Canon EF-S 10-22mm f/3.5-4.5 USM

10mm，最Wide係佢
色彩濃郁、自然
影景影人都好夠Sharp
USM對焦係好快，低光情況仍可準確工作
內對焦+內變焦
385g，輕便
好實淨
外型好睇，最前方鏡頭為最大直徑處，加左filter都唔會「嘟咀」

貴左少少，4千幾5千蚊
光圈偏小，但室內影人都可以，至於影景就唔駛大光圈啦
開盡10mm影人要十分小心變型

個人感受：
1.其實我覺得支鏡已經係L鏡質素，只因佢係EFS鏡，Canon政策只會將L冠以EF鏡
始終EFS鏡係走大眾化路線，未能突顯L之Luxury。
2.10mm起步真係名乎其實的Ultra Wide，去到22mm又可以影人，無太大的變型。Canon機佬通常都有支18-55mm Kit鏡，如果用10-22mm，都有18-22mm呢段重覆左，當standard zoom黎用都ok，用黎影人係一個好好的選擇。
3.香港地方細，好少機會可以遠距離攝影，用10-22mm可保持與事物近距，唔會俾路人左穿右插。
4.USM可低光對焦，夜晚交部機俾路人甲幫你影相時，唔怕會發生對唔到焦影唔到相的尷尬情況。
5.超廣角鏡令手震情況減少，可用慢速快門。試過室內唔夠光情況唔用閃光燈手持1秒影相，竟然無手震情況出現，當然手要好定同埋要企穩。
6.無論在香港定去外國旅行，一定會影建築物。用呢支就可以輕易影晒全景，唔駛向後退幾十步都唔知影唔影得晒。
7.其實諗過Tokina116同124，但係無USM已經係一大缺點，另外116有2.8光圈，影室內本應唔錯，但16mm影人都太寬了，仲會變型，而且Tokina鏡成550g，Canon 10-22才385g，去旅行不會想拎住咁重的鏡頭吧！
8.影藍天白雲十分出色！
9.可以同人講呢支係最wide的Canon鏡(唔計魚眼)
10.我平時唔帶hood，因為太大舊了

注意事項：
1.俾部機人地同你影相(影人)，一定要較盡去22mm，用10mm的話路人甲唔會理你變型變成點
2.10mm時如果影人一定要放中間，如果放邊位會拉到個人好長好難睇，最好水平影野
3.一定要上filter，內對焦+內變焦都要上filter
4.上CPL一定要拆晒其他filter，否則有陰角
5.14mm以下用內閃實會有黑影！本身支鏡唔重，影人時可以的話加外閃，唔會太大負擔。
6.f8-f11係最佳畫質，f5.6-f8都已經好好
7.手定的話，10mm手持1/10秒都可以接受

1. 對焦行程短, 加上USM, 速度一流
2. 對焦行程短, 拍片機乎可以唔洗對焦
3. Zoom ring好順, 拍片時變焦都唔會'chok'
4. 成像好, 變型控制極好
5. 輕

1. 色水偏淡
2. 遮光罩超阻訂, 大到可以套住枝小小白個罩....
3. 光圈偏細之餘唔係恆定
4. Zoom盡22mm影人都好易出現變型, 如果去到24的話應該好少少

剛好用左差不多一年, 心血來潮想寫一編後感比佢

1. 買之前都做左好多research, 話佢係EF-S必入鏡之一, 用左一年絕對同意, 同FF配17-40比, 淨係變型控制已經嬴晒.

2. 所謂L鏡質素, 呢層我就唔太認同. 可能我手頭上既鏡都係偏濃色果d, 例如小小白IS. 兩枝鏡同一環境底下, 10-22真係淡, 如果以picture style既數值計, 最少差1至2級 saturation. 而body build亦都冇得比...唯一一點比得上L既係成像真係sharp. f8時100% crop都可以好利.

3. 外型超浮誇. 帶上遮光罩行街, 已經不下數次比途人話支鏡好巨型, 誇張. 反而插支白鏡出街只係試過一次比人咁講...

4. 超暗環境下影相都有佢既優點, 唔係USM令佢對到焦, 而係只要大約一米多d距離已經屬於無限遠, 影既野遠少少, 基本上唔洗對焦都得; 但要對近野時一樣會迷焦....

5. 始終唔可以代替standard zoom, 本想去旅行時長插呢枝鏡, 但構圖限制太大, 基乎只能影建築, 用黎影人構圖會有好多限制, 就算22mm始終都偏廣角, 色水又偏淡, 用黎影女皇大人時比佢媽過幾獲, 中途好多時都要換一換鏡, 所以身上會長期拎住兩枝鏡...

6. 光圈唔係恆定呢點對影室內多既人好重要, 我自己覺得頗煩...

以上心得好壞參半, 全因為無點以影風景建築既角度黎寫. 相信無人會買枝鏡淨影影, 一影人就換鏡咁好心機. 所以想分享下當佢一定standard zone時遇過既情況黎講.

總括黎講, 除左光圈偏細外, 其他缺點都唔可以叫做缺點. 用得ultrawide就預左. 所以買之前, 應該諗清楚自己係咪真係需要咁wide, 否則新出果枝15-85隨時比佢更o岩你.

人人都講好o野,講缺點同使用感覺反而更加實際

1.真係貴(比起Tokina,Sigma同Tamron同級而言)
2.冇hood冇鏡袋
3.10mm段兩側(橫向)變形嚴重

小弟用400D,本來只係有18-55kit同24-105 F/4兩支鏡,明顯係要一支wide鏡去旅行影風景。由於要去九寨溝,考慮完Sigma支10-24,同埋Tokina支11-16 F/4,最後都係要支原廠10-22,其實都係因為價錢唔差好遠,所以入手。
去完九寨溝同東歐,雖然係帶佢同24-105同行,但係支24-105明顯只係「同行」,使用機會甚少,相反10-22用得多,甚至成為主要用鏡：色夠實,夠wide影哂。
各位使用時要記住,用CPL一定要拆本身filter(小弟用B+W超薄CPL,Kenko Pro1 filter),否則到最wide會可能見黑邊。仲有想避免變形,盡量水平橫影,要直影就真係做梗變形金剛,冇辦法。
如果鍾意影風景,呢支絕對應該入手,尤其你見到其他人要訓哂地就位,你就輕輕鬆鬆影到,真係好舒服。

1.SHARP
2.對焦快
其實仲有好多優點, 但我諗一黎其他師兄已講晒,二黎對呢支鏡有興趣的師兄都有搜集晒D優點, 所以我想講多D用後感及缺點.

1. 10MM變型幾嚴重
2. 光圈細非恆定
3. 我覺得最失望係支鏡拍星芒唔得

其實我係新手黎,玩左成年都只係得支SIGMA17-70係手, 都沒有諗過買鏡. 直至有次同幾個FRD去北京玩, 坐係王府井食飯, 用呢支鏡影左張相,出黎的效果十分震撼. 第一次感覺到超廣角的魅力所在.
我覺得呢支鏡適合以下人士
1. 中意去旅行的師兄-佢絕對必不可少, 影到勁WIDE (當然角位有變型). 勁近影人都OK. 我用佢去天安門故宮玩, 企係國FLAG同太和殿前勁近都拿晒全影,(有個阿姐走黎問我是否幫人影相,哈哈).果日天氣好好, 藍天白雲加紅色的宮殿, 超正超SHARP
2. 係室內影團體相真係顯示到佢的實力, 但最好加外閃, 去到14MM. 佢光圈細, 要收到去F8效果就幾好了
但支鏡影人麻麻, 如去旅行影人, 最好係中間位, 邊小小已將個人拉闊(影到人勁闊又肥)呢點要小心
去過維港影夜景, 但由於佢太WIDE了, 好難構圖, 呢點我要搵師兄教下點構圖, 但最失望係影星芒唔得

超正的正廠產品，廣角效果有如不懂拍照的都能拍美麗照片似的。去旅遊拍風景、細小室內用他太好了。

唔送遮光罩，另買都難找到貨，氣！
不能用全幅機

用過這鏡感覺真也不錯，因他用料十足配上了 2片模造玻璃非球面鏡片、1片高折射率非球面鏡片、再加 1片超級 UD鏡片 (又稱：特殊低色散鏡片)，有效地修飾變形和殘餘色差，也能提高解析度和高反差，結構為 10組 13片。那為何售價不過萬元又不是 L鏡呢？簡單...因為他是 EF-S鏡不是 EF鏡，L鏡只會在 EF鏡系出現，原因是 EF-S鏡不能用在 EOS 1D 和 5D的全幅式 CMOS上，他只能在 EOS 30D, 40D, 350D, 400D這些 APS-C尺寸 CMOS用，那他又怎能收過萬元和稱他做 L鏡呢！當然無論是正廠或是副廠鏡，在超廣角變焦鏡中用上兩三片非球面鏡片都是平常事，但這支鏡能拍出的質素直逼 L鏡，所以價錢比其他副廠鏡貴上20~30%也是理所當然。

夠晒wide~~~
10mm做到F3.5~~~這個不錯
可作USM及近攝
可以玩大頭狗 = =
影風景上到5.6以上一流！
輕
色散ok
夠sharp~~~~~

夠貴！
大大件！
77mm filter好貴！
拉到10mm變形真係好勁！團體相禁用！

主要黎講我買佢因為原廠情義結
但一用之下發現這比Sigma的10-20好得多
我指色水....維持高度色準！
又有10mm wide~~~
唯一唔好既係貴，難怪既....Canon得一支EFS既 wide鏡~~~