手動對焦，但自問眼水不好、手指愚頓的我，自動對焦是我所需！一般日光對焦當然無問題，於低光環境下，以多點對焦成功準大幅下降，改用中央單點對焦較有效！不過平日我都是喜愛用單點對焦，先半按快門對焦，才進行構圖，中焦成功準很高呢！另一功能連續對焦(即係追焦)也是我留意的一環，因為拍攝好動的女兒時，追焦十分重要！先說連拍速度7ps的確驚人(不要用Casio DC的100ps來比較，因為DC的高速連拍通常都要大大減低相片像素的！)，可是追焦與7ps連拍是不能共存的！因為7ps連拍只會以對第一張相作對焦和測光，即係如果移動快的物件，可能得第一張中焦！以棽栘跑步為例，她向著我跑，頭三張相還在焦距範圍，之後就...如果想連拍和追焦並存，就要拍連拍速度降至2.3ps！不過都算夠用，以上述設定拍攝棽栘走動，都有5成相片中到焦(按著自己不要同D300比！因為這是D300的強項啊！)！收貨啦！

在優點欄一同記載

首先講一下購買Sony NEX-3前的心理預備。一向使用單反的朋友不要用單反的角度評估此相機，一向用開DC的朋友亦不要天真地期望它可以與單反相提並論！因為此相機的定位正正在於兩者之間，與一眾無反單鏡殺出一條血路，吸吮我們的「薪水」！

現在是講解購買NEX-3的原因：1.身痕！2.不是時常可以取「健壯」的D300出街，或是取了D300出街也不能"FING"開兒女輕鬆拍攝！3.如何有名的DC也不能給我感到「合理」的對焦速度！4.棽箖快將出世，期望在不用閃燈下也能有效地輕鬆拍照！在無反單鏡市場眾多選擇中，Oylmpus EP2、EPL-1外型是我最喜愛的，可惜對焦速度......(不說，免生罵戰！)Samsung NX系列，靚仔到......Panasonic GF1可說是其一令我心動的產品，配上那支20/1.7，可說是上佳之選，可是三個原因將它殺退，1.表面是20mm，但等效為40mm，是一支標準鏡，可是那個焦距在日常生活實在不太實用！2. Panasonic系列是透過調節數據來改善兩支kit鏡的光學問題，因此配上所謂較多選擇的m4/3鏡頭時，仍能保持有調節過數據的水準嗎？3.貴！因此NEX-3(較)輕巧的身型、(較)快速的對焦、(較)合焦距的kit鏡、(較)上佳的高ISO相片質素和(較)超值的價錢，令我決定要出手購買！

上述只是少少意見，是給經常流連相機網、電器店的朋友作參考！我所喜愛的功能不等於是別人的需要，因此買機前好好考慮那一台是最適合自己吧！大前題，當然是要找個合理的藉口吧！呵呵呵呵...