【美食篇】5個影旅行相必學技巧！

拎起智能電話，每個人都即刻可以化身成為攝影師；唔只係旅行相，我地已經習慣將生活嘅大小事都影低加上唔同effects之後再post上去唔同嘅社交網站，例如：Facebook或者Instagram。覺唔覺已經睇厭咗網上嘅生活美食拍攝教學呢？咁到底我地點做先令美食相有旅行嘅感覺呢？KKday特別幫大家整理咗旅行專用嘅美食拍攝技巧，分分鐘仲可以呃多幾個like添呀～

一、影出動感

如果您要影家居生活嘅美食相，攝影師肯定會教您影出懶閒舒適嘅感覺；但係旅行相就岩岩相反，每日都要係街度周圍走，越chur就感覺旅程越豐富。如果您買街頭小食嘅話，可以係等待嘅時候調較高速快門影低小食製作過程，利用呢個充滿動感嘅半成品同人分享一下獨特嘅故事。

二、用相片同讀者互動

簡單嚟講姐係用相片引起大家想起旅行嘅意欲！最好嘅效果係呃到好多like之餘，仲會收到一堆留言「好似好好食呀！」、「我都好想去旅行T^T」。呢一類型嘅相要善用筷子或者叉等餐具同讀者互動，咁做仲可以突出食物當中嘅主角。

三、將街頭美食同景點融合

相信唔多唔少大家都曾經係Facebook或者Instgram見過呢類型嘅相，佢地被稱為係旅行美食相嘅入門作品。將手中當地特色美食同附近嘅特色建築／景點一齊入鏡，用景色突出食物先係主角！

四、搵岩拍攝嘅對象

行當地市集嘅時候，就係搵岩拍攝對象嘅最好時機。睇到唔識嘅、叫唔出名嘅、冇食過嘅全部都係好好嘅拍攝對象，因為咁代表您所居住嘅地方冇呢樣嘢 (或者好少)；如果可以盡量問問攤檔嘅老闆關於呢樣食物嘅資料，再寫係自己嘅caption，仲可以令其他人覺得您已經成功融入埋當地嘅生活添呀！

五、善用拼圖apps

或者一張相／一款食物未必能夠突顯出異國風情，但如果將所有相片拼埋一齊，風格就變得更明顯！有時如果張枱太多嘢食一次過影唔哂嘅話，不妨試下用呢個方法，話唔定可以意外突出到張相嘅獨特風格。

學完係咪已經好想去影旅行美食相呢？快啲一齊睇下旅行有咩大餐好影啦！

>>【遊東京隅田川】搭乘傳統屋形船享用豪華午餐

>>【道地清邁文化饗宴－康托克帝王餐】

>>【享受皇帝般的待遇】 韓國之家宮廷料理、傳統表演

▲認識KKday▲

想挑選心水行程又怕浪費時間比較？KKday 作為亞洲最大旅遊體驗平台，網絡橫跨全球 54 個國家、174 個城市，為您搜羅超過 6,000 種特色行程體驗。只需安坐家中，就能訂購世界各地具品質保證、價格實惠的旅遊產品，助你輕鬆自主行程，創造獨一無二的旅遊體驗。

▲前往 KKday 網站，訂購心水行程！

▲訂閱 KKday電子報，獲取更多旅遊優惠！

關注KKday社交平台動向：

▲Facebook ▲Instagram ▲YouTube ▲旅友討論區