Sony NEX-3

實拍照片

從4方面分析NEX-3的表現！外觀操控功能、相片質素、高ISO表現和對焦速度！

Sony NEX-3的外型大家自行上網search吧！NEX-3採用膠殼，揸上手一定膠感十足，手把位防滑粒粒幾好feel，但凸出不夠，令使用變焦鏡(變焦環較緊...)時好像要吃力地用手指夾著機身！反而兩支kit鏡的造工很不錯，外型時尚及好似好實淨(不計算光學表現)！相機螢幕美觀，在日光下也能清晰顯示，可是沒有好好利用相機的闊度，加上要留下空間作操控選項，令人感覺螢幕很細！另外那個上下揭的設計，實用性不高，如果可以向外揭就更好，可方便自拍！電池持久力不俗，100%電量拍攝了約420張相，餘下6%電量，以用螢幕取景的器材來說，真的很不錯啊！按鈕不多，很多setting都要入meun，不過要小巧，自然要捨棄一些東西！功能上不用多說，什麼3D全景拍攝等，網上有很多報告了！1280x720的影片效果，配上立體聲收音，真是一絕！雖然不及NEX-5的Full HD拍攝，但由於就算拍到Full HD，屋企部電都剪唔到(或者等很久很久...)，所以買NEX-3慳返$1000好過！惟一我覺得不及NEX-5的，就是無得用remote...真不明一條那麼好的財路也不加進去！值得一讚的是此機雖然沒有反光板，但仍然提供快門簾，悅耳的快門聲(大肚婆說的)在使用7ps(每秒7張)連拍時，那澎湃的聲音令人產生興奮的感覺！



相片質素是大家關心的問題！大家很多時對使用APS-C CMOS感光源，都只著眼於高ISO的表現，有些更誤解像素高同一般dc一樣，相片效果就差不多！但是用較大面積感光源最吸引的地方，是它能拍出不同的視角(<-自己search下是乜東東，我也不懂得解釋！)。一般DC即使如何強化那鏡頭，但礙於感光源(是面積，不是像素！)太小的原故，令所有影像平平地投在感光源上，未能有效地做出有層次的影像！因此使用面積較大的APS-C格式感光源，較大的感光面便可透過較大口徑的鏡頭來做出一些連Pro-sumer DC也未能做出的立體感！

NEX-3拍出來的相片絕對交到貨，層次感比一般入門單反有過之而無不及！淺景深效果上佳！戶外照片不用多說，有足夠的光，一般相機都已能拍出不錯的相片！低光環境下，(noise問題容後提)仍能提供美觀的層次！閃燈拍攝輸出準確！色水不俗！值得一讚是準確的測光，不太需要執相！auto白平衡在室內不太準，用自訂白平衡吧！jpeg直出無難度，又細(約3.xMB)又靚！應該是鏡頭問題，相片邊緣較模糊，強調只是較模糊！中間位置十分清晰及銳利！



至於高ISO的表現，基本上一般瀏覽去到ISO1600都不易看到noise(當然不是100% crop相咁睇啦！)！由於可用上ISO1600，令室內不用閃光燈時，拍攝實用性大大提高！內置Auto ISO預定了把快門推到1/30秒，減低因較長快門出現手震相朦的機會！減少了很多的工序，這一part真的十分滿意，無閃影B無煩惱！



對焦速度是我最重視的一環，即使多好的相片效果，對不準焦便如無物！當然可以選擇手動對焦，但自問眼水不好、手指愚頓的我，自動對焦是我所需！一般日光對焦當然無問題，於低光環境下，以多點對焦成功準大幅下降，改用中央單點對焦較有效！不過平日我都是喜愛用單點對焦，先半按快門對焦，才進行構圖，中焦成功準很高呢！另一功能連續對焦(即係追焦)也是我留意的一環，因為拍攝好動的女兒時，追焦十分重要！先說連拍速度7ps的確驚人(不要用Casio DC的100ps來比較，因為DC的高速連拍通常都要大大減低相片像素的！)，可是追焦與7ps連拍是不能共存的！因為7ps連拍只會以對第一張相作對焦和測光，即係如果移動快的物件，可能得第一張中焦！以棽栘跑步為例，她向著我跑，頭三張相還在焦距範圍，之後就...如果想連拍和追焦並存，就要拍連拍速度降至2.3ps！不過都算夠用，以上述設定拍攝棽栘走動，都有5成相片中到焦(按著自己不要同D300比！因為這是D300的強項啊！)！收貨啦！

在優點欄一同記載

首先講一下購買Sony NEX-3前的心理預備。一向使用單反的朋友不要用單反的角度評估此相機，一向用開DC的朋友亦不要天真地期望它可以與單反相提並論！因為此相機的定位正正在於兩者之間，與一眾無反單鏡殺出一條血路，吸吮我們的「薪水」！

現在是講解購買NEX-3的原因：1.身痕！2.不是時常可以取「健壯」的D300出街，或是取了D300出街也不能"FING"開兒女輕鬆拍攝！3.如何有名的DC也不能給我感到「合理」的對焦速度！4.棽箖快將出世，期望在不用閃燈下也能有效地輕鬆拍照！在無反單鏡市場眾多選擇中，Oylmpus EP2、EPL-1外型是我最喜愛的，可惜對焦速度......(不說，免生罵戰！)Samsung NX系列，靚仔到......Panasonic GF1可說是其一令我心動的產品，配上那支20/1.7，可說是上佳之選，可是三個原因將它殺退，1.表面是20mm，但等效為40mm，是一支標準鏡，可是那個焦距在日常生活實在不太實用！2. Panasonic系列是透過調節數據來改善兩支kit鏡的光學問題，因此配上所謂較多選擇的m4/3鏡頭時，仍能保持有調節過數據的水準嗎？3.貴！因此NEX-3(較)輕巧的身型、(較)快速的對焦、(較)合焦距的kit鏡、(較)上佳的高ISO相片質素和(較)超值的價錢，令我決定要出手購買！

上述只是少少意見，是給經常流連相機網、電器店的朋友作參考！我所喜愛的功能不等於是別人的需要，因此買機前好好考慮那一台是最適合自己吧！大前題，當然是要找個合理的藉口吧！呵呵呵呵...

- 價錢平(18-55 kit $4390)，中級中抵過對手們一大截
- 輕便 (機身連電297g，連18-55 = 491g)
- 一按即錄video，呢樣野好方便，550D就無！煩死我！
- Mirrorless 機中有APS HD CMOS sensor，勁正(我知三叔都有，但...)
- 對焦都幾快，當然無單反快，但快過EP1，感覺上應該慢GF1少少，但我手頭無GF1
- 反應幾快，連拍仲有7fps...
- 1400萬像夠有突！
- ISO可上到12800，高ISO都幾好，1600可用
- HD 720p mpeg 4 video 仲有stereo收音
- 咁細部機個LCD仲可上下扭，好方便
- 包埋小形外閃，雖然細，但包埋真係算係闊佬(EP1個支外閃靚就靚，但GN14要賣$1400)
- 外形都係一貫索尼手筆，見仁見智，我覺得ok，雖然好膠，但索尼對物料同coating一向有d料到
- 一掃全景實用又好玩
- 有貼心指示教影相，對新手幾有用

- LCD有點偏紅
- 無乜掣，搞到成日要入menu搞
- 粒電睇黎唔多襟用，玩左1粒鐘唔夠無左20%，但要再試真d先知-- 18-55支鏡身無防震開關
- 索尼竟然無跟Body cap 同lens rear cap!!!
- 一諗埋個價錢，真係好難有投訴...

我係幫家姐買，佢指定要紅色3仔+18-55。
正價$4390，正/副廠電暫時都未有。

初試感覺，部機係幾靚，幾輕，(機身連電297g，連18-55 = 491g)，
LCD可調角度幾好，睇落同GF1差不多，但偏暗少少，及偏紅。
反應幾快，但對焦似乎比GF1慢少少，
操作就一般，基本上所有野都要入menu度搞，- Even入到menu都無乜野搞，好簡單，直迫DC... 其實對新手或一般用家來講係好事。
ISO1600都好滑，跟機個支細閃都唔洗點用，但已經好好，起碼唔洗再另買。
支18-55真係幾實用，夠扎實，OSS唔弱，但無得響鏡身開關，仲有埋hood跟！
個人覺得NEX最正既係：輕細，APS-C sensor，高ISO可用性高，HD Video with stereo mic，可調角度LCD，一按即錄video，索尼獨有一按橫掃全景照，內置貼心小貼士for新手，超抵玩。

我覺得基本上索尼今次係擺明搶客益街坊！
$4390，應該可順利做瓜晒EPL1、GF1個班！以呢個價錢真係無乜缺點可言。

* 畫質相當高, apsc coms 既優勢
* 高ISO 表現超好, ISO1600絕對冇問題, 3200亦都可用
* 全景, 防手震mode, 超實用
* 輕身, 手感有人會覺得唔好, 但其實加左套之後, 就會好好
* HDR 好好用
* LCD mon 靚, 陽光下亦看得到, 又可以反
* 有不同牌子接環, 可以玩好多鏡
* 可以af 拍片, 正
* 顏色jpeg直出討好

* Menu 唔方便
* 雖然有轉盤用, 但我手指大, 轉個轉盤時, 好易變左按下
* WB 唔夠準, 主要係特別室內
* 電量唔夠, 如果想影足一日, 3舊電就可以幫到你 (平均一舊電玩300張)
* 機身太輕, 用18-55時, 有頭重尾輕既感覺 (sony 應該出d 又輕既鏡, balance番, 哈哈)
* 對焦唔夠快

首先大家不要用nex 同什麼5d2, d700, 50d, d90之類去比較, 又話操控差, 對焦慢, d 鏡唔得等等...雖然好多人期望/ 以為佢真係可以同單反切磋, 但其實nex 只係一部可換鏡dc, 佢比你既係 --- 輕便, 易用, 而且高質 (定義人人唔同, 但事實都可以單反一較高下, 比3/4機更強應該冇人反對嘛, 哈哈)

入正題, 首先, 輕便, 唔駛講太多, 真係好輕, 手感方面, 有人會覺得手感唔好, 但我覺得岩岩好, 特別係我加左保護套後, 手感大增, 亦有人因為手感問題而買nex5, 當然都有人覺得手感太差唔買啦...但我覺得好好, 去旅行, 行山, 真係一流, 完全冇負擔, 回家後放上電腦睇, 真開心, 因為輕便了10倍, 相質並冇相應下降, 真係太好了 ^^

第二重點, 易用, nex 既目的係想大家唔好攪咁多setting, 只要一按, 就有靚相, 呢部機既auto 做到了, 大家唔駛擔心, auto都唔會下下iso 6400, 當然你有要求, 都有a, s, m mode你用, 但nex 既重點真係想大家唔好攪咁多, 按快門就是一切了.

第三, 高質, 好多人話支16mm鏡唔得, 又鬆, 又濛, 又變型, 又話18-55果支持質素好低, 請大家自問一下, 你地既定義係點, 係唔係要紅圈白鏡先收貨, 平心而論, 18-55果支的確可以收貨, 而支16mm真係差了一點, 但也不至於一文不值. 不過, 機既質素其實係相當高, 有玩手動鏡既朋友都知nex 一樣可以好好發揮鏡既實力, 而sony 亦會陸續出新鏡, 鏡既質素應該會提升不少. (18-200 我未用過, 而且冇興趣試, 因為太大了, 呢個size, 我用返a700算了><)

最後想講, 我買呢部機既原因, 正正就是我想要輕便, 易用, 對畫質有要求, 再加上sony 機強項 --- 一拍全景, 防手震夜拍(呢2樣野, 其他牌子仲未做得好), 呢幾個大原因, nex 係最適合我不過, 而且無論用咩鏡, 包括幾百蚊既cctv 鏡, 相質都會好過所有dc, 3/4機, 而且支魚眼又好玩又抵玩, 去旅行, 1機3鏡都輕過普通一部dslr 淨body. 我對上一部輕便易用機, 就係hx 1, 一樣係易用, 簡單, 但畫質只屬普通, 今次nex 真係滿足哂我要求 ^^

呢部nex, 我會推介比唔同既人士, 除左死硬派.
要追求完美外型手感, 操控極佳, 對焦極準, 畫質一等一, 鏡海既人, bb ^^
想要輕便, 簡單, 易用, 又有畫質要求的人, 請加入nex ^^

機身細小(相比單反), 機動性高, 外形 OK, 最重要是價錢平
高 ISO 低雜訊, ISO 1600 表現超卓, 直接提高拍攝成功率
估佢唔到o既真快門簾, 聲音聽起來很爽
有一掃全景, 配合 APS-C CMOS, 全景相片質素很高
對焦算快, 白平衡算準, 相片顏色討喜
多角度 LCD, 拍攝具更大靈活性
影片雖然只是 720P MP4, 但已足夠日常使用有餘, DV 可以 BYE BYE
加接環就可接上不同牌子的舊鏡, 好玩
定焦可加魚眼 Adapter, 變成世界上最平o既魚眼鏡
可用 SD 及 MS 卡 (Sony 一話可以用 SD, 其實已經大大加分)
閃燈雖細但可調較閃燈補償, 厲害!!!

閃燈為外置式, 若有其他配件如 VF 時就頭痕, 難以取捨
無傳統閃燈腳位, 希望日後有 adapter 或出可打 bounce 閃燈
無雙輪, 無 AE Lock, 無 Fn 鍵, 按鍵設計過份簡化
可能用開 N 記, 覺得 MENU 始終不夠貼心 (例如 iso 自動沒有上限可調)
沒有數碼濾鏡及特效, 影完不滿意就要返屋企執
拿上手有一點頭重尾輕的感覺
配件貴 (一個透明 LCD 膠蓋都要 90, 底套要 390 !!!)
一粒電的電力確實不太夠, 一定要買多一粒原廠電或兩粒副廠電做後備

作為有單反人仕的副機, 絕對稱職
雖然按鍵設計過份簡化, 但我就不太想用細機時仲要煩光圈快門
雖然定焦餅鏡質素一般, 但我發覺若加上魚眼配件後,
反而變成一支質素不錯且是世上價錢最平的魚眼鏡 (唔怪得魚眼 Adapter 一直都無貨)
相比於其他可換鏡頭小相機, 雖然鏡頭質素不是最好, 但已是合格有餘
而 iso 質素就算得上是無敵, 晚上拍照即見真章
當然, 最吸引人的地方, 絕對是價格吧~
因為不會有人想到, 買 ALPHA 可以六千元左右就有齊定焦鏡, 變焦鏡同魚眼鏡
ISO 3200 以上都可以出得街之餘, 又可以加接環玩其他牌子鏡頭兼有自動測光
我都不知如何形容這部 "EVIL", 但他真的很 EVIL
因為它一出, 即令其他牌子立即變陣呢~

很多人一開始就想買 Nex-5, 原因是握手位好握一點香可拍 1080i 影片
不過當我一想到我家的電腦和電視還未有全高清, 我就知道, 720P 已經很足夠了
而握手位方面, 其實買一個原廠底套並安裝上去後, 已好了不少
所以, 3 和 5 的分別是 "足夠" 和 "更好" 的分別
選擇哪一部, 就要看個人需要了

1, $4390. 真係好便宜啦
2.一按錄影! 再按就stop. 方便! 不過我唔太常用...
3.開機大約1-2秒.
4, mon 正~!
5, 一掃全景好用! 質素都唔係話好差~我接受到law~上下左右都玩到
6,video 有stereo收音
7,有教學功能!
8,對焦比預期快.
9,18-55支鏡一d都唔係膠~!
10, 輕便
11, 有得update firmware! ver2多左3Dpanorama mode~

1, 如果可以有iso同wb既制係機身. 咁就好啦......
2, 一定要帶多d電~!
3,支閃....可以既話最好唔用...室內補補都ok既..

nex3, nex5最後選了nex3....
發覺無咩大分別...
反而我覺得nex3手感更好~~~nex 5 突出來的部份有d唔岩手型
因為所謂既full hd我根本唔會多用......
真係玩拍full hd 都唔係選呢部~~~~

用了一個星期! 咁岩拎埋去旅行玩...留低部d90係屋企....
真係幾輕鬆~~但都有唔錯既質素~~~
都幾岩做後備機.......

我有加轉接器試下配其實鏡用.....
我買18-55kit set! 用過nikon 鏡(35mm 1.8, 17-55mm 2.8)~~
出來既效果有點驚喜~~~

個mon真係設計不錯~! 方便!!

設定都好細心~~~全部都有註解~~~
岩哂入門新手~~~~真係我阿爸都用到~哈哈

新出品都係4390連鏡.....個人覺得真係好超值了~
對比同價既dc~~仲可以有d咩要求~~

紅色金屬機身加上灰銀色鏡頭絕對搶眼又型仔 可支援雙卡 夲身有二部SONY機 D咭可輪流用 返 個mon好靚 因為靚所以同實物有d偏差 都算輕如果配餅鏡仲更輕同一絕特別是 iso1600夲人黎講 絕對可用同合格 以後帶佢影夜景你都咪話唔正 有一d單反或專業小小d機未必及得佢!!

功能要深入轉換 例如iso就要入三層介面 比較麻煩 但它的轉盤亦很方便快速亦彌補以上的不足 相機帶個人黎講唔方便 帶來地深吸力 雖然有人講是力學問題 但有別於一般傳统 補品實在貴得不合理 套裝機只是$43xx 一個轉接環要$13xx 一舊電要$4xx 唔怪得一D雜配件可以大行其道 SONY係時候要諗吓將配件價格調低 讓肥水流向別人田了!

其實我想買全高清NEX 5的 但NEX 3紅色實太型仔了 心想亦唔係好鐘意拍片 但NEX3的拍片質數都幾勁 所以因為好色問題 就買了紅色 因两機的功能基夲一樣 除了拍片級數之外 NEX 3又有靚色同平番幾舊 我咁講相信都有人認同啦!