相信唔少人冬天去日本滑雪嘅時候都係揀左滑雪場先再搵附近有咩景點，如果大家有興趣去北海滑雪嘅話，入黎睇下究竟北海道呢個地方係咪啱你去呀。極速睇完5個北海道人氣景點:洞爺湖、登別地獄谷、伊達時代村、函館市、札幌市。
1. 洞爺湖
原本其實呢度咁大個地方都係陸地黎，但由於20 世紀初葉火山爆發頻繁，搞到地陷嘅而形成洞爺湖。
除左好湖景之外，洞爺湖嘅有珠山地質公園仲被入選日本地質公園同世界地質公園。另外仲有好靚嘅公園。
但係sorry，冬天會一地雪，全部景都係白色。
夜晚嘅風景可能會帶比大家扣人心弦嘅感覺。有少少寂靜feel。如果你失戀去到個度就慘喇。幫你放大十倍哀傷感。
2. 登別地獄谷
位於登別市嘅一個火山口遺跡，鄰近洞爺湖。如果鐘意郊遊而且浸溫泉嘅朋友呢度啱哂你，事關呢個火山遺蹟會產出唔同礦物，亦即係話會有幾種唔同嘅溫泉比大家揀。
唔係只係得火山景睇架，仲有唔同與惡鬼有關嘅建築同擺設。
3. 伊達時代村
呢個相信大家一定好有興趣。眾所週知，武士同忍者都日本出名嘅傳統職業，呢個時代村就會將大家帶返去伊達時代。點解叫伊達？問下男性朋友佢地一定知！伊達家係日本出名嘅武士十家黎，鎌倉時代起至江戶時代勢力龐大。至今亦都享負盛名。
時代村入面有各種表演，呢度有武士、忍者、藝妓表演。
4. 函館
函館有兩個好地方推薦比大家：函館山、函館朝市。
a) 函館山
日本３大夜景其中一個地點就係要上黎函館山睇架啦。不過小編明白大家香港人，都唔會咁早訓，莫講話去到外國！但係大家記得唔好係上面留咁耐呀！山頂纜車晚上９點至１０點會收工，所以要預返時間落山。當然，徙步都得既，但冬天真係唔好喇係咪。
一定要去返呢個地標影相。
紀念品方面，有好多日本傳統物品買。呢度只係冰山一角。趁日元跌左咁多，大家要掃就掃定先。如果係想等下次可能就升返！
b) 函館朝市
朝市所提供既食材係最新鮮，你買到既貨絕大部份都會係啱啱捉到既活海鮮！如果想食魚生嘅話就啱哂！
個market係伸展到外門都有檔攤，所以唔好忘記行埋出面。
你地可以即刻買完即刻坐低食！！真係最新鮮呀！香港既爭鮮都唔真。鮮喇
呢個真係爭鮮既極致，係MTR站同其他地方見到咁多人爭住買，唔知如果去到呢度，又會係咩情況呢？當然，質素高好多，而且仲要安全得多啦下化。
5. 札幌
「札幌雪祭」
雪雕像everywhere，黎緊2017年的2月6日至12日舉行。但大家未必可以就到雪祭嘅時間。
都唔知啲雕像係咪要加工先整到咁，如果唔係落雪同埋平時比風吹一吹都已經走哂樣啦～
總結：
如果你地放假揀左去北海道滑雪，以上精選出黎既5個人氣地點可能會係你地最好既選擇。交通亦都方便。下次見！
北海道雪場啱你嗎？
其他日本滑雪場：
▲認識KKday▲
KKday-世界旅遊體驗網站，在全球 54個國家，174 個城市， 有 5000多種不同的行程與體驗。
KKday內有最特別、最意想不到的的世界行程體驗！不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩，一站解決安排行程的困擾！現在，想來一場與眾不同的旅行就來KKday找行程，一起去冒險吧！
KKday 網頁: www.kkday.com
KKday Facebook: KKday
