文：Vincent
全新第四代 Toyota（豐田）Noah 今日正式開賣！代理一共提供兩款車型，分別為「8 座標準版」Advantage 以及「7 座豪華版」，車價分別為 HK$334,878 及 HK$349,944 起。
新車搭載 2 公升 VVT-i 引擎，配上 10 段速「+/-」DirectShift CVT 波箱，輸出馬力為 170匹、扭力 202Nm。有別於一般 MPV，新車改用更細尺寸的 16 吋胎軨，可在油耗、操控上會有更佳體驗，這方面要等稍後試過車至知。
然而，一眾車迷卻對於新代 Noah 未見好評，網民今次都認為車價屬「頂級版」，但配置上未免「太齋」！有網民留言表示：「冇天窗、冇皮椅，同 Hiace 有咩分別」、「証明改變潛力大（曲）」。
Luxury 豪華版 Noah 三排七座位以布料包裝，而中排兩張獨立「Captain Seat」其實也可以前後移動，亦有活動桌几可用。中排、尾排座椅可以合成變出臥鋪。其他的還有 10 吋輕觸操控多媒體主機，支援 Apple CarPlay、後泊鏡頭、恆溫冷氣連花粉過濾功能等等，不過日本版原有的自動伸縮腳踏板於香港版則欠奉。
至於外型則「各花入各眼」，新代 Noah 設計偏向平實，唯獨車前面罩一改作風，換上「大口」設計。如果與新代本田（Honda） Stepwgn 相比，你又會怎樣選擇？
車價：
Toyota Noah Standard：HK$334,878 起
Toyota Noah Luxury：HK$349,944 起
Toyota Noah Luxury【詳細規格】
查詢：2884 7999（皇冠汽車）
你對自己的愛駒有甚麼評價？而準備買車的你是否想知多一點心儀座駕的優劣？不妨在本網的汽車資料館內揀選心水的汽車型號，發表或瀏覽用家心得，說不定可以因此結識到志同道合的「車友」！https://www.dcfever.com/cars/userreviews.php
