信號，信號，信號
系統流暢
續航力強
充電快兼容性又強

系統可以再有一點改善
相比我主力機都是慢一點點

相機還是有改善嘅地方
是第一梯隊但未去到頭三

呢部機個樣平平無奇
屏幕我唔夠膽講係最高質素相比起某星係有距離。

但望落去基本上應該係最舒服

呢部機最犀利嘅地方好多人冇講過嘅就係信號
喺地鐵車卡入邊就算我用1啲4G平價plan
依然冇斷過

相反我主力機國產藍牌用5Gplan 再加主力旗艦
竟然上網速度都唔夠佢快同埋仲要有時候出現斷線即係load 空氣

再返公司實測某d死位
尤其係某水果必死的位置
問人借埋張卡去試完全兩種體驗

而家公司竟然係可以無死位去上到網
簡直就係意外

# 8G3 CPU ... 即係順眼晒
# 6000 電 配上 90W 快充 正
# 價錢256GB賣三千頭，買機最抵就係首日
# 有廠為F7 Pro 出磁吸殼，難得...
# 靜雞雞電話錄音
# 完全體小米 AI。(有一圈搜尋)
# 紅外線功能...讚!!!

缺點:
# 港行 冇 "自動任務" ...
# 自定 鈴聲 位置，設計好醜，好難用
# 冇 埸景模式
# 震動 好弱好弱好弱
# 自帶的桌面小工具，少之又少選擇

意見:
由X7 Pro 跳船去 "高通" F7 Pro (見鬼怕黑)
主要都係為 高通U, 行6千電, 副機主力聽電話和打機, 就唔需買到 ultra.

小米成個生態，高階先會用 高通, 小米15, note 14 pro+, 都係頭頭幾部, poco 算係中價位, 叫做平價入到手...

螢幕用 20:9 感覺好窄身。

高通CPU、90W充電、港行冇廣告。使用順返晒。

細支、輕便

光源複雜下拍攝，效果奇怪

剛剛購買立即試試，原本想看看是否如其它 Youtuber 所言抵玩，點知一試就發現未必係咁，成像質素未如理想，當然看看售價，就算啦

用壞咗一部,都要買返同一款,平靚正

之前壞個防震,仲用到 ,拍遠嘢差少少,

用開SONY,呢部真係平靚正,影月亮可以見到細坑,其實睇你付出幾多,佢比幾多你,我覺得二千零係超值.

輕，快，sharp

膠感重

好輕！好輕！全開光圈已好sharp!! 對焦快！
拍片調校光圈方便，bokeh 超smooth，色散控制非常好

1）畫質（僅限raw + iso 100-200，400以上轉黑白），用mon睇都嫌浪費，建議一定要試下印出來。
2）便攜，非常輕便！如果冬天的話多數男士衣袋都塞得落。
3）非伸縮鏡頭，減少入塵機會；雖然對焦時鏡桶會稍微移動，但已經比之前伸縮鏡頭要好。
4）配件便宜，49mm filter選擇多（建議nd濾鏡點都要）
5）操作不算複雜，應該有嘅功能多數都有。以行山/旅行影相而言係絕對足夠。
6）對焦準確，而可以設定af-l同時連動ae-l，並可以用半按快門形式lock住，呢個功能非常好用。

1）save相慢，8秒起跳，快卡冇幫助；有七張buffer可以稍微緩解呢個問題。
2）電量一粒50-70張raw，但係唔影raw又等於自廢武功。
3）最快快門=1/2000，特定情況下唔夠快。
4）手動對焦摩打手感奇怪，雖然比x100系列較為線性，但係同純手動鏡頭差好遠。
5）續上，冇峰值對焦，需要放大來睇。大太陽不太方便。
6）再續上，夜晚可以放棄自動對焦。
6.5）高iso基本上係殘廢，夜晚影相請自備腳架，或者訓練一下就地取材手工搭相機架嘅功力。夜晚唔係影唔到相，而係比較麻煩。
7）如果用慣大機的朋友可能需要一段時間熟悉操作，畢竟得一個轉盤同埋一堆後置按鈕。最基本pasm轉盤雖然欠奉，但出奇地有三個custom setting可以save。
8）鏡頭CA比較嚴重，spp可以做的補救非常有限。

部相機已經出咗十年有餘，二手價錢都企得非常硬（近年仲有回升趨勢）
係2025年嘅今日要搵一部畫質超過佢嘅全幅機（甚或中幅機），最少投資多七八倍銀兩落去，以性價比角度而言此機係超群。一個系列三部機，純論畫質dp2m係最高，但28mm較符合我使用習慣。一機行天下而言此機尺寸同埋焦距比較合理。

對焦速度並非慢，而是非常飄忽，此時敬請多多使用選擇對焦點的功能。只要對得中焦，準繩度都還是OK的。當然，嘗試用佢來追焦就係強人所難了。夜晚對焦同理，可以影相前事先襟定manual focus以增快速度，同時減少自己的煩躁程度。

當然有得必有失，相信時至今日仲會諗呢部機嘅人都清楚知道。電量倒水，一粒電約等於兩卷菲林，save相最少八秒（用現代sdxc高速卡是沒有改善的），操作方不方便就見仁見智；但地球上冇一部相機可以俾曬所有嘢你，如果今時今日我清楚了解到我只係需要一部可以周圍帶、求其擺落小型斜孭袋而唔心痛、同時又對畫質有較高要求嘅相機，應該無第二部機可供選擇了。

總而言之，佢嘅缺點注定令呢部機係二手機海入邊都係小眾選擇；但如果清楚知道自己的使用場景符合佢設計，就好難搵到一部比佢更好嘅機。

題外話，供理光gr3用的配件多數都啱裝的，gw-4 wide converter非常好用。至於gt-2 tele converter就會有暗角，但crop 1:1依然不錯。

- 輕
- 細支
- 銳利度爆錶
- 散景過渡自然

- 價錢唔會跌
- 下一代D大炮腳架環可以再做長D就好

原本有200600, 影運動為主, 間中拎出去玩下影白鷺
但真係太重搞唔掂
Hand Held完一日膊頭手腕都攰
而且硬係覺得400打後就算收細光圈都係soft
放入LR睇梗加覺. 但呢個價錢已經無投訴
所以把心一橫賣鬼左佢大手筆入手支300
雖然嚟緊一兩個月都要食麵包, 但用過幾次後真係值得去食多幾餐麵包
輕, 細支, 全開光圈中間到邊位都sharp到盡!!!
感覺直頭係50,85GM鏡影人距離果種sharp.
就算加埋1.4x或者開apsc crop相後都無問題
就算影得差都係自己手問題
基本上無投訴.
唯獨覺得個腳架環唔太好拎 (可能支鏡貴拎都拎得小心D)
但加支長快拆板就解決
雖然300影雀就無乜可能了, 但影運動反而舒服左

1. 這枝28mm鏡頭十分強勁，在f1.7至f11所有光圈值下，由畫面中央至邊緣都是全sharp的，並且在六千萬像素下放大至100%觀看亦沒有問題，難怪能用這麼多年。

2. 新增相位對焦，對焦速度和可用性大大提升

3. 雖是28mm定焦鏡頭，但得益於高像素，可同時作35/50/75/90mm使用，LCD/EVF亦能顯視該焦距的視角範圍。

4. 用鏡間快門，使用閃光燈時快門速度有更大彈性

5. 比Q2多了反mon，雖只是傳統的上下式反mon，但我覺得比左揭式的反mon好用，街拍時不需將機身擴展得很明顯

1. PS/LR裡沒有Camera Matching的Leica Profile或Preset，影Raw後製時很不方便，只能買一些坊間模擬的Profile（但始終有出入）或用Leica的Fotos手機apps。但在app使用風格檔只支援JPG不支援Raw，始終很大限制。

2. 當畫面裡多於一人時，人臉/人體追焦並不可靠，個對焦框會不斷跳來跳去。有時個主角明明目標清晰，但當畫面中有另一人伸隻手出來（沒有臉），個對焦都會追錯隻手。有時個對焦框明明轉左綠色，但實際上合焦處並非那裡。

3. 太暗環境下，個Tracking對焦唔work

4. 鏡頭蓋比較緊，每次取出都要花數秒時間，不利抓拍

5. 沒有副廠電，原廠電十分貴

最近在找一部便攜隨身機，剛好富士發佈了GFX100RF，便花時間研究了一下。最後找到三部自己有興趣的選擇：GFX100RF、Q3和A7CR。

關於富士與Q3，我曾與不同YouTuber經留言討論過，很多YouTuber第一反應便是：那是兩回事，不能比較。其實我夠知兩樣野有唔同，問題係budget係得咁多，而兩部都係28mm左右等效焦距、價位相近、都係不可換鏡定焦機，你可以話佢地係唔同既野，但其實亦有一定相似性。好多人講野唔考慮個background同context，剩係講理論，係幾有趣。

最後我唔選擇富士，主要有兩個原因。第一是用途上中幅機相對局限，雖然速度上已有改進，但追焦及連拍上與FF仍有差距，拍攝一些動態主體並不太可靠。第二係光圈及景深問題。現在枝f4鏡大約相等於FF的28mm f3.2左右，係做得幾細，但我寧願佢大枝d用f2.8。同Q3 28/1.7比無論入光量及淺景深都有差距。我明白中幅機當然不只是sell淺景深，但問題是它不是一部可換鏡機，即表示中幅機其中一樣重要特點它已發揮不到。

與Sony A7CR比較，Sony在大部分功能都做得較出色，例如追焦、拍片，加上A7CR是可換鏡也較便宜，的確是更好。不過一來我自己本身也有Sony機，二來A7CR只有1.5倍crop zoom，三來左揭式反mom不是太好用；另外Sony並沒有一枝像Summilux這樣高質兼細小和同spec的鏡頭，加上想試試Leica的color science，所以還是選擇了Q3。說到底，有自動對焦和FF的Leica，始終有一定吸引力。

亦有比較過28和43mm版本的分別，基於自己的使用習慣，28和35mm對我來說比較常用和重要，可拍更多室內場景和合照。加上28版本現在水貨價已是十分合理水平。