【韓國攻略】首爾交通懶人包

比起釜山，首爾嘅交通複雜好多？今次KKday 幫大家準備左首爾交通全攻略，地鐵、巴士、觀光巴士、M Pass等等嘅交通資訊一次過介紹比大家，等大家睇完之後就可以即刻執埋行李出發韓國啦！

 

一、 由機場到市區

方法1:
機場地鐵

機場鐵路可以分為直通列車同普通列車，最大嘅差別在於停車站、價錢、搭乘時間嘅不同。大家可以根據自己嘅行程選出最適合自己嘅交通方式！

>> 邊到可以訂到機場地鐵票？

方法2:
Limousine機場巴士

機場巴士分為兩種，一種係高級機場巴士同一般機場巴士，分為多種路線，可先係入境大樓1樓入面 (4號、9號出口)同機場外面 (4、6、7、8、11、13號出口旁同埋9C位置)設置嘅機場巴士乘車券售票亭，記得要問清楚巴士嘅編號(或路線)，再購買乘車券。

方法3:
TAXI

TAXI可以分為四種的士，一般的士、模範的士、大型的士，喺機場見到嘅多數都係模範的士。另外同釜山不同，首爾仁川、金浦機場另設有國際的士可以搭，並提供外語服務。有需要嘅可以用電話/Email 方式提前預約。

>> 搭乘地點：

仁川國際機場：1樓入境大廳4-5號門之間；8-9號門之間

金浦國際機場：國際線1樓入境大廳1-2號門之間

方法4:
包車

如果你係搭零晨機去到韓國機場、又係懶得研究交通嘅豬仔、或者同小編一樣每次都要一袋二袋咁離開首爾嘅人，包車一定係最岩你、同時又係舒適嘅方式！你就唔洗拎住20kg、30kg嘅行李走來走去、又等車、又轉車咁麻煩。

>> 仁川機場-市區包車接送

>> 金浦機場-市區包車接送

二、 市區交通

方法1:
地鐵

同釜山比，首爾嘅地鐵實在係複雜10倍！但正正因為首爾地鐵站有太多嘅關係，幾乎所有喺市區嘅景點地鐵都可以去到！小編都好建議大家嘅住宿可以選擇喺轉乘地帶，大家前往唔同嘅景點、行街Shopping都會好方便，例如首爾站、乙支路三街、忠武路（近明洞）、東大門歷史文化公園、鐘路三街等。

方法2:
巴士

韓國嘅巴士總共分為三種顏色，分別係綠、藍、紅（距離由近到遠），而首爾全市分為七區，每區都有自己嘅編號，巴士嘅顏色搭配號碼，就可以大致知道巴士前往嘅目的地啦，建議可以搭配韓巢地圖一齊使用。如果大家用交通卡，記得上落車都刷一刷，就可以享有轉乘優惠。

方法3:
觀光巴士

分為五條路線，價錢、沿經景點都有不同，大家可以睇返實際需要買岩自己用嘅巴士車票啦。

>> 懶人遊韓國必備，首爾觀光巴士

方法4:
的士

分為四種的士，一般的士、模範的士、大型的士、國際的士，可乘搭人數、價錢都有唔同。

 

三、 前往其他城市嘅交通方法

方法1: 火車

如果要去其他城市或者首爾近郊，火車係一個好方便嘅交通公具，KTX係大家最常搭同最快嘅車種前往釜山、大邱等較遠區域。

>> 韓國火車票要點樣訂？

方法2: 長途巴士

長途巴士大致上分為兩種，有市外巴士、高速巴士，而高速巴士會比市外巴士更快，因為其中途並無中途站。

四、 交通卡

交通卡1:
Tmoney/ Cashbee

類似八達通，搭乘公共交通工具嘅時候用呢張卡、會享有唔同優惠。Cashbee
有時也會有不定期嘅店鋪優惠，印有標誌嘅地鐵、便利店就可以買到。

>> Online購買 Tmoney

交通卡2:
M Pass

M pass 係專為外國旅客所設計嘅，大部分嘅地鐵、巴士都可以用到，分為
1、2、3、5、7日劵可以選擇，一日可以用20次。購買M-PASS仲可以獲得觀光景點、餐飲店等10-20%嘅優惠券。

販售地點：於仁川國際機場1樓5號出口、10號出口前嘅首爾市旅遊諮詢中心購買，除卡片費用之外，另需支付5,000韓元 (按金4,500韓元+手續費500韓元)。 離開韓國時，只要喺仁川機場辦理退卡，就可以拎返按金。

交通卡3:
Seoul city pass/ Seoul city pass+

使用Seoul city pass 一日可以搭乘地鐵、巴士20次，還可以免費搭乘部分嘅觀光巴士 (一天內無限次數），有 1、2、3 日嘅不同版本嘅選擇。Seoul
city pass＋ 類似於T-money 加上旅遊性能嘅一張卡，可以用呢張卡搭乘地鐵、巴士，搭乘觀光巴士、部分店鋪仲會有優惠。

交通卡4:
Korea pass

呢張卡就好似係電子銀包一樣，可以用黎比錢，購買時有分50,000韓元、100,000韓元、300,000韓元、500,000韓元。如果需要增加交通卡功能需要另外開通，部分店鋪會有優惠。

大家睇完之後應該會變成韓國旅遊達人，快啲拉埋身邊嘅朋友，一齊出發搵OPPA啦！

出發尋找韓國另一面：

【浪漫限定八折優惠】N首爾塔（南山塔）電子票

【KKday獨家七折優惠】愛寶樂園QR Code門票

 

▲認識KKday▲
想挑選心水行程又怕浪費時間比較？KKday 作為亞洲最大旅遊體驗平台，網絡橫跨全球 54 個國家、174 個城市，為您搜羅超過 6,000 種特色行程體驗。只需安坐家中，就能訂購世界各地具品質保證、價格實惠的旅遊產品，助你輕鬆自主行程，創造獨一無二的旅遊體驗。

▲前往 KKday 網站，訂購心水行程！”
▲訂閱 KKday電子報，獲取更多旅遊優惠！

關注KKday社交平台動向：
▲Facebook ▲Instagram ▲YouTube ▲旅友討論區