優點就係可以當天涯鏡用,相比龍仔28-300果D天涯鏡,畫質好小小
便宜

F4光圈
老鏡一枝

唔夠光之下會好易失焦,起室內用呢枝鏡真係勉強左DD,如果起室外就好小小。
不過咁o既價錢下我都唔會有咁大期望要它有好的質素，光圈唔夠大,在室內開大光圈,ISO最高至800開始模糊失焦的情況出現,如果你要求畫質不高,呢枝去旅行真係好方便!

價錢先決....紅圈最抵個支, 焦段實用率最高, 影生活照一流

室內F4 有時唔夠用....
唔夠新鏡Sharp, 收一收光圈其實一D 都唔差

價錢先決....紅圈最抵個支, 焦段實用率最高

APSC 機(550D)用其實都好方便, 無咗WIDE 咪帶支新出的10-18 用, 又輕又方便...一輯相影出嚟有齊ULTRA WIDE(16mm 同24mm 影景係有分別, 點都彈性大D) 加埋中長焦(168MM), 睇起嚟D相都無咁悶。尤其帶住小朋友...同小朋友又玩又影成日都唔會太辛苦....如仲有力仲可帶埋支大光圈定焦, 全日家庭活動影乜都得!!! 入門機都唔好用EF-S KIT 鏡.....用呢支好過!!

上咗FF 焦段(6D) 就一支搞點晒....要散景咪Zoom 到105mm, 暗就推ISO....色同sharpeness (如覺F4 唔夠咪機身加sharpness) 用Desktop 版FB睇都卓卓有餘.....

小弟只想D 相質素OK得嚟出街帶單反唔係負擔 :D

平,靚,正
平價紅圈鏡質素高，加上105算不錯
對焦快,拍片嘅時候放手震功能好有用

24起標唔夠廣,一班人影相時,相機要放得比較後

整體上好好,影出嚟既相唔錯,性價比高,作為新手天涯鏡係唔錯嘅選擇!

有wide 有tele 小弟本身用 650D 雖然要乘大1.6 但係足夠平日去街用 平時都係影下老婆同個女 一支鏡夠用 以前影相就去長征 攞三支鏡出街 一支龍仔17-50 2.8 一支70-200 4 一支50 1.4 or 龍仔60 2 好重 跟住睇番d相 detail 100-200 個段5係好多相 反而50-100 就好多 所以把心一橫買左支24-105 而家我一支鏡攪掂哂 同埋5洗成日換鏡

上面 and 其他師兄都講左

-變焦段實用性十分高，足夠應付任何情況。人像，風景，動物，移動中的景物。
-USM 對焦，好快！！有助捕捉第一眼所見的一刻，街拍一流！！而且好靜，有利街拍有時唔會因有聲影響到人地！！
-散景圓點夠圓，好靚！
-STABILIZER 都好，但而家有時機身抗NOISE既技術好好，影夜景或較暗的環境其實都接受到。有防震相對次要左，但都有用可以降低快門級數。
-二手價可接受，慳下錢一般人都可以應付到！
-重量感，紅圈。爽~滿足下自已,開心下都好！
-外觀設計個人覺得好靚！
-接口有膠係外圍，有防塵，防水作用？
-天涯鏡潛力，一鏡走到尾既可能性！

-用F4時中央對焦銳利度唔係幾好，反而外圍就好D。
-要推到F8就中央既對焦就好清，但四角既就蒙D。
-要推到F16就四角既對焦就好清，但中央既就蒙D。
-77mm口徑易入塵。
-外人目光猙獰(´・ω・`)。。。可能紅圈關係？

　　小弟一開始猶豫買Canon EF 28-135mm f3.5-5.6 IS USM同 Canon EF 24-105mm f4.0L IS USM，最後就決定這支紅圈做我拍擋。被吸引既原因係其二手市場，鏡頭保值。實用焦段距離，恆定光圈，USM，成色靚。同埋都比佢個外觀Design吸引到，最後就投資落佢到，打長期戰。小的經常街拍，呢支鏡完全Fit曬（上述優點）。
　　雖然用左短短幾日，但如果大家想考慮變焦鏡，呢支真係諗得過，天涯鏡潛力，一鏡走到尾！同埋最緊要哄到自己開心就得，今自己影相可以更得心應手。

- 型仔呢點，我唸每個人都會認同, 用黎拍人像wedding 都嚇得下人
- 段距足( 講緊只係上FF 機，APSC機就...)
- 旅行帶佢一定無死, 萬能
- 一手4xxx 入貨, 叫有紅圈用一下

小弟買左佢只係3個星期，就發現中招, F.4我入貨時已有心理準備，室內晚上都係癈物，呢個係預期之內，邊可能F2.8賣5000蚊呢，我理解。但其他表現真係強差人意:

首先係黑角問題，嚴重得叫人噁心, 要收到F8 才好一點( 即係基本上一般鏡頭要求), 第二, 只有中間點清晰，其他就完全吾掂，好淋。
第三, 吾sharp. 比我其他手動鏡差幾皮....都比24-70L 輸幾條街(當然不能用黎比較, 價錢差一倍有多)
第四, 抗逆光能力....無能為力

如果只係要滿足買紅圈既朋友們，24-105L係可以選擇的，只要你吾要求高，畫質尚算接受的話，而主要目的係想威威或者去旅行吾想換鏡的話，不防買，但如果你係想有質量的，請買翻支定焦 50L, 100L 或者sigma 一d新版 如17-70 ，包你滿意.
講到最後，睇你要求乜野啦

1)以現在價格(約HKD$4700~4900拆鏡白盒),我覺得真係抵玩.
2)不用煩成日換鏡.旅行必攜!!
3)恆定F4+IS,大部份情況都足夠使用!!
4)77MM濾鏡,大路加多款式任選!!
5)對焦快!!
6)有防震加防水滴,配合我的1DM4在惡劣環境(下雨/雪,潮濕等)都無問題出現過非常襟用!!

1)成像方面24MM WIDE有黑角(在其他FF機試用證實),但由於我的1DM4有1.3X焦距變換比率.自動CUT走四邊黑角故對我影響不大.
2)24MM~105MM,由於我的1DM4有1.3X焦距變換比率.自動會變成31.2MM~136.5MM,
係唯一不夠廣角.不過我寧可用14MM LII OR 16~35MM LII去彌補廣角之不足!!
3)無LOCK掣,有垂頭問題.
4)影室內要考慮推高ISO 或用閃光燈.

呢支鏡我於幾年前購買彩盒MIJ版本,當時要近8K.是第一支L鏡,陪我用過450D,550D,7D,直到現在1DM4都係用它,直到現在都是常用鏡之一,真是抵玩!!
我從未打算過賣出它,因為真係太好用啦!!現在二手價又不高,真係留下來看門口好過.

我身邊好多要拍攝婚禮的師兄都指此鏡是搵食機不二之選就知啦!!

不過各位當需要買二手或拆鏡白盒為保障自己務必要驗此鏡IS是否有震/聲,是否走焦以及同埋變焦環阻力是否太低容易垂頭!!我自己個支都試過臨保養完前死IS,IS死之前就是有聲同明顯感到長期"震",之後趁仲有10天保養入CS維修,個師傅好細心跟到我的鏡有變焦環阻力下降問題同埋輕微走焦!!一次KO當堂靚仔曬^^!!直到現在都用得好正常!!

建議各位剛入C記單反拍攝世界用家的師兄/姐務必入手此平民L鏡!!(拆鏡白盒抵玩好多,肥花二手網長期有人放)

畫質于f4屬中上，收到5.6就正好多
焦距超正，恆定f4及24 105同家人出去一鏡已可以包括多種主題
對焦好快兼有3級is
輕身，日本做，做功高質
最緊要係而家好平，c/p超高

其實如以而家價錢泥講，真係無
格硬要講就係發色稍淡，變形于廣角一邊較嚴重

已有2代大三元，點解仲要整尼支返黎看門口？因為而家真係平，全新白盒47xx，有時候同細路落公園海灘，70吾夠長就係唔夠長，反而24 105因為多左35mm，真係輕d同方便d，夠做，唔使成日換鏡，評心而論，畫質及發色，都唔係大三元嗰個level，但係佢有is及焦距已將其實用性展現出來，收一收光圈已經好正，24 70我無comment，收得咁貴有好質素係應該的，但呢支小三元而家比咁既價錢收返咁既質素就真係極抵！

焦距非常實用, 一支鏡由 wide 到 tele 都 cover 到, 仲要恆定光圈
平得來很有質素
對焦又快又準
全開光圈可用, 而且都算幾 sharp
有防震, 又有防水滴
唔重
FF 機下真係可以一鏡玩哂, 十分適合一鏡走天涯, 唔中意換鏡的人

全開光圈下失光都幾嚴重, 唔止四角, 成張相太約失左 -1/3 ev, 同一構圖, 下, 開 F4 同 5.6 兩張相後者明顯光好d, 呢點要注意下
24mm 邊位成像有d 鬆散
唔適合 APSC 用家一鏡走天涯, 無左 wide angle 果段, F4 光圈又唔夠

以超平的價錢 (二手或 kit) 買到一支高質素的 L 鏡, 焦距可以話咁多支 standard 鏡中最實用的, 由24mm wide 到 105 tele 都cover 哂, 其他友廠(或奸狼自己)同焦距的鏡多數都不是恆定光圈, 而且價錢亦相約, 呢支又有 IS, kit set 或二手價只係四千幾, 真係可以話無得投訴, 鏡身唔重, 去旅行, 生活相, 真係無得頂...
唯一令人難以選擇就係, 呢支鏡作為前小三員之一, 同 1740F4, 70200F4 重疊得太多, 現在有 2470F4 補上, 但我最後都揀 24105 作為6d kit, 因為 2470F4 定價太高, PQ 未有太大進步, 而且我自已少影macro, 最後都係揀平d 焦距又實用d 既 24105...
2470F2.8 對我來說太重了, 而且太貴, 又無防震, FF 機來講F4 都好夠

- 如果你係Full Frame機，100%適合大部份工作
- 質素其實係極好，只係價錢平，大家睇小左佢
- IS
- 大量生產，平～

- F4 ,如果有得如果，如果佢係2.8，玩晒。。。
- 申縮Zoom＋個Hood真係屎波啲，但自從有了24-70II陪你一齊癲之後，可能會習慣咁既樣既鏡頭

其實好似AK47，命賤但強悍～
整體Quality以現在呢個價錢，超超超底啦～以前二手都要成6XXX大洋架
諗過賣返出唻，見呢家咁賤價，留唻粗用好過，
呢個價錢你已經唔駛諗進一步買啲唔係L鏡，例如28-135 USM 果類。
因為呢家四五千已經買到呢支L鏡真係好低

影人影物影景全都輕易達到你想既相的。
只係唔夠大光圈。

雖然話相機鏡頭要唻影野，唔係要唻被影，但個外觀真係好_，