Sony A7

評測報告

實拍照片

輕。
細。
容易操作。

無內置閃燈。
电池持久力低。

本身用開 sony alpha77, nex7,對A7有以下比較：
轉玩A7,貪佢係FF,在升级角微.
sony 標榜細和輕,對於上了年紀人仕確吸引,但竟然無內置閃燈，何來叫方便，失敗。
用M模式下可支援曝光補嘗，這是alpha77 和nex7都無,其实可能其他牌子一早已有.
插個nex餅鏡,即時自動去了APS模式，有一千萬像素，之后加mount再插支70300G鏡，即時自動去了FF模式，再選擇APS,又只得一千萬像素，焦距倍大1.5, 意外之中覺方便，好玩。
買A7貪佢平過A7R五仟,但像素少了成千萬,在APS就少了五百萬像素，省回錢可幫補買鏡。
價錢比nex7更覺抵買。
買A7貪佢對蕉連拍多A7R一張，這也是我選擇A7的原因,但比其他牌子仍下風.
佢有wifi功能是可取的，是賣點之一。亦是大勢所趨。
在操作上有大機的感觉，其快門按鍵與一般大機一樣感觉，反而A7R快門過輕,容易誤觸及.
按鍵佈局比nex7好得多,之前nex7容易誤觸及錄影制及iso制，好煩。皮包手位開始脫離，希望A7會有改善。

買相機竟然唔送差電器,要插住部機先差到電,真係ONDOGDOG

一個不專業而又想玩FF機用家感想

幾年前想買一部全片幅相機
一來價錢貴 二來牛龜咁大部 所配置的鏡頭更要萬萬聲

年半前當我買下富士x-pro1
明知快門及對焦慢到抽筋
不斷說服自己呢種係慢拍的浪漫
可惜最後都要說聲拜拜
因為真係太慢啦

點知Sony一個屈尾拾
出左部價錢平 外型算係復古 快門最快支援到1/8000(夜晚唔怕手震)
仲要全片幅
呢下真係中左毒
因為影第一張「黑白」個時已經打從心底嘩左出聲
呢種感覺係無可形容
「玩相機都係為左咁」

最抵死係可以玩哂所有舊鏡
平有平玩 貴有貴玩
如果想玩自動鏡的買家
我唔會建議去買A7
因係「Sony掛Zeiss賣狗肉」
而且得三支FF鏡：價錢高 質素低

加上A7峰值及放大我個人認為做得好好
所以玩手動鏡去對焦已經好方便

以上是可能係我或者你買新相機的藉口

1. 輕 (相對於其他 FF dslr)
2. 機身較細 (相對於其他 FF dslr, 但與同場的 apsc 機在手時感覺不太大差別)
3. 較平價錢有 FF 機
4. 有快 liveview
5. 可用 apsc 鏡

1. 快門太重和大聲
2. 操作極不暢快 (可能用開其他 dslr)
3. 冇 OVF (EVF 感覺有點假, 一般情況下不如用 LV)
4. 開機慢
5. 外型不討好, 再加上果種快門聲, 唔多想比人見到用佢 (個人喜好和感覺)

A7 算是在 FF 可換鏡相機上有一個突破, 但以以上的感覺, 暫時不會考慮

另外個人覺得 FF 這兩個字被追捧得太高, 好似任可機一配上就係高人一等, 卓越無比
一有部賣萬幾元 FF 機就一窩蜂地讚好, 情形與 Canon 6D 一樣, 好似食左迷藥

成像很好,相片很sharp
FF
操控性不錯
輕
價錢很便宜, 行貨全新的才九千, 二手七千也有交易了

開機慢
對焦速度一般
有時會比現沒反應或loading的情況, 但也不太常見

其實由這部相機開賣便一直留意, 其他師兄的用家心得都睇左好多次, 有考慮過A7S, A72, 心大心細左好耐, 尢其係後期睇A7的用家心得都比較多人偏向彈多讚少, 所以一直都未決定買邊部.
不過今個月一家會去日本旅行, 最後決心買部二手的用, 如果真係唔好用就放返出去, 最多都係蝕幾百就當租機費, 一用之下, 發覺D相真係好正, 要sharp有sharp, 要淺景深有淺景深, 我並唔係好專業的玩家, 舊鏡手動對焦呢D真係唔岩我, 最多都係識調下快門光圈ISO暴光呢D, 但係相片出來的效果我覺得比之前用開的APSC係明顯高出幾班, 仲要只不過係用KIT鏡, 影深效果的層次係完全唔同, 唔係話濛D咁簡單.
當然, 呢部機真係唔多合適工作用途, 反應慢係一個問題, 對焦唔快又係一個問題, 不過如果用來一般攝影, 家庭, 旅行, 或者記錄生活點滴, 真係一部性價比好高的相機. 完全無後悔升級呢部機, 可能用開FF的師兄會覺得呢部一般般, 不過如果係用開APSC的係好值得升級, 分別係好明顯的~

-令人學習到舊鏡之美/毒。
-比起傳統大牛龜FF機+鏡, A7會讓人帶出街享受拍攝嘅樂趣。

-無機身防震, 用MF鏡玩snap要花d功夫- 但會因為中毒太深而習慣。
-要快/方便/要高性價比原廠自動鏡的話請玩其他brand/ model。
-要比US$5 - 10買apps: 一買就買咗幾個...Sony搞壞囇d規矩(只可怪自己)。

之前都係用 O記 d M43機，後來因為要買View Finder 同其他配件先開始計數, 發覺/以為A7性價比高, 啱我口味嘅窮人恩物...實質其毒之烈, 七步斷腸。

A7令我開始接觸東蔡三寶同其歷史, 研究買邊支flash, 玩 star trail 要研究天文地理, 入天祥同老闆吹水同不斷上網爬文, 睇吓點先可以玩盡部機。

A7讓我更加了解攝影。

-最好的還是PEAKING, 手動對焦非常方便。令不慣手動的我亦覺得容易好多。
- 有1/8000快門
- EVF睇得舒服, 用後好快已習慣用EVF對焦, 不用MON了(唔知會唔會省電一點)
- ISO控制 比以前NEX方便, 基本攝影時所有設定都不用進入MENU, 好快上手
- 反MON設計, 可低角度拍攝

-太細部, 難渣手。
-機身太簿, 太輕接上輕重的鏡頭, 必須要加上直島才可有好一點平衡。
-缺乏高質素FE 鏡頭支援
-令舊鏡二手市場炒起
- 電池一般耐用, 還是買直島可插二電, 襟玩D
- 高ISO表現不及RX1 , 1600止步
- 外型低調, 不專業(因為一般人認為單反才是專業), 入門級又想扮專業的用家不會考慮, 但同時又是另一班資深玩家的恩物。

對攝影有要求的朋友, 一直都在重量與光學質素之間找尋平衡點, 每次外影都在盤算如何在云云鏡頭中思慮今次應該帶那一兩支鏡頭出動, 而又能保持機動性及光學質量上的保証。單反已經在一段漫長的歲月中成為攝影主流。儘管N記與C記存在互相競爭而不斷為消費者提供日益進步的光學器材，但幾十年來亦不能或不敢冒險去創造單反器材以外的新領域。而這個偉大任務, 就交由SONY去衝了。畢竟她的歷史包袱比較少。

這應該是大多數業餘玩家的理想：能有一台輕便, 全畫幅可換鏡頭相機, 能接上你喜愛的各種風格鏡頭。而手動對焦PEAKING技術, 比N記的中焦燈提供方便許多。係令我決心去購買A7的主要原因。

每一台相機都不會是完美, 但A7是實現了大部份玩家的願望，相信A7/ A7R只是革命的開始, 我們期望她的鏡頭群會逐漸完整。並可以修正許多轉接舊鏡後的小問題(紅移) 才A7 系列推向完美。