各位身為雜物控、古著控、手作控嘅文青，KKday偽文青小編為大家準備左五大隱秘東京文青熱點！解放你心入面一直收埋嘅Shopping mode~~
一、中目黑
講到中目黑，大家多數嘅印象都係賞櫻好地點，但其實隱身係櫻花背後，更係一個尋寶嘅好地方！依度充滿住各式甜品店、設計師嘅手工品店同溫馨可愛嘅雜物店，黎到依到一定會令人忍不住一直shopping啊～
依到仲有各式各樣嘅雜貨書店，入面販賣嘅文具、筆記本，全部都係獨一無二。如果你係文具控，咁出門前一定要帶定足夠嘅銀藥喇！Cow books 同 traveler’s factory更加係好多文具控們必定要去朝聖嘅店鋪～
>> 點樣去中目黑？
如果你係搭地鐵嘅話，可以喺日比線或東急東橫線嘅「中目黑站」落車！
如果你係搭乘JR嘅話，要搭山手線到「目黑站」落車，之後行3至5分鐘就會到。
二、下北澤
如果你熱愛古著與雜物，第二個唔可以錯過嘅文青熱點，就非下北澤莫屬啦。離開東京市區，依到充滿有個性、特色嘅小店，真係想每間都想入去望下啊～
傳說依到嘅二手古著物，價錢都超級親民，就連日本嘅年輕人也都鍾意喺假日去下北澤尋寶！小編嘅日本朋友更大力推薦一間下北澤嘅東洋百貨店，入面有販賣各式手作雜物同二手衣物，除左價格便宜之外，佢嘅品質同設計都係一流！
>> 點樣前往下北澤？
可以搭小田急電鐵嘅小田原線 / 京王電鐵嘅井の頭線，到「下北澤」站落車。
三、2k540 AKI-OKA ARTISAN
唔知道大家有沒有聽過「職人」依個詞語呢？原來喺日本文化入面，「職人」代表住擁有一技之長、喺某一領域全心投入並具有高水準、技巧嘅人。而「2k540 AKI-OKA ARTISAN」就係一條專為「職人」而設計嘅街道。目前入面有十幾個品牌，商品涉及嘅範圍都好廣泛，例如有金工、木雕、草木染、陶瓷器、文化創意商品、雨傘等等，全部都有大師級嘅水準！
每間店鋪都係「職人」極具水準嘅設計坊，入面嘅商品全部都係高品質，而且大家仲可以同創作者互相交流添。
>> 關於職人設計街
營業時間：11:00 ~19:00，星期三固定休息。
交通：乘搭JR山手線，到「秋葉原駅」或「御徒町駅」，亦可以搭JR銀座線至「末広町駅」。
詳細資訊：2k540
職人設計街官網
四、東京蚤の市
東京蚤の市係東京最大規模嘅跳蚤市場，集結左來自日本各地200多家嘅市集商人，規模十分驚人！市集會用唔同嘅主題劃分每個店家，分成古董、復古、日式風格、歐美風格、文化創作等主題，各式各樣嘅商品都可以喺依到搵到。
東京蚤の市每年只會舉辦兩次，關東、關西各舉辦一次。而今年就會喺名古屋東海地區舉辦，而東京場就會喺11月19日、20日登場，如果錯過左就等多年架啦！
>> 關於東京蚤の市
活動日期：2016.11.19、2016.11.20
地址：東京都調布市多摩川4-31-1
交通：搭京王電鐵嘅京王線道，到「京王多摩川」站下車。
詳細資訊：東京蚤の市官網
五、三鷹之森吉卜力美術館
如果你係文青同宮崎駿迷嘅結合，咁三鷹之森吉卜力美術館絕對係你嘅天堂。館內展示左好多宮崎駿動畫入面嘅場景、人物，仲有各式各樣嘅互動體驗、動畫電影等緊你。最特別係館內仲展示左宮崎駿嘅一部份嘅手繪原稿，等你更接近大師嘅世界～
小編提醒：園區內一日分四次嘅入場時間，早上十點、中午十二點，同下午場嘅兩點同四點。門票係採用預約方式，會限制人流數目，所以去之前一定要先預約好喔！
>> 關於三鷹之森吉卜力美術館
營業時間：10:00 至 18:00
閉館日期：2016/11/7 ~2016/11/11、2016/12/27~2016/01/02
地址：東京都三鷹市下連雀1丁目1-83 (位於都立井の頭恩賜公園西園附近)
交通：乘搭JR中央線，到「三鷹站」後，可選擇徒步（約15分鐘）或搭接駁巴士（喺三鷹站9號出口乘搭），接駁車需另外付費。
官網：三鷹之森吉卜力美術館
預約票卷：三鷹之森吉卜力美術館票卷
更多日本東京新去處:
>>> 遠離市區，東京近郊一日遊
>>> 宮崎駿迷必去，六本木吉卜力博覽會
▲認識KKday▲
KKday-世界旅遊體驗網站，在全球 54個國家，174 個城市， 有 5000多種不同的行程與體驗。
KKday內有最特別、最意想不到的的世界行程體驗！不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩，一站解決安排行程的困擾！現在，想來一場與眾不同的旅行就來KKday找行程，一起去冒險吧！
KKday 網頁: www.kkday.com/zh-hk
KKday Facebook: KKday
