1.性價比高之L鏡之一
2.造工一流
3.對焦快，成像高

1.此價錢可說無缺點

Canon白鏡賣此價錢算是賣大包

這個價錢紅圈鏡還想怎樣
2手3500-4000有貨

沒有is，晚上或者光線不足情況下根本就廢了
沒有is手持真的要很穩，最好還是弄個腳架

沒有點臂力都很難長期手持
使用一段時間后你會發現你的手臂肌肉變得更強壯了，手持時也會變得更穩（石膏手）

鏡身造功出色。相對其他白鏡紅圈便宜。對焦快狠準。L色彩。

沒有is成了日光鏡。

不計算我手上的N仔小小黑f4vr。小小白也算是我使用率較高的鏡頭。值得擁有。

短，輕，平

似唔足200mm

我剛轉到canon，前排主力係nikon，中間夾雜富士&nex。
首先從外觀似金屬又似膠，比nikon70~200/4VR(接近$10K)擺明係膠好好多，主體成像canon&nikon各有各好!而canon支鏡內塊瑩石起到作用，有DDD晶瑩效果，係陽光充足時令到相光暗更加分明，或叫令到張相彈起，色彩較艷麗！
而我只用過nikon LB1 ， LB6，小小黑VR，感覺上canon支70~200/4L同支LB6一樣唔足200mm，希望係我睇錯。
整體唔好話佢無IS等方面，佢唔係生出嚟有而用唔着，如要便請買支IS版本，明知無IS，正所謂"百貨賣百客"起碼canon出支70~200/4平價版，以4K幾有支解像中上上，顏色較濃，圖像算結實(F4)，仲想點，佢係我心目中質素同LB3咁上吓！

﹣輕(705g),輕過70-200mm L IS f/4(760g), 重過70-300mm IS f/4-5.6(630g)
﹣二手價更平
﹣內對焦，不易入塵埃
﹣對焦與變無環快與滑
﹣70-200mm 全段 F4
﹣保護膜
﹣金屬鏡身

﹣非防塵、非防水滴，只是看似是。
﹣有光沒有震，一但光線不足，相片不清，轉用ISO 1600也不成。
﹣Tele 鏡最重要或最少有IS才有點用
﹣晚上用就看你機律，中也會模

Tele 鏡最妒無防震，如有F/2.8 就更好，但會更重。熱天、旅行就明顯辛苦。
所以，如果想另類選擇的話，可推薦70-300mm/f4-5.6 IS USM, 3級防震下，ISO 400 1/20 4.5可以接受。
這邊箱，小小白 L 若變焦 135mm 就好明顯震，ISO 1600也沒有保證，其實真要看影什麼，什麼時間，例如晚上在Park Lane 影，當影綠色燈飾無問題，但轉影行人，同一路前有商店有燈光，變焦到200mm 更不成。
可以的話， 站近交通燈或用手臂會成功大點，儘可能不變焦過135mm。1/30還可以接受， ISO 達到800，更長時間必震。
如果要焦距過135mm 以上的話， 用輕點小黑， 起碼有3級IS。
室內看環境， 但晚上街道是不理想，因光線不足。

平價級tele L 鏡，可練習，粗用，兩者皆得。
迷焦極少出現，相信你當時用什麼對焦、對焦對象是否群組中或單一等。

最平紅圈白鏡
銳利
竟然有一塊瑩石！
輕便
有遮光罩送
有鏡頭袋仔送
密封好、無入塵既問題
對焦變焦環順暢
對焦快又準

無腳架環送 (要買好貴！)
光圈其實算細........... 不過一分錢一分貨........
對焦環易發白、原因不明

我覺得係canon留比窮人既禮物、依家D新鏡全部都加到不合理、支支新款L鏡都破萬、趁呢支冇IS鏡仲有出又未加價快D買。

1. 造工好實淨
2. 恆定f4, 足夠應付室外運動有餘
3. 光圈全開已接近最銳利
4. 全段焦, 全畫面高解象度, fall off 極少
5. USM對焦快, 靜
6. 輕便
7. 性價比高
(色散, 變形, 和暗角和同類型鏡頭比較不過不失)

1. 反差大時有機會出現大範圍昡光, 加遮光罩幫助也不大
2. 200mm可能會不夠tele
3. 不適合晚上/弱光使用 (要求太高了吧...)
4. 發色普通, 但忠於現場

這支70-200L f4是Canon用家最值得買的鏡頭之一, 是嘗試頂級畫質的最低門檻. 現在每次用時都會覺得支鏡超底. 就算是老手也會因其體積和重量而愛不惜手. 去旅行影風景一定要帶去. 我有買腳架環, 因為長曝過1s唔用係會有機會吹震的.

最大光圈已經超級銳利, 色散/變形/和暗角十分輕微, 只要在安全快門以上大可放心使用. 雖然有USM, 但此鏡配合百位數機(eg.500d)拍快速運動追焦時仍會反應不及. 很多人會用多$3000買is版, 但對我來說多了is也不能在晚上/弱光下使用, 如有需要請服用70-200 f2.8.

70-200 f4的定位是輕便優先但又對畫質有要求的業餘用家, 以我所知要把內變焦和內對焦鏡頭的體積設計得這麼小是挺困難的. 如此價錢, 畫質, 輕便, 規格, 是Canon誠意之作!

1. ニ手價錢平 4000元 95%new已入到
2. 對焦快靚正
3. 紅圈影出來相色彩靚
4. 用在7d都非常輕
5. 有螢石及UD鏡片

1. non is 手震要推iso 才影到
2. 無腳環送 原庒好貴

用了真不錯 本想入ニ手is版 但貴多3500元 可以入多支 小黑70-300mm
反正當日光鏡用多 入了non is版 相片色水真係ok正
紅圈入門級首選鏡

發色靚
比小白輕好多，外出冇咁辛苦
對焦快
十分好用的焦段
f4 都好sharp

其實都冇咩缺點，你又唔可以用貴佢四千幾蚊的小小白is 同佢比。
咁當然冇is ，喺室內就要拉高ISO 推安全快門。
冇防水滴，雨天就要小心用啦。
平咁多唔可以有咁多要求。

當你用過其他副廠鏡，再用這支小小白，你第一個反應係“點解要靚咁多",唔係講笑，L 白鏡喺有佢的價值。
影運動你可以感覺到對焦的快感。
好多的用後感好多CHING 都講哂，我就唔再多提啦。

但係，我想好多人都會問，其實小小白有冇需要買腳架環呢？咁小弟分享下。
本身我都有個問號，就係有冇需要呢，見到個副廠環平原廠咁多，質料都唔錯，就膽粗粗買來睇下有咩feel。加左落去，再上腳架，當然平均真係好多，但諗深一層，支鏡又唔係太重，設計小小白，都係為左提高機動性，你就走去加腳架環同上腳架，咁本意的機動性去左邊？當然，你唔用腳架環把相機上腳架，平衡當然冇咁好，但未到真係前後平均冇哂。如果比多次我諗，我都諗我都唔會買腳架環。

* 紅圈白色入門版, 價錢唔算太貴但係俾足一塊螢石加兩塊 UD 鏡片, 色散同銳利度控制一流, 連光圈都唔駛收 (反而 2.8 嗰兩支都冇螢石鏡片, 祗係將 UD 鏡片數目加多兩塊)
* USM 對焦速度不用置疑
* 內對焦密封鏡身, 幾乎搵唔到邊個位可以俾你吹粒塵入鏡裡面
* 恆定 F4 雖然唔係 70-200mm 裡面最 top 嘅 spec., 但係經已好好用, budget buyer 無謂花咁多錢盲追小白 / 小白 IS
* 輕過好多鏡頭嘅 700g 重量, 更加可以支持到 budget buyer 連 IS 版小小白都唔駛追

老實講, 貨比價嘅平衡之下小小白個人其實覺得冇咩缺點, 以下幾點嘅都係夾硬揸出嚟嘅 (笑)

* F4 光圈, 夠光時真係天下無敵, 唔夠光時真係有心無力 (不過可以推 ISO 彌補呢個不足)
* 冇 IS (不過支鏡都係得 700g 重, 除非你左手真係好虧, 如果唔係 keep 住安全快門影炒相機會率其實唔會好高)
* 冇腳架環送, 買原裝相對鏡頭價錢都幾貴 (好在有大陸 OEM 產品)
* 遮光罩好薯 (溫馨提示, 大陸有白色 OEM ET-74, 裝咗之後觀感完全係兩回事)(笑)

老實講, 小弟之所以會買小小白, 完全為因為自己影開人像, 乾燥箱裡面除咗支 50 F1.8 同埋 24-70 F2.8 之後, 支天涯鏡根本就全年出唔到箱一次, 於是把心一橫賣走支天涯鏡, 加錢買番支高 level (performance) 嘅中距離變焦鏡返嚟 - 考慮方面都係圍住 4 支 70-200mm 紅圈白:

當然, best buy 就梗係 F2.8 (小白) IS 啦, 但係新鏡差唔多成 $20,000, 二手又唔係平得好多嘅情況下, 對於我呢 D 唔係 professional, 又影得唔多相嘅 budget buyer 來講, 真係買唔落手 (笑); F2.8 冇 IS 雖然平 D D, 但係對於一支 1.3KG 重嘅鏡頭, 如果冇 IS 的話 D 相都應該幾好炒, 到時萬幾蚊買咗支影 10 張炒 5 張嘅鏡頭返來的話, 一定會後悔; 退而其求次, 諗諗價錢平一半有嘅 F4 (小小白) 啦 - 反正, 對於我呢 D 業餘玩家來講, 感覺上焦距去到 70-200mm 的話 (事實當然有唔同啦, 如果唔係仲鬼有人買 F2.8 咩?)(笑) F4 散景經已好正, 無謂因為死追 F2.8 而同自己荷包過唔去: 小小白得 700g 重 (IS 就多 60g) 其實仲輕過我平時影人像嗰支 24-70 2.8, 所以喺絕對有信心嘅情況之下最後都係選擇咗冇 IS 嗰支, 慳番三,四千蚊愛來買多支鏡頭都仲好過 (笑)

雖然我買呢支小小白 (新鏡) 時撞啱就係日本海嘯之後嘅加價期, 算係買貴咗嘢; 但係問心, 真係一 D 都冇後悔過, 因為紅圈白嘅畫面表現真係 the best buy of Canon, 而且因為係螢石鏡片關係, 根本開盡 F4 光圈去影畫面一樣可以利到介手 (反而小白要收細兩三級光圈至會介手) 唯一明顯嘅缺點就係當唔夠光時, F4 都幾幫唔到手, 要靠推高 ISO 至用得到, 所以用小小白時機身能力都有一定嘅要求, 40D 以後中階機固之然係好, 如果係舊款初階機一推高 ISO 就會炒相 (noise 高) 的話, 入手小小白前要三思, 因為一定會變成 "日頭鏡".