1.二手價 $7000-5000有支400mm的長焦鏡頭 , 見有貨快快入手
2. 由100 至 400mm 彈性佳，比定焦 Canon EF 400 f4.5L IS USM 可以創作更多主題
3. 這麼大支長焦鏡頭但好輕，支小白仲重過大白！
4. 光線夠之下成像可以好sharp
5.長焦在戶外影雀鳥 , 無得頂！

用這個 ( Canon EF 100-400mm f4.5-5.6L IS USM ) 的時候用 ( Canon EOS 40D/700D ) 的時候加 ( Canon Extender EF 2X /Canon Extender EF 1.4X II ) 就無法Auto focus 反而用 ( Canon EOS RP 加 Canon Extender EF 2X /Canon Extender EF 1.4X II ) 就可以 Auto focus ( Canon EF 70-200mm f/4L IS USM )加 ( Canon Extender EF 2X /Canon Extender EF 1.4X II ) 就可以 Auto focus

用這個 Canon EF 100-400mm f4.5-5.6L IS USM 的時候建議加 Canon Extender EF 1.4X 第一至三代會最好 ( 建議用 Canon Extender EF 1.4X 第二至三代 )
影雀拍雀鳥影片更佳
小弟之前6至7年係玩開 Canon EF 70-200mm f/4.0 L IS USM 的; 不過因為財力同埋影相祗係一種閒時嗜好嘅關係, 所以唔想投資得太多; 所以當決定 upgrade 鏡頭, 之後就一心諗住搵支 Canon EF 100-400mm f4.5-5.6L IS USM 定係貴貴地入支 Canon EF 300 F/4L IS USM 好呢? (當然 Canon EF 300mm f/2.8 L IS USM out of budget 啦) 終於, 問過晒 D 影友嘅意見之後 , 終於 小弟最後都在兩年前入手咗一支
Canon EF 100-400mm f4.5-5.6L IS USM

－ 二手價 6-7K 有支咁長嘅長焦抵到爛，見有好貨放快入手
－ 由100 至 400mm 彈性佳，比定焦（384 或 456) 可以創作更多主題
－ 輕呀，咁大支都唔夠1.4KG, 支小白仲重過大白！
－ Size 唔算大，楂個sigma 50-500 及龍仔支150-600, 呢支短及小得多，機動性強！
－ 光線夠之下成像可以好sharp
－ 長焦在戶外影人像無得頂！

－ 2 級IS 防震，叫做有好過無咁解，用開4 級防震（如小小白）一定好唔慣
－ 推到 400mm 成像鬆散
－ 舊鏡要用圈圈去lock 實唔方便
－ 入塵真係唔係問題，入水至係問題，加埋防震問題，給咗支陽光鏡，濕氣重啲或落雨粉已經可以收工。
－ 1.8米對焦距離真係。。。。

作為一個初階（等緊上「中階」）嘅攝影愛好者，6XXX 入手到支400mm 紅圈白鏡，對比同類鏡又唔算好重（好似1.39KGS），雖可虛榮（因為初階係唔識嘢，拎支鏡出來好似好pro 的感覺）又實用，呢支機動性相對都很強了。

買呢支鏡原意係參加咗個荷花畫意攝影旅行，導師教用反射鏡，但得番幾日我費事煩，平平地買支大白用住先（因為要300mm 以上），我有小小白及1.4X extend tube, 不過效果應冇咁好，見都係6-7K，好快就入手咗，諗住上完堂就即放都唔會點蝕本。

作為手上最長焦，因為家中有露台，真係發現400mm 在full frame 的威力，我住19樓，竟然可以清楚看到過兩三個街口紅綠燈前行人個樣，再利用iPad wifi remote control 露台部機，然後返入屋嘆冷氣，咩人行過支燈，你都睇到，好似旺角西洋菜街支「天眼」咁勁！當然，都係在日頭進行～

到咗夜晚或入黑，呢支鏡唯一可以做嘅影月光，放在APS-C 有 640mm, chop 埋個月光都好清楚，但唔該放在腳架中。不過月球表面呢啲可以在教科書本或網上下載，咁影來做乜？咁即係呢支係陽光鏡來的。

大家諗一諗，600 ex 閃燈support 到200mm, 咁拎住大白用200mm 以下不如用小白或小小白？光圈衰極都有F4, 佢400mm用F5.6 在夜晚係唔駛用都得。我試過手持 腳架上在香港島露台影對面九龍，ISO 推到3200 手持都係會郁，IS 兩級同四級真係差好遠。

因為我係6D，對焦打雀可以算吧啦，但支鏡反應係快，只係我6D 追唔上佢，如果5D3 以上應該好啲，我都見過有師兄用一代大白打到雀的，6D 我試過打麻雀，但數毛就不太可能了。

好了，試過駁落去 1.4X extend tube 度（6D），zoom 盡400mm 開最大光圈，即跌一級去到F8，冇得自動對焦（賣比我師兄用1Dx 可以），我問過5D3 影友都唔得。如果真係用唔到560, 我覺得crop 相算啦，落咗extend 真係冇咁sharp...

如果你明白鏡頭構造，就知長焦入塵不是什麼大問題，但大白一代呢個設計最敗筆係入水，如雨水，你試想想一陣過雲雨來到，你收唔切就玩完，在內地夏天影荷花好常見呢啲天氣，稍稍覺得有雨來便要收機，或者準備防水風褸一嘢包住佢，因為大白一係伸縮設計，你通常係用tele 端 300-400mm 伸出來，入咗水真係難救！但真係濕過少少點好？建議收鏡返屋企或酒店用熱風筒吹番乾佢，性價比好都要幾千蚊，你養咗啲霉菌喺度就喊都無謂。

好了，荷花班完咗，因為防潮箱空間有限，都諗過放番支鏡出去，但我入呢支鏡真係好新凈，啲玻璃又清，我開貴咗少少都有人同我deal, 到最後我係唔捨得放番出去，因為6K幾又唔算多，放番出去我覺得自己好大機會又比皮幾嘢入大白二，當然，大白二對焦距離跌去 0.98米，4級防震，真係好用好多，但二手價係貴一倍。冇講錯，在肥花好多師兄都叫12K 仲要有價有市，但大白一識得用的話，影到出來點都有大白二 80% 吧？咁係咪值得比多 5-6K 要支二手大白2? 如果唔多機會用，我又覺得唔值囉，原因係：

－ 影人可以用定焦或小小白代替，機動性強得多
－ 唔多機會打雀但有時會去打下
－ 荷花畫意係玩重曝唔駛咁sharp, 波波鏡都可以。

所以在我以上條件下，只會選擇保留及唔會再用400MM長焦，應冇可能又入番大白一，與其放得6K零駛，咁不如放番在防潮箱，得閒拎出來當望遠鏡影下玩下，對比大白二嘅缺點，作為初階排隊等緊上中階的攝影愛好或娛樂者，應該可以用經驗（或者叫少少技巧）去補救到，所以我決定唔放留番喺度了，叫做有支長焦放門口吧？反正呢支鏡真係唔差，只不過係大白二太好（也太貴），差價我留番來補貼下買支 85.2L II 人像算吧？

點解比五星，6XXX買呢支紅圈長焦白鏡，有機動性又有焦距上彈性，梗係超值又唔差啦

－１００－４００ｍｍ，近至人臉，遠至飛鳥，非常實用。
－對比同段４５６，有ｉｓ。
－原廠色水。
－有得鎖焦段（好重要，肥白淨係鎖倒７０ｍｍ！）

－光圈太細（但因有４００ｍｍ，無得講，恆定ｆ４肯定勁粗）。
－舊ｉｓ（２級），對比肥白有４級。
－伸縮設計，無肥白咁順手。
－入塵呀，大佬！

大白。有人話ｓｈａｒｐ，有人話唔ｓｈａｒｐ。唔係大家眼花，小弟親身試玩過３枝大白，３枝係銳利度同色差上既表現都唔同。要數此鏡唯一問題，係每個批次既鏡質量都有ｄ唔同。買到既ｃｏｐｙ　ｓｈａｒｐ唔ｓｈａｒｐ？睇你好唔好彩。試玩過兩枝ＵＹ表現都好好。其他年份既批次？睇運數了…

要４００ｍｍ，無得揀，呢枝ｏｒ４５６ｏｒ死馬鏡。４５６無ｉｓ又定焦，唯一優點係對焦快。死馬，又係同一問題，枝枝鏡既表現都可以有差異，睇你好唔好彩。

100-400 焦距實用, 方便搵目標
有防震好過冇防震
鐵制鏡頭夠重手
色水還原度高
好太陽時夠利

仲係唔夠長
怕入水多過入塵, 入水隨時會生锈
防震唔夠勁, 陰天時可以唔使拎出街
對焦慢同甩, 仲差過支55-250
暗天就唔係好利

暗位防震唔夠, 插落7 仔又唔可以點推高ISO, 落閃又唔係, 即係可以放棄唔影
追焦好屎, 差過支55-250, 又易甩焦, 企定定就易影, 但有幾多雀企O係太陽下呢? 我影樹上面O既雀就衰哂(可能真係技術問題掛)
焦距都係唔夠長, 遲下都係要買EXTENDER, 但光圈同成像又差左, 真係要諗諗...
鐵制鏡身, 入塵都仲好, 落雨即時要收鏡, 好怕佢生锈...
推拉好似好方便, 但成日唔記得較返鬆緊, 好驚好易整壞支鏡....
打蝶OK, 打雀就唔掂... 但打蝶我會用微距, 呢支鏡真係可有可無咁... 如果唔係有400MM 加防震, 我真係未必買佢...

100-400,室外由人像snap到打雀都可以一鏡攪掂
光圈雖唔係恆定同大光圈,但用得大白都係室外用多,唔覺有咩問題
收番一級光圈已經好利口
白色....虛榮野
推拉其實好方便

唔係4級is....(不過有都未必用得著)
重....1390對我比較瘦的人來講
唔係恆定4或2.8....(不過唔係e個價)

用左半年,除左重之後....真係冇咩大問題
一支鏡可以做到咁多function,仲想點
384,456係sharp d(大白都唔係流的,只係冇咁sharp,其實都好sharp),不過function就真好多了
我之前借左支大白比朋友去南非,佢多數都係用a/t mode仲要直出jpeg,影出來已經....wawa聲

對焦快, 準
成像幾好, 色鮮又sharp
焦距夠遠
打雀一流, 又夠輕便, 可手持, 靈活性又大
伸縮可快速搵雀再zoom
輕, 相比其他大炮, 比小白is, 小白兔更輕

光圈唔夠大
只有二級防震
易入塵
配extender沒自動對焦(唔計1系)

以1萬左右既價錢買支質素唔錯既超遠攝鏡, 簡直超值
質素雖不能比定焦鏡, 例如456, 但也有9成質素
用途性廣, 可影車影賽馬影雀影演唱會等, 又可以影花, 昆蟲等
唔算貴, 影雀仔都勉強交到功課
多用途鏡, 有多餘錢不況買支玩下

對焦快
色靚
打雀一流

重.

開頭都覺得會唔會買錯，但係越用就越鍾意，大白真係一支好好用的鏡頭

對我依d新手來說, 400mm鏡可以拉番做100mm搵目標再zoom盡對焦一定比400mm定焦容易.
放震都可以
推拉鏡好方便

重,
入塵
吾防水.
光圈吾夠大
加原廠1.4x 落7d完全無反應.跟本係canon software熄左個對焦系統.
鏡身無一按就af-off制.

彈性非常大,
人,蟲,雀景都影得,
算很利,
機動性強.
感覺抵玩過小小白is 雖然小小白is會share過大白

-伸縮可極快速對焦
-100mm時的解像度同135L可美
-全段色水好靚同其它我有的L鏡比(可能同螢石有關)
-係Full frame下個ring非常實用
(100mm影人像, 200mm抓拍snap-shot, 300mm打蝶, 400mm打雀)
-長變焦鏡中算最SHARP f5.6 裁相都靚過副廠500mm
(比Tamron 200-500,Tokina80-400同Sigma150-500)
-其實唔算重一般男仕都OK

-第一代is(得2级防震)
-無防滴防塵設計同吸震機無分別(吹毛求疵的人就唔好買)
-有心要打雀的話入456吧
456一定比大白400mmSHARP同對焦快
-有心要防震的話97年出的384is
又比98年出的大白兩級is好用

但點解咁多缺點我都推介此鏡呢
因為Full frame下70-200真係唔夠遠
而大白雖未能去到專業级但算最中規中舉的tele鏡
無論係焦距, 銳利度, 發色, 對焦速度, 重量,
都比副廠強, 而對比原廠定焦鏡, 大白絕非省油的燈
買大白其實係買個ring100-400變型少, 成像好, 實用性100分
其實鏡有塵係無問題的, 反而CMOS有塵就有影響
大白II 如果加入新一代的IS及防雨水防塵功能的話
要2萬蚊咁我都會買因為用起來安心好多

1. Add new kenko DGX 1.4x extender with 500d, all aranges has AF, the AF speed is also acceptable. i got 400x1.4x1.6=896mm. it can be starting level of wild bird shooting
2. sharp image
3. light weight for 400mm lens
4. Lens range is good for birds and racing car shooting
it can be macro lens by adding 500D filter

1. IS need to upgrade to 4 steps

high quality lens
Professional outlook.
little heavy, but it still can be hand held.
I mainly use it to take birds and butterfly photo.
Not very expensive compare with other long focal length white lens