優點:
1) 成色絕對係e-mount中最好, 同24.8差無幾但以菜鏡孖寶價計平好多
2) 尤其在室內燈光不足下, 推大光圈影出黎D色一樣咁出, 閃燈可以掉埋一邊
3) 影人膚色白裡透紅, 但同canon比多一份清爽無咁俗
4) 散景雖有二線性但都唔太過份, 點都好過SAL35.8
5) 利!f1.8已經好利, 收到2.2直頭介手, 影大頭可以0係眼球中睇到渣機者個身形
缺點:
1) 對焦慢, 每對一下焦都要來回拉風箱至少一次(有時兩三次添)影女人model可能都仲得, 影小朋友會錯過好多moment.
2) 對焦嘈, 拎佢AF拍片會聽到摩打聲仲要間中拉風箱, 手動因為佢無段電動,即使推得遠一樣有摩打聲
3) 無marco, 想拎佢影花做唔到睇花粉粒. 呢方面SAL35.8做到
4) 對焦時前鏡會前後郁, 大大條邊吸塵, 你唔可能唔落filter
5) 紫邊, D人話T*影昡光無紫邊但我覺得呢支鏡紫邊都幾勁下
6) 唔support A6000個對焦, 即使NEX既PDAF都唔support, 想以A6000配呢支鏡真係要諗清楚, 會廢左部機7成武功
評價:
支鏡配NEX-5R都用左兩個月, 呢支鏡真係又愛又恨, 影得準時真係靚絕同級. 影人利到數眼捷毛, 要係部機度SET翻影人像收銳利否則真係數埋毛孔. 色彩鮮艷尤其低光下影紅色野濃而不化, a mode EV+1 都唔會爆哂, 影景一樣細緻. e mount無幾多支做得翻呢個質素. 除左sony 支24.8Z...
但個對焦真係...影大人影靜態野都仲得, 影細路而著重對焦系統既,呢支鏡真係可以收埋.
雖然咁講但我都係用緊呢支鏡影細路, 起碼大光圈色鮮我基本上完全唔使落閃, 銳利度足有信心既可以手動對焦+峰值set低, 一樣影到數毛照, 最近對焦雖然唔係好近但係室內夠哂用, 只要set速度優先影10次(唔係10張丫)都有3-4次準既. 短短幾個月已經為兒子影出唔少滿意既笑容. AF set中心對焦都可以加快對焦速度
當你克服到AF問題, 呢支都算係鏡皇之一. 克服唔到既乖乖地比多幾千買支24.8Z啦