優點:
1. 最細FF 機
2. 萬能插 (小弟手頭上幾個系統加埋既自動對焦鏡唔夠5支, 手動就20支以上)
3. 高ISO 可用
4. 想要味精有味精, 想要清淡有清淡, 估唔到有Filter mode玩
5. 有得mon聲拍片同駁External Mic, 好重要!
6. 差不多隻隻制都可以比你再設定返另一個功能
缺點:
1. 外型
2. EVF 個Auto detect, 對戴眼鏡既人黎講係有問題, 因為眼鏡片既透光令到detection 以為你唔係望緊EVF, 好多次用佢影影下就閃返出個LCD到....
3. 既然外型都似OM咁, 又點解唔整埋EVF/LCD switch 制呢?
4. 差個GPS, 不過出齊又點出下一代呢?
5. 拍片制位置奇怪
6. 自動對焦鏡下用電量真係倒水咁倒
評價:
第一部先買後試既機, 當佢公佈果陣諗左諗右到底買7定7R好, 最後都係覺得7仔已經夠,
睇見Red shift 問題非常嚴重既7R, 我覺得我既決定係無錯既,因為最常用開28~50既鏡。
第一日有得拎貨, Sony既派貨制度真係值得一讚, 接上我支Leica 50.2, 好耐都未試過有驚訝同興奮既心情, 好sharp, 好立體, 有影菲林果種立體感! C, N, 既FF我都有過(現在只有5D2), O,P,L 既機我都有幾部, 唯獨是Sony 真係咁多年黎只會用佢既Boardcast product, 硬係覺得佢影相麻麻地, 直到有部叫A77既機先令我對Sony 相機改觀, 後來有朋友送左部Nex5 比我, 先發現雖然部機係舊時代產品(我朋友係2013年中先送比我), 但係可見出Sony有幾大膽, 一承Minolta既風格, 今次A7 亦不例外, 係價錢, 質素方面下, 上面我講既缺點起碼可以Fade out一半! 由於頭半個月都係用手動鏡頭, 我覺得粒電其實係好夠用, 點知一換自動對焦鏡就出事了, 好彩而家手頭上有成6粒電, 真係去邊都唔駛驚!
未買既你, 唔好比d 乜野紅唔紅閘暗唔暗角影響, 因為呢d 因素即使係以往既數碼機都會有,
而往往最大發生既都係Wide RF鏡, 如我支M42 CZJ 20mm 就無咁既事了, 同埋相信日後一定會有數碼修正, 預期係咁諗點左避右避, 不如諗下快d 買左佢影下靚相啦!