【東京近郊】話你知市區外5大玩法

東京，除咗要去區內各大間景點之外，都好適宜用一兩日去東京近郊。不過淨係東京市內嘅交通已經搞到人陀陀擰，邊有時間再search去郊區嘅資料呢？想離開繁忙嘅東京，去近郊旅行？今次KKday 就為大家整理好川越、箱根、河口湖、日光、輕井澤等等五大熱門地區嘅交通資訊，等大家用五分鐘就可以即刻離開東京去旅行！

一、川越

係埼玉縣嘅川越，有小江戶之稱，因為呢到完整咁保留咗日本江戶時代嘅文化同建築。每個月18號更加被指定為和服日，邀請大家著住和服去川越旅行！如果大家怕淺草太多人，著住和服周圍走會尷尬嘅話，都可以考慮去川越㗎！除咗有古色古香嘅建築，川越仲有一個區叫菓子屋橫丁嘅點心街，大家可以係到買到各式各樣日本傳統零食～

交通方式：

1. 用［西武川越一日券］，係西武新宿站搭西武新宿線去本川越站。

2. 用［東武川越一日券］，係東武池袋站搭東武東上線去川越站。

 拜訪景點：

藏造老街、時之鐘、菓子屋橫丁、喜多院、冰川神社、本丸御殿

二、箱根

神奈川縣的箱根，係日本出晒名嘅溫泉觀光地，但廣為人知嘅箱根溫泉其實並唔係指一個地方，而係由湯本、塔之澤、宮之下、小涌谷等溫泉的總稱。除咗溫泉之外箱根亦都有以海賊船聞名嘅蘆之湖觀光區，每年除了日本人之外，仲吸引好多台灣、韓國等地嘅遊客造訪。

交通方式：

1. 用［箱根周遊券］，係小田急新宿車站搭小田急浪漫特快號去箱根湯本站。

2. 係新宿車站搭小田急箱根高速巴士，途經御殿場去箱根桃源台。

拜訪景點：

強羅、大涌谷、蘆之湖、 雕刻之森美術館、箱根纜車、箱根神社。

三、河口湖

山梨縣嘅河口湖，係富士山噴發後所形成嘅偃塞湖，同山中湖、西湖、精進湖、本栖湖合稱富士五湖，而佢亦係五湖當中景點最多嘅地區。嚟到河口湖梗係唔可以錯過富士山嘅靚景啦，每日清晨都可以係湖面見到富士山倒影，吸引好多遊客慕名而來，一睹富士山嘅風采。

交通方式：

1. 用［JR北陸拱型鐵路周遊券］，係JR新宿車站搭特急列車（Azusa號、Kaiji號、Super Azusa號）去JR大月站，轉搭富士急行線去河口湖站。

2. 用［JR北陸拱型鐵路周遊券］，係JR新宿車站搭Holiday快速富士山號去河口湖站。（列車僅於假日行駛）

3. 係新宿車站搭富士急高速巴士、京王高速巴士共同經營嘅高速巴士去河口湖站。

4. 係東京車站搭JR巴士關東所經營嘅高速巴士去河口湖站。

拜訪景點：

河口湖音樂盒森林、八木崎公園、富士急樂園、天上山公園纜車。

四、日光圖片來源

栃木縣的日光，被日本人稱為「楓葉嘅故鄉」，係日本出晒名嘅賞楓地點。除咗楓葉之外，被定為世界文化遺產嘅日光東照宮、二荒山神社、輪王寺都係唔可以錯過嘅景點。唔想睇史蹟，都可以去奧日光浸溫泉，玩番三日兩夜完全唔成問題。

交通方式：

1. 用［全日光周遊券］，係東武淺草站搭東武日光線去東武日光站。

2. 用［JR東京廣域周遊券］，係JR新宿站搭直達特急列車（日光號、鬼怒川號）去東武日光站。

拜訪景點：

日光二社一寺、中禪寺湖、華嚴瀑布、湯元溫泉。

五、輕井澤圖片來源

長野縣嘅輕井澤，自古以嚟就係日本人嘅避暑勝地，唔單止夏天天氣宜人，秋天嘅紅紅楓葉都吸引咗唔少人到此一遊，而且冬天都可以嚟呢到滑雪，真係一個一年四季都值得去嘅地方。

交通方式：

用［JR北陸拱型鐵路周遊券］，係JR東京車站搭新幹線去JR輕井澤站。

拜訪景點：

雲場池、王子Outlet、高原教會、石之教堂。

想出發去東京近郊，你一定需要：

>> 懶人專屬！箱根遊

>> 前進日光，享受絕美自然風情

▲認識KKday▲

想挑選心水行程又怕浪費時間比較？KKday 作為亞洲最大旅遊體驗平台，網絡橫跨全球 54 個國家、174 個城市，為您搜羅超過 6,000 種特色行程體驗。只需安坐家中，就能訂購世界各地具品質保證、價格實惠的旅遊產品，助你輕鬆自主行程，創造獨一無二的旅遊體驗。

▲前往 KKday 網站，訂購心水行程！

▲訂閱 KKday電子報，獲取更多旅遊優惠！

關注KKday社交平台動向：

▲Facebook ▲Instagram ▲YouTube ▲旅友討論區

更多日本旅遊攝影資訊

更多東京旅遊攝影資訊

更多日光旅遊攝影資訊

更多箱根旅遊攝影資訊

更多大涌谷旅遊攝影資訊

更多小涌谷旅遊攝影資訊

更多雲場池旅遊攝影資訊