話第七代iPhone Plus係2016機皇應該無乜人反對，尤其今代相機有玩淺景深嘅人像模式同支援拍攝raw檔(dng)，玩味更多更可以真正發揮感光元件真正威力，呢頭影嗰頭係電話已經執完重share埋，真正快靚正！
首先介紹下software先，現階段如果要用人像模式（玩淺景深 ）係要用iOS 10.1 beta先得，而要影raw(dng)唔駛錢就可以用LR mobile，係LR入面有相機功能，雖然相對簡單但已經可以影到raw同切換雙鏡頭，跟手仲可以執埋相，唯一大問題係檔案要匯出有d難度，而再進階就要俾錢買apps如Procam4 / FiLMic Pro之類有強大拍攝功能嘅第3方軟件，可拍多種格式，有慢快門，可自訂大部分設定，最重要係匯出raw檔極易，方便用電腦處理。個人認為如果只係家庭相用LR己見已經好足夠，但想影下夜景，確保有最佳質數都係乖乖俾錢吧。
內置camera 功能算齊全，可惜影唔到raw，玩淺景深嘅人像模式要upgrade左10.1beta先會出現
LR都有拍攝功能，仲可以影raw同切換wide/tele鏡頭，但可惜欠缺手動模式加上匯出麻煩
執完嘅相係preview已見到，速度好快
執相就真係LR贏，又快又易用
到試下要俾錢嘅Procam4，淨係睇介面已經知係兩回事，基本所有設定可調校度極高
拍攝模式亦好多
重有好好玩嘅慢快門，比較可惜係佢用多相合成jpg並不是raw拍攝
Raw檔一目了然，匯出易過借火，一插線拉個電腦就搞掂
Raw編輯就麻麻地，個人覺得LR更好
用左幾日，感覺係好好玩！機能亦夠快處理得好順，又可以有淺景深，又可以影同執一機過，如果要講不足一定係cmos始終太細，節細唔夠多，暗位亦拉唔起，但整體使用感覺依然出色，去相！
iPhone 7 Plus / LR mobile / raw>jpg
後話
2016電話係我眼中已經可以正式取代dc仔，重點唔係影，係執同share，基於大家質素越來越相近，依家電話仲有得玩淺景深，而係後制同分享都有壓倒性嘅優勢，所以能預期未來電話可以完美無瑕地取代一般普通數碼相機仔，用得最多嘅先係好相機係咪？
www.facebook.com/adorbyhongkong
