【韓國濟州島】六大壯麗自然景觀

圖片來源｜Shutterstock

隨著社會嘅發展，唔少美麗嘅自然風光已經買少見少。每天喺石屎森林中渡日，腦海裡都會不時浮現出一個個桃花園，希望可以去感受下大自然嘅魅力。而韓國嘅濟州島就好符合小編理想中嘅桃花園啦！島上有唔少景色都獲得世界自然遺產嘅認證，以下為你整理咗七個濟州島嘅大自然景色，你又鍾意邊一個呢？

1. 正房瀑布

平時我哋見到嘅瀑布大多處於叢林之中，正房瀑布嘅景觀絕對係令人眼前一亮！正房瀑布係亞洲唯一直接流入海中嘅海岸瀑布，佢所在嘅懸崖倚海而立，懸崖上佈滿古松，離遠觀看恰似一幅美麗嘅山水畫。正房瀑布同天地淵瀑布、天帝淵瀑布並稱濟州島嘅三大瀑布。遊客更可以喺海岸懸崖上嘅瞭望台，觀賞海邊美景。

2. 城山日出峰

鍾意睇美景嘅你一定唔可以錯過呢個成日喺明信片都會見到嘅美景。濟州島東部最具代表性嘅景點就係「城山日出峰」，佢喺2007年被指定為世界自然遺產之一。喺城山日出峰頂觀看日出可謂嘆為觀止。

＞＞濟州海女秀、城山日出峰等精選東部景點巴士一日遊

3. 漢拏山

韓國知名親子節目「爸爸去哪兒」都曾經喺度拍攝嘅漢拏山，自然風景確實係美不勝收！而且，漢拏山國立公園嘅登山路線十分多，鍾意行山嘅絕對會愛上呢度！而一般遊客都可以選擇啲較為輕鬆嘅登山路線，一邊行山一邊悠閒地欣賞沿途風光，頭上頂著藍天白雲，眼前一片嫣紅姹紫，好不寫意。如果上到漢拿山最高處，仲會睇到遠處嘅楸子島、飛揚島、城山日出峰同濟州島東邊嘅山岳。

4. 大浦海岸柱狀節理帶

香港地質公園應該都有唔少人去過，鍾意地質嘅你一定唔可以錯過呢條黑色岩石帶，佢就係濟州島聞名海內外嘅大浦海岸柱狀節理帶！ 高達40米呈多角形垂直嘅節理䇄立於海岸，仿佛係由石匠雕鑿而成。而懸崖上岸邊植物繁茂，翠柏蒼松，令景色更顯迷人。不禁令人感嘆大自然嘅奇妙，造就了如此美麗景色。

5. 萬丈窟

萬丈窟係世界自然遺產之一，亦係世界最長的熔岩洞窟。呢個大型空洞係由大約喺250萬年前，濟州島火山爆發時，從漢拏山火山口流出嘅熔岩流動所形成。置身其中，神秘嘅通道為你呈現出熔岩鐘乳石、熔岩石翼等各種奇形怪石。而且，細心觀察，你可能有機會會睇到萬丈窟嘅主人—蝙蝠、蜈蚣、各種稀有蜘蛛等昆蟲！

6. 神奇之路

被稱為「違反地心引力的神奇奧秘」嘅神奇之路，你可以喺度試試以下嘅小實驗，睇睇係咪咁神奇！

1.喺神奇之路倒水嘅話，你會見到倒流現象。
2.嚟路面上嘅空瓶空罐都會沿著上坡方向迅速滑動。
3.拉開手閘嘅汽車都會自動沿上坡行進。

不過呢種「神奇現象」其實都係視覺嘅錯覺。因為周圍嘅丘陵和樹木等環境，喺視覺上畀人一種上斜坡嘅感覺。 不過冇去過又點會體會到呢！快啲親身去體驗下啦！ 

原文：【韓國濟州島】六大壯麗自然景觀

▲認識KKday▲

想挑選心水行程又怕浪費時間比較？KKday 作為亞洲最大旅遊體驗平台，網絡橫跨全球 54 個國家、174 個城市，為您搜羅超過 6,000 種特色行程體驗。只需安坐家中，就能訂購世界各地具品質保證、價格實惠的旅遊產品，助你輕鬆自主行程，創造獨一無二的旅遊體驗。

▲前往 KKday 網站，訂購心水行程！
▲訂閱 KKday電子報，獲取更多旅遊優惠！

關注KKday社交平台動向：
▲Facebook ▲Instagram ▲YouTube ▲旅友討論區

更多韓國旅遊攝影資訊

更多濟州旅遊攝影資訊

更多城山日出峰旅遊攝影資訊

更多漢拏山 / 白鹿潭旅遊攝影資訊

更多萬丈窟旅遊攝影資訊