Carl Zeiss Planar T* 1.4/50 ZE

金屬用料, 重量適中, 手感非常好, 握上去有很堅固可靠的感覺, 加上金屬hood, 是一個整體的手感
買手動對焦鏡, 手動係佢既優點唔係缺點, 個阻力很好, 用上來也很快很準確, 合焦提示準確可靠
F1.4-F2係剛中帶柔, F2.8係適當的銳利, 層次分明, 尤其係暗位
很難frog鏡, 但係一frog到係美麗的純藍色... 是個人最like的地方
散景有少少二線性及波波感, 有"光鱗"的感覺, 係佢既特色, 適當用的話, 會影到係這鏡才獨有的相
焦距尺, 景深尺很精細, 使用很方便
用作影IR相, 極其美麗, 妙不可言

色散、暗角, 全部可見, 收光圈可改善
變形有少少, 使用要注意
不是全奶油散景, 是構圖的考驗
全開光圈對焦100%準要有o的運氣...

見咁少人寫佢, 就等小弟留個言吧

本人不是品牌的fans, 不會因為佢係ZE就係咁話佢好, 講真佢唔係真係咁excellent, 只係一個品味鏡頭, 當然水準是不差的, 以下是個人感覺, 唔係只係睇數據:
本人用過550D + S50.4(成年幾)及 550D + ZE 50.4(幾個月), 無可否認, 佢地係"好唔同"既鏡頭, 兩支都係好鏡, 但係兩個性格

ZE50.4 @ F1.4-2:
係霧化左既image, F1.4要sharp的話還是S50.4好, 想要ZE50.4@1.4係好sharp係不太可能, 但係霧化左影大人既話會有一種S50.4做不到的柔和美, 所以人像鏡@1.4係好正 :D
ZE 50.4 @ F2.8打後, 非常sharp, 暗位有層次, 反差很討好

S50.4總體的反差較強較鮮明, @1.4影花草等係比ZE50.4合用, 每人口味不同

散景的話, 是兩個世界,
S50.4@F1.4係全奶油, 散景很自然, 很柔很美, 不會有distract左主體的感覺, 主體很立體很"出"
ZE 50.4@F1.4係帶有少少二線性及波波感, 有"光鱗"的感覺, 這個感覺會distract左個主體, 反過來說只要適當的用, 能與主體有互動, 而不是一味的大光圈散景, 也是很美的, 能影出ZE50.4才獨有的相片
另外係5m-10m, ZE50.4的影像及散景係比S50.4立體很多

ZE50.4昡光很少, 日光frog鏡係美麗的純藍光, 是為佢既特色, 我個人超like!!!
S50.4昡光為平常的綠色, 相對不太特別

ZE 50.4金屬用料, 重量適中, 手感非常好, 握上去有很堅固可靠的感覺, 是金屬鏡的特色, 加上金屬hood, 是一個整體的手感

ZE50.4 變形、暗角個人感覺係正常使用冇問題, 色散係有o的, 但係適當用可避免

S50.4有自動對焦, 一定係方便o的, 但係ZE50.4手動對焦, 個阻力很好, 用上來也很快很準確, 不會是一個大問題, 個合焦提示相當準, @F/2係一定sharp, @F1.4就要少少經驗+運氣

總結, ZE50.4影出來的相係有"風格"既, 並不是因為"別人的眼光"那一種風格, 而係光鱗, 純藍frog, 暗位感, 同距離感既唔同.

此鏡配上flash 既話, 成日都會有少少over, 使用時要注意

此鏡配上film SLR + RVP, 風景照還真是一絕!!

此鏡配上IR相, 是個人試過所有最好的配置, sharpness最適中, 顏色最好, 最自然, 也是最美麗, 是另一個意外的收穫!!

(以上全是個人的經驗, 不喜勿插, profile中有少量ZE50.4的相, 慢慢會加上去)
http://www.dcfever.com/photosharing/viewuser.php?id=260494

第一枝蔡司鏡頭，試用初期心大心細，未知能否適應得來? 但當把鏡頭握在手上，其質感，重量，造工等等也是上乘一流，對它的興趣倍增。一經使用，愛不釋手。影像鋭利，色水艷麗，同時亦鍛鍊倒對目標的距離感。當遇到攝影題材，對距離作出粗略估計，舉機構圖，稍為微調順滑的對焦環，當影像清晰，中焦訉號同時發出，輕按快門掣，一張合意的相片卽時拍下來，整個流暢過程是可等美妙呢! 就價錢而論，它比其他標準鏡畧高，但絶對是物有所值，況且它是在芸芸新一代蔡司鏡頭羣裏，最實惠的一枝。

從品質和價錢兩方面作出平衡考慮，我找不出缺點。

上述，已經充分地表達我的用後感。

蔡頭嘛 你懂的 ^^

沒有, 不過貨源好似不足, 走了幾間才有

手動加定焦 讀書時屋企部 Minolta 就係咁 好似番去做女嗰陣 xDDD

啱啱上 5D2, 因畫質靚咗, 一於揾支好定焦鏡, 定焦世界博大精深, 極平極貴都有, 要揾支平衡各方面, 卻不容易. 簡蔡頭, 品牌效應一定有, 因為睇晒所有產品 spec 造比較一定無可能. 信品牌減低交易費用係我哋一般人可行嘅方法.

呢支係手動鏡, 一般未玩過嘅朋友, 可能會以為影得慢咗, 麻煩, 事實係未必, 點解呢??

插得 手動 50mm, 你已經知道唔係去打雀影賽車飛虫, OK?

因為手動, 每次舉機, 久而久之你會估埋焦距, 會諗多咗, 構圖諗多咗, 快門按少咗.........

但係得出嚟嘅照片 滿意嘅竟然多咗, 步伐放慢, 唔係壞事, 哈哈哈

1. 造工一流，無論對焦環同接環皆毫無虛位，比原廠鏡更精密。伸出的鏡筒亦是，不用擔心易入塵。
2. 個人覺得1.4光圈已是可用光圈，並非某些網上評測所言般又虛又散，影人像非常合適。
3. 2.8光圈以後非常銳利，記事一流。
4. 成色素雅鮮亮又能保持少許菜味。
5. 陰天下拍攝仍能獲得鮮艷的色調，影像耐看。
6. 用在canon上能跳出canon的風格，立竿見影。
7. 對焦提示準確。

1. 開盡光圈二線性散景明顯，或許對大部分用家來說是缺點。
2. 暗角明顯。
3. 對焦環阻尼大，手感是很好，但不能快速對焦。
4. 焦程長，對老手來說或許嫌太多了，雖能提昇準確度但亦減慢抓拍速度。
5. 閃亮的銀鏡框。其實是有可能在正對強光的情況下反射光入鏡，本人覺得這是此系列設計上的一大敗筆（雖然機會極微，而外觀上亦好看，但若以專業角度作考量，這情況應可免則免）
6. 貴，價格若定在 4500 - 5000元才是合理。

1. 用在5D2上重量和平衡感剛好。
2. 此鏡亦柔亦剛，如好好利用大光圈的柔，便是長處，可玩性和影像的可塑性很高。
3. 若仍會用菲林拍照，CONTAX 50.4 會比這鏡更有價值，但用在數碼上，此鏡有很多便利之處，在操作上能更加得心應手，總括來說應該是進步了。
4. 換對焦屏有助準確對焦，這點是很容易被忽略的。
5. 在對焦提示前後多拍幾張亦有助中焦，數碼年代了，應擅用科技帶來的方便，別再說難中焦了，玩得手動鏡，這應是樂趣而不是缺點。
6. 很在意銳利度的話 zeiss 50 f2 makro 是個很好的選擇。
7. 期待出 1.2 光圈版本 ！

1 銳利
2 成像漂亮
3 柔焦漂亮
4 光圈夠大
5 金屬手感，正
6 有對焦提示

1 手動對焦在拍動態東西比較慢（但是買的時候就應該知道的）
2 全開光圈比較難對焦（成像比較松）

在找50mm頭的時候看了好幾個，包括50L 死馬50f/1.4和這個。50L太昂貴感覺不太值得，蔡頭需要手動感覺有點慢，所以最後打算買死馬。點知去到試鏡時，點試點調都走焦。真的沒有辦法，那就拿個蔡頭來試一試吧（其實心裡面也喜歡這個頭的，只是這個年代也要手動好像有點。。。）不試還好，一試不得了。我給我兒子拍了一個照，結果利到，連他的眼睫毛都拍得一清二楚的。所以即刻買下來了，用了兩個月，越用越喜歡。但是一定要換一個好的裂像對焦屏，不然你會用到想死！

成象非常SHARP, 收到2.8以下真係數毛. 色水與原廠支50紅圈各有特色. 用料扎實, 全金屬, SIZE細細配5D3恰到好處. 好多人都唔知價錢好平!

如果冇自動對焦, 冇防震係缺點, 那就是囉! 但這是天生, 是玩味得一部份!

學習手動鏡絕對好選擇, EF接環有數據傳到相機, 對焦也有提示音. 玩味極濃的一支鏡, 買完第一支, 慘過第一次吸毒... 如果CANON CENTER係毒氣室, 最多都只係吸兩啖... 呢支野絕對會令人上癮!
咩鏡都可以唔帶, 但係呢支出街一定是預裝的一支!