老鏡的最佳拍擋
ISO 高到唔用燈都拍到靚相(無乜noise)
用防手震mode 拍出嚟iso 6400 都無乜noise
全景嗰D影風景一流(3D嗰個未試)

好用的mode 都無得做好多設定，但A,M mode 都無防手震
全景同防手震mode 可以設定的嘢太少，尤其係全景，連快門都無得設，唔用kit 鏡可以唔使用全景影夜景

只用kit 鏡會覺得只係比DC好的相機，但用返adapter 轉d nikon 老鏡，即時變咗做一部無敵的機體。
本來對無OVF 有點抗拒，但用落，用手動鏡影相，睇MON 會快過同準過OVF，必要時再開埋個MF輔助，差唔多無對唔中的相。

美中不足係無機身防手震，用老鏡多數係鏡重過機，好多時頭重腳輕，用D長D的鏡好似>105嗰D，差唔多都要用佢個防手震mode 拍先得，但嗰個mode 可以較的嘢好少..

細,平, 唔使$5000 有兩個鏡頭
mon可以調較角度, 方便唔同取景; 而且好靚
有不同顏色, 個人最鍾意白色
拍夜景質素好好, 唔用腳架都OK!
一掃全景好好玩
kit zoom 鏡質素都OK, 朋友睇左facebook 相都問係咩model~

比想像中重左小小
Nex 3 無遙控功能
電力唔係好足夠, 不過行貨通常都有副電送, 所以問題不大
隨機附送既相機繩好差

比想像中重D, 不過再同佢影出黎既質量比較, 就覺得物超所值.
本身只有panasonic 既小DC, 由於拍夜景實在太差, 所以想買部好D而又唔太重既相機.
佢拍夜景既功能實在好好, 高ISO表現出乎玩開DC既我既想像之外~
加上佢白色機身, 用左兩星期都好鍾意佢~

-高ISO 表現理想, ISO3200 可用
-多框ISO 效果顯著, 令ISO6400 表現良好
-全景模式夠玩味至於亦實用, 省卻後製時間, 而且係Sony 獨有
-HDR 模式全面同實用
-LCD 顯示出色, 比電腦睇仲要好, 可惜不是實際效果
-夠型仔; 機身做工不錯, 雖不是金屬機身但唔膠, 鏡頭全金屬, 組裝不錯
-Update firmware 後有更多快捷鍵可用
-16mm 鏡頭變形小, 體積小, 方便隨身
-18-55mm 鏡頭實用, 質素比其他牌子kit 鏡更佳, sharpness 有水準
-幾乎所有鏡頭皆可用, 有不同接環可用
-經濟實惠, 不用$5000 卻有2枝鏡玩

-Menu 設計差, 分類差, 難快速較 setting
-高ISO 表現雖佳但低ISO (200-800) 相片不夠細緻; 沒有ISO100 提供
-鏡頭對焦只有85% 準確, 對近野容易失焦
-WB 未夠準確, 尤其夜晚容易偏黃/綠; 手動WB 亦不準確
-正因為此, 需要RGB 獨立調教. 可惜相機沒有這項setting
-16mm 鏡頭邊緣成像欠佳; zoom kit 18mm 變形嚴重, 本來可以像M4/3 提供變形等自動校 正, 但NEX 沒有, 希望下次update firmware 可以做到呢樣野
-Movie mode 唔sharp, 好多noise; 尤其係當你用A mode set 細光圈在拍片時相機會跟番你A mode 光圈setting, 入光不足
-電量細, 常於備用狀態/睇相會走電, 未夠300張就會無電

對比之前用Pentax DSLR, NEX 非常輕便, 帶來拍攝樂趣. 大sensor 亦比M4/3 CMOS size 更可取. 可惜法蘭距太短, 鏡頭變緣成像一般; 廠方沒有利用數碼校正改善暗角/變形問題. 但作為DSLR 之後第二步機是非常適合的.

我觉得价格是NEX－3最大的优点吧～不到HK$4000便可买到APS－C级感光元件的EVIL相机，十分超值！

使用上的便利性有待提高，况且软体改良并不会增加多少成本。希望Sony能够考虑用户意见，及早推出软体更新！

买NEX－3就是冲着它的小巧轻便和大CMOS感光元件这两个“必杀技”而来，出于对16mm定焦镜的成像效果的考虑，于是购买了18－55单镜装，使用过后发现成像效果满意，体积和重量也在可接受的范围。但是由于没有内置闪光灯，虽然使用频率不高，但是需要用到时还要安装以及拆卸（因为原厂皮套在安装闪光灯之后无法盖拢）颇为麻烦（但此缺憾在购买前已经考虑并接受）。

使用上的不便捷还包括菜单的操作，最让我头痛的除了在自动及场景模式下无法使用很多设定（如后帘同步闪光，自动对焦模式，色彩模式，白平衡模式等较基本设定，可能Sony认为使用场景模式的用户是没有必要进行此类设定吧，但是完全不能进行设定的确不够便利），以及最不可思议的必须要拨动电源开关才能进入播放模式，不能在关机状态下直接按播放按钮进入播放模式。

現時最輕同細既apsc,
較m4/3更便宜
高ISO下低雜訊 , 更可拍 ISO 6400 的低雜訊照片 (手持防止模糊 mode)
一掃全景簡單好用
有操控轉盤
kit lens 有廣角 24mm
唔使 $900 玩魚眼鏡
掛繩設計鏡頭向下

食電 , 開機後如果可以獨立熄 mon就好好多.
kit lens 質素麻麻, 變焦鏡幾大支
冇機身防震, 餅鏡都冇防震,
用非e-mount 鏡冇AF/ AF慢
auto ISO下最高只會去到 ISO 1600
錄影掣有d唔就手
冇乜內置 art filter
閃燈不是內置 (雖然極少用)

原本最唔掂既操控介面經過軟體更新之後大大改善.
現時市面上可換鏡DC既最佳選擇.

高ISO也可用
結合多個有趣功能 (一掃全景，微笑自拍等)
輕巧
反應，畫質貼近單反級
高速連拍
拍片出色

操作制少，好多功能都要按2-3下，唔方便
閃燈火力細，有等於無

貼近單反畫質，機身真係好細
輕便易用，好快上手
拍片出色
可惜操作上因為制少，感覺似DC，想setting要按2-3下... 唔夠方便
有d迫你用auto咁 (但又因為咁，易上手，有好有唔好)
同埋閃燈力弱 (呢個又怪唔晒佢，因M4/3都係咁上下，機身限制左)
幸好高iso都可以用，加上有個"弱光連拍合成"，晚上影一般都唔駛閃燈

總結：除左操作，基本上各方面都好好，最重要係C/P高，抵玩

機身細小(相比單反), 機動性高, 外形 OK, 最重要是價錢平
高 ISO 低雜訊, ISO 1600 表現超卓, 直接提高拍攝成功率
估佢唔到o既真快門簾, 聲音聽起來很爽
有一掃全景, 配合 APS-C CMOS, 全景相片質素很高
對焦算快, 白平衡算準, 相片顏色討喜
多角度 LCD, 拍攝具更大靈活性
影片雖然只是 720P MP4, 但已足夠日常使用有餘, DV 可以 BYE BYE
加接環就可接上不同牌子的舊鏡, 好玩
定焦可加魚眼 Adapter, 變成世界上最平o既魚眼鏡
可用 SD 及 MS 卡 (Sony 一話可以用 SD, 其實已經大大加分)
閃燈雖細但可調較閃燈補償, 厲害!!!

閃燈為外置式, 若有其他配件如 VF 時就頭痕, 難以取捨
無傳統閃燈腳位, 希望日後有 adapter 或出可打 bounce 閃燈
無雙輪, 無 AE Lock, 無 Fn 鍵, 按鍵設計過份簡化
可能用開 N 記, 覺得 MENU 始終不夠貼心 (例如 iso 自動沒有上限可調)
沒有數碼濾鏡及特效, 影完不滿意就要返屋企執
拿上手有一點頭重尾輕的感覺
配件貴 (一個透明 LCD 膠蓋都要 90, 底套要 390 !!!)
一粒電的電力確實不太夠, 一定要買多一粒原廠電或兩粒副廠電做後備

作為有單反人仕的副機, 絕對稱職
雖然按鍵設計過份簡化, 但我就不太想用細機時仲要煩光圈快門
雖然定焦餅鏡質素一般, 但我發覺若加上魚眼配件後,
反而變成一支質素不錯且是世上價錢最平的魚眼鏡 (唔怪得魚眼 Adapter 一直都無貨)
相比於其他可換鏡頭小相機, 雖然鏡頭質素不是最好, 但已是合格有餘
而 iso 質素就算得上是無敵, 晚上拍照即見真章
當然, 最吸引人的地方, 絕對是價格吧~
因為不會有人想到, 買 ALPHA 可以六千元左右就有齊定焦鏡, 變焦鏡同魚眼鏡
ISO 3200 以上都可以出得街之餘, 又可以加接環玩其他牌子鏡頭兼有自動測光
我都不知如何形容這部 "EVIL", 但他真的很 EVIL
因為它一出, 即令其他牌子立即變陣呢~

很多人一開始就想買 Nex-5, 原因是握手位好握一點香可拍 1080i 影片
不過當我一想到我家的電腦和電視還未有全高清, 我就知道, 720P 已經很足夠了
而握手位方面, 其實買一個原廠底套並安裝上去後, 已好了不少
所以, 3 和 5 的分別是 "足夠" 和 "更好" 的分別
選擇哪一部, 就要看個人需要了

Responsive shutter
No flash in low light condition
Movie mode is handy and start quick

None so far... Very happy about it.

Just bought at Sunning Laser for $4150 (18-55mm single lens white kit set). Tested with some indoor shots. Loving it. Well worth the money...

從4方面分析NEX-3的表現！外觀操控功能、相片質素、高ISO表現和對焦速度！

Sony NEX-3的外型大家自行上網search吧！NEX-3採用膠殼，揸上手一定膠感十足，手把位防滑粒粒幾好feel，但凸出不夠，令使用變焦鏡(變焦環較緊...)時好像要吃力地用手指夾著機身！反而兩支kit鏡的造工很不錯，外型時尚及好似好實淨(不計算光學表現)！相機螢幕美觀，在日光下也能清晰顯示，可是沒有好好利用相機的闊度，加上要留下空間作操控選項，令人感覺螢幕很細！另外那個上下揭的設計，實用性不高，如果可以向外揭就更好，可方便自拍！電池持久力不俗，100%電量拍攝了約420張相，餘下6%電量，以用螢幕取景的器材來說，真的很不錯啊！按鈕不多，很多setting都要入meun，不過要小巧，自然要捨棄一些東西！功能上不用多說，什麼3D全景拍攝等，網上有很多報告了！1280x720的影片效果，配上立體聲收音，真是一絕！雖然不及NEX-5的Full HD拍攝，但由於就算拍到Full HD，屋企部電都剪唔到(或者等很久很久...)，所以買NEX-3慳返$1000好過！惟一我覺得不及NEX-5的，就是無得用remote...真不明一條那麼好的財路也不加進去！值得一讚的是此機雖然沒有反光板，但仍然提供快門簾，悅耳的快門聲(大肚婆說的)在使用7ps(每秒7張)連拍時，那澎湃的聲音令人產生興奮的感覺！



相片質素是大家關心的問題！大家很多時對使用APS-C CMOS感光源，都只著眼於高ISO的表現，有些更誤解像素高同一般dc一樣，相片效果就差不多！但是用較大面積感光源最吸引的地方，是它能拍出不同的視角(<-自己search下是乜東東，我也不懂得解釋！)。一般DC即使如何強化那鏡頭，但礙於感光源(是面積，不是像素！)太小的原故，令所有影像平平地投在感光源上，未能有效地做出有層次的影像！因此使用面積較大的APS-C格式感光源，較大的感光面便可透過較大口徑的鏡頭來做出一些連Pro-sumer DC也未能做出的立體感！

NEX-3拍出來的相片絕對交到貨，層次感比一般入門單反有過之而無不及！淺景深效果上佳！戶外照片不用多說，有足夠的光，一般相機都已能拍出不錯的相片！低光環境下，(noise問題容後提)仍能提供美觀的層次！閃燈拍攝輸出準確！色水不俗！值得一讚是準確的測光，不太需要執相！auto白平衡在室內不太準，用自訂白平衡吧！jpeg直出無難度，又細(約3.xMB)又靚！應該是鏡頭問題，相片邊緣較模糊，強調只是較模糊！中間位置十分清晰及銳利！



至於高ISO的表現，基本上一般瀏覽去到ISO1600都不易看到noise(當然不是100% crop相咁睇啦！)！由於可用上ISO1600，令室內不用閃光燈時，拍攝實用性大大提高！內置Auto ISO預定了把快門推到1/30秒，減低因較長快門出現手震相朦的機會！減少了很多的工序，這一part真的十分滿意，無閃影B無煩惱！



對焦速度是我最重視的一環，即使多好的相片效果，對不準焦便如無物！當然可以選擇手動對焦，但自問眼水不好、手指愚頓的我，自動對焦是我所需！一般日光對焦當然無問題，於低光環境下，以多點對焦成功準大幅下降，改用中央單點對焦較有效！不過平日我都是喜愛用單點對焦，先半按快門對焦，才進行構圖，中焦成功準很高呢！另一功能連續對焦(即係追焦)也是我留意的一環，因為拍攝好動的女兒時，追焦十分重要！先說連拍速度7ps的確驚人(不要用Casio DC的100ps來比較，因為DC的高速連拍通常都要大大減低相片像素的！)，可是追焦與7ps連拍是不能共存的！因為7ps連拍只會以對第一張相作對焦和測光，即係如果移動快的物件，可能得第一張中焦！以棽栘跑步為例，她向著我跑，頭三張相還在焦距範圍，之後就...如果想連拍和追焦並存，就要拍連拍速度降至2.3ps！不過都算夠用，以上述設定拍攝棽栘走動，都有5成相片中到焦(按著自己不要同D300比！因為這是D300的強項啊！)！收貨啦！

在優點欄一同記載

首先講一下購買Sony NEX-3前的心理預備。一向使用單反的朋友不要用單反的角度評估此相機，一向用開DC的朋友亦不要天真地期望它可以與單反相提並論！因為此相機的定位正正在於兩者之間，與一眾無反單鏡殺出一條血路，吸吮我們的「薪水」！

現在是講解購買NEX-3的原因：1.身痕！2.不是時常可以取「健壯」的D300出街，或是取了D300出街也不能"FING"開兒女輕鬆拍攝！3.如何有名的DC也不能給我感到「合理」的對焦速度！4.棽箖快將出世，期望在不用閃燈下也能有效地輕鬆拍照！在無反單鏡市場眾多選擇中，Oylmpus EP2、EPL-1外型是我最喜愛的，可惜對焦速度......(不說，免生罵戰！)Samsung NX系列，靚仔到......Panasonic GF1可說是其一令我心動的產品，配上那支20/1.7，可說是上佳之選，可是三個原因將它殺退，1.表面是20mm，但等效為40mm，是一支標準鏡，可是那個焦距在日常生活實在不太實用！2. Panasonic系列是透過調節數據來改善兩支kit鏡的光學問題，因此配上所謂較多選擇的m4/3鏡頭時，仍能保持有調節過數據的水準嗎？3.貴！因此NEX-3(較)輕巧的身型、(較)快速的對焦、(較)合焦距的kit鏡、(較)上佳的高ISO相片質素和(較)超值的價錢，令我決定要出手購買！

上述只是少少意見，是給經常流連相機網、電器店的朋友作參考！我所喜愛的功能不等於是別人的需要，因此買機前好好考慮那一台是最適合自己吧！大前題，當然是要找個合理的藉口吧！呵呵呵呵...

紅色金屬機身加上灰銀色鏡頭絕對搶眼又型仔 可支援雙卡 夲身有二部SONY機 D咭可輪流用 返 個mon好靚 因為靚所以同實物有d偏差 都算輕如果配餅鏡仲更輕同一絕特別是 iso1600夲人黎講 絕對可用同合格 以後帶佢影夜景你都咪話唔正 有一d單反或專業小小d機未必及得佢!!

功能要深入轉換 例如iso就要入三層介面 比較麻煩 但它的轉盤亦很方便快速亦彌補以上的不足 相機帶個人黎講唔方便 帶來地深吸力 雖然有人講是力學問題 但有別於一般傳统 補品實在貴得不合理 套裝機只是$43xx 一個轉接環要$13xx 一舊電要$4xx 唔怪得一D雜配件可以大行其道 SONY係時候要諗吓將配件價格調低 讓肥水流向別人田了!

其實我想買全高清NEX 5的 但NEX 3紅色實太型仔了 心想亦唔係好鐘意拍片 但NEX3的拍片質數都幾勁 所以因為好色問題 就買了紅色 因两機的功能基夲一樣 除了拍片級數之外 NEX 3又有靚色同平番幾舊 我咁講相信都有人認同啦!