除畫質幾好，細所谓FF機

缺點好多，開機好x慢，比所有用過機吧括Dc仔都開機快過佢，FF機喎?吾知開機咁耐全黑畫面以為冇電添，相機操控擺位手感好差，放大相直頭低能到冇人有，快門擺位過高同曝光掣平行頂手指，機身又膠冇磨沙，冇内閃都扮吾到高擋架，應該較快門掣位做快門掣就好好多，仲有樣機扣帶個位係頂住手指按快門，痴線架!sony D設計回晒塘

只得畫質良好同萬能鏡，真係未遇過一部機開機咁慢，隻雀飛左九世啦，視窗影像怪怪地，操控nikon真係羸你九條街，sony仲未一套良好操控旗艦機型，人地canon nikon吾洗每代重新設計過，人體工學早已改到最好

成像很好,相片很sharp
FF
操控性不錯
輕
價錢很便宜, 行貨全新的才九千, 二手七千也有交易了

開機慢
對焦速度一般
有時會比現沒反應或loading的情況, 但也不太常見

其實由這部相機開賣便一直留意, 其他師兄的用家心得都睇左好多次, 有考慮過A7S, A72, 心大心細左好耐, 尢其係後期睇A7的用家心得都比較多人偏向彈多讚少, 所以一直都未決定買邊部.
不過今個月一家會去日本旅行, 最後決心買部二手的用, 如果真係唔好用就放返出去, 最多都係蝕幾百就當租機費, 一用之下, 發覺D相真係好正, 要sharp有sharp, 要淺景深有淺景深, 我並唔係好專業的玩家, 舊鏡手動對焦呢D真係唔岩我, 最多都係識調下快門光圈ISO暴光呢D, 但係相片出來的效果我覺得比之前用開的APSC係明顯高出幾班, 仲要只不過係用KIT鏡, 影深效果的層次係完全唔同, 唔係話濛D咁簡單.
當然, 呢部機真係唔多合適工作用途, 反應慢係一個問題, 對焦唔快又係一個問題, 不過如果用來一般攝影, 家庭, 旅行, 或者記錄生活點滴, 真係一部性價比好高的相機. 完全無後悔升級呢部機, 可能用開FF的師兄會覺得呢部一般般, 不過如果係用開APSC的係好值得升級, 分別係好明顯的~

大細個人覺得剛剛好，而且金屬機身令裝上大鏡時冇咁頭重尾輕。

用多框除躁時，比A6000除得有效，而且銳利度冇減。

自動白平衡比A6000更唔掂，成張相好灰。

個mon 好怪，唔聞相時覺得張相sharp，一聞相就好驚嚇，我突然以為係未張張相都走焦，好在係電腦睇唔係。

對焦的確只得Prosumer DC的速度，唔好期望太高。

Micro USB位設計得有點不便。

機身再闊一點就再好揸點。

街價算進取，唔使8k 有個一年多一點的行貨FF Body，可以長玩的話算抵玩。

由A6000 上黎，因為想盡用舊鏡而升，但用落始終對A6000有一點情意結，A6000影相快而準，而呢部初頭用落唔太慣，感覺比較適合玩手動鏡，視角夠闊，但個mon同白平衡真係扣唔少分，可能要靠白平衡tone 色來改善。

最大問題莫過於到今日都係咁少原廠鏡揀，加EA4 又冇防震，玩呢部機，一係好有心機上網搵舊鏡，一係就闊佬玩Sony 蔡，一係就比足錢上A7 II，否則硬係覺得封唔到頂咁。

希望自己可以真正發掘到呢部機的優點。

體積細小輕便

操控感有待改善
原廠鏡頭選擇偏少

2015年5月購入，body 8千有找，而且可經接環玩到唔同廠鏡頭，非常「好玩」。但只限於「玩」。
機身外觀、照片色彩其實見仁見智，留俾各位師兄師姐自己發掘。不贅。
機身細小輕便係不爭事實，kit set 加埋總重先至同N記枝24-70 2.8 差唔多重，出街影相可以輕裝上陣。可以換鏡，用到其它手動鏡，夠方便。
對焦速度同C 記IXUS 機仔差唔多，刨過文都略知一二，所以無投訴。比較有意見既係操控感，部機AF狀態之下，居然會自動不停對焦，monitor 又唔可以較自動熄，粒電已經唔係幾襟捱，我唔係好明點解唔可以set 到按半下快門至對焦；一係用手動模式，需要時先按機背掣AF，不過就更慢。menu 又唔可以調校隻mon 做預設關閉，只在拍攝後顯示照片一兩秒；set 成只用EVF 又係好搞笑到連個menu 都要在EVF睇，第一次用真係哭笑不得。
總括來講，A7比較適合慢慢影、手動鏡玩家。如果想用來替代用緊的DSLR, 請三思再三思。

見下

見下

- 寫評論時已出A7II,若非銀彈問題,沒有理由不選A7II
- 對焦方式多:face detection,eye AF,峰值,自選對焦點及放大等,但前兩者只支援E mount鏡比較可惜,始終鏡頭群未夠大
- 火牛要分開買真係超搵笨
- 電量較差,必須準備一顆後備電
- 個人覺得AWB有輕微偏色問題,陰天戶外相經常發現偏綠
- 鏡頭選擇:
- 最好諗定長遠鏡頭組合才決定是否買此機,以免後悔。始終自家鏡頭選擇少,一係好貴,一係雞肋
- 買得此機預左要靠一部分舊鏡或其他廠的鏡支持運作。而其中又分兩類用家:手動對焦或自動對焦。如你屬前者那便恭喜你,因為鏡頭選擇會更多,而且轉接環易買亦平。但小弟比較屬於後者
- 個人選擇鏡頭取向以輕便為主,否則便覺得失去買此機的意義。質素則不用頂級。
- 小弟本身用開Canon,買了Metabones轉接環(成三千幾,又係超搵笨)。此接環有自動對焦功能,但速度並不理想,而且只支援一少部分鏡頭,買前要三思
- 後來買了Sony自家LA-EA4轉接環,速度快好多(至少正常可用),重量亦可接受
- Tele鏡:
- FE鏡暫時只得70-200及24-240兩款,但重量竟然比我的小小白還重,所以沒有選擇
- 我選了Minolta AF 100-200 f/4.5, 約380g 現時價格約$500-$900(Minolta的啤酒灌亦是另一很好的選擇,比100-200重一些和貴一點)
- 而為了彌補光圈不足,另購了Sony Alpha的85/2.8, ~170g, ~$1.8K(可能很多人會覺得光圈不夠大,但以此重量及價位而言實在不能要求更多。說2.8不夠大,那用小白的人是否也不用影?)
- Wide angle:
- FE鏡暫時只得蔡司16-35,價格當然不平,我本身希望購買此鏡,但基於整套鏡頭組合考慮而放棄
- 小弟選擇了Minolta AF 17-35 f/2.8-4,現時價格約2.5-3.5K左右,重量約430g,質素當然不能跟蔡司比
- 另外, 小弟喜歡snapshot及日常跟朋友聚會拍照,於是再買了一枝35mm定焦。此焦段有數個選擇: C35/2, Z35/2.8(FE), Z35/1.4(FE), V35/1.4。最後平衡各因素後選了福倫特(200g,~$4.5k,手動)
- 個人認為此機最大的存在價值有二,其一是玩舊鏡,其二是想在質素與輕便之間取一個最大的平衡點,而這點是決定Sony在這戰役上成敗的最大關鍵。這部機的對像不會是專業人仕或工作用途，也吸引不到追求頂級的用家(技術上已開始看到它的瓶頸位,看看變焦鏡的最大光圈及重量便知道)。對象多會是一班中層用家
- 儘管機身功能及定價進取,但以Sony出鏡的風格,沒有副廠的支持想信很難普及起來。Tamron和Sigma等副廠的取態將成關鍵(機已出了年半,還未有甚麼聲氣)

機細
輕身
便攜

勁食電
EVF 失真
操作介面繁複
機身的制多, 無咩指示
可能用Kit鏡, 故唔銳利

個人認為相片質量在 APS-C 與 Full Frame 之間，在機身LCD 睇相無問題，當你在電腦上睇就會失望。

-令人學習到舊鏡之美/毒。
-比起傳統大牛龜FF機+鏡, A7會讓人帶出街享受拍攝嘅樂趣。

-無機身防震, 用MF鏡玩snap要花d功夫- 但會因為中毒太深而習慣。
-要快/方便/要高性價比原廠自動鏡的話請玩其他brand/ model。
-要比US$5 - 10買apps: 一買就買咗幾個...Sony搞壞囇d規矩(只可怪自己)。

之前都係用 O記 d M43機，後來因為要買View Finder 同其他配件先開始計數, 發覺/以為A7性價比高, 啱我口味嘅窮人恩物...實質其毒之烈, 七步斷腸。

A7令我開始接觸東蔡三寶同其歷史, 研究買邊支flash, 玩 star trail 要研究天文地理, 入天祥同老闆吹水同不斷上網爬文, 睇吓點先可以玩盡部機。

A7讓我更加了解攝影。

優勢很明顯, 比起其他品牌的全片幅, A7絕對是這幾年來的突破. 由於它的輕便，出勤率亦非常高. 2460萬像素, 畫質至iso 12800 直出我亦能接受. 而由於法蘭距短, 真的是萬能插, 玩MF 鏡絕對是絕配

有得必有失, 它的輕便多它比起其他單反來說, 操控性的確差很多. 按鍵不及單反方便, 反應速度亦有所不及.
這部是我第1部sony 機. 試用後的畫質的確令人驚訝, 但比起以往我用開的N家, 還是P家, 顏色還原始終都不能接受, 太有現代感, 所有的色彩模式都好像有層灰的, 而白平衡亦像N家一樣偏黃
Sony的最大缺點在於沒有N 家的Picture Control, 亦沒有P 家隨意調教每個色彩模式中的色調...只有對比, 飽和及銳利...玩味性自然大打折扣

用了A7 差不多半年, 亦由此玩起MF 鏡, 能接不同品牌的鏡, 的確感覺很好玩. 而由於它的輕便, 我很喜歡帶它出去拍照
但玩夠了, 便會發覺它的色調怎樣調都不能調到自己想要的感覺, 照片總是有一層灰灰的感覺, 而且白平衡嚴重偏黃, 感覺問題比N家的更嚴重
跟我另一台Pentax機比較, Pentax反而更能表現到我想要的色彩, 出來的感覺更有清淨感. 但香港太少人用Pentax, 而我愛全幅帶給我的iso, 我只好繼續留在Sony. 但相信以後的每一部, 我都不會再用Sony了

最輕巧FF
畫質一流
高iso夠滑
手動對焦有PEAKING
從始解放所有135舊鏡群的大門

操控感很一般
機身毫無美感
電量不夠用一天
新鏡群未開發完備
新鏡群亦較同儕貴

SONY保留了MINOLTA 的前瞻性，不停"堆"出令人鼓舞的新機種，新CMOS。
可惜卻沒有保留對相機設計的細心及細致度完善的追求。
畫質,iso，輕便是這機的強項。
但其他都不值一提。
新鏡群比較貴，又不值。
機身反應非常慢，常有LOADING的感覺。
介面比較各大機種亦是數一數二的差。
如果只玩舊鏡，PEAKING對焦都足夠應負。
總括，非常有潛力相機線，但需要時間發展致完備。

利申，曾用過的相機以得出經驗：
Canon:40D,6D Pentax Q10, OMD E-M5, Epl1,E-M1, Panny G1, Fuji X-E1,Sony A550, Nex5N等

立心於手動鏡及自動鏡兩邊走的玩家必敗之物。

優點唔係無，我唔識表達。反而寫出我對A7失望/不足的地方會容易令人明白

1.自動鏡群組
現在太少及不夠進取，在C記N記及自己的A MOUNT相比下數字上有不足之感。
2.防震
放棄以往一直主打的機身防震，現役鏡頭中幾支定焦鏡不包含防震功能 (OSS)。
3.EVF 和 LCD
EVF 和 LCD中間停頓時間較長，有一種要等的感覺。(約一秒鐘)
4.電池容量
為左更輕，電池容量少得可憐，去旅遊時最少多帶一粒後備電.
5.充電放式
買機不送獨立充電座，最大敗筆。好在國產充電座不用一百元就能解決

以前的A700的而且確係SONY收購美能達後其中一部最成功的光學單反BODY。
快門輕，對焦快，機身防震又可以用副廠A001充小白。

說真的，如果你期待A7可以給你捉著突發的一刻，新娘子最感人的一秒，
A7並不是你要的東西，請轉會到7D/5D3/及D800及需要一堆紅金圈加持。
但尋找生活的點滴就係A7的角式。輕巧，易收藏，不招別人的目光。

所謂"成也風雲，敗也風雲"，是A7的優點也是它的缺點︰
- 輕巧的機身帶來電池容量較少，
- 由於FULL SIZE的感光元件(賣點)，法蘭焦距令到35MM F2.8餅鏡的體積加大，不能和NEX系列的相比。

A7係一部生活/旅行用的好伙伴。如跟機買鏡必選35 F2.8 / 55 F1.8 及70-200 F.4G。
配24-70 F4 ZA 唔係唔好，但對焦速度比35MM F2.8來得慢及缺少左一分輕巧。

A7，它不完美，不過，它很迷人