1. Size夠細，明顯比Leica Q系列細一個碼，能夠擺喺個袋嘅暗格，唔需要額外帶多個相機袋。
2. 麻雀雖小，五臟俱全。
3. ISO表現好，3200 iso 影夜景都冇太多噪點。
4. Size細、對焦快同準，街拍一流。

1. 電量好細，官方話用evf 可以影到200張相，唔用evf就可以影到220張相。但係實際測試由電池叉夠電去到冇電只可以影到大概100張相左右，所以每一次出街都要帶起碼三四粒電。
2. 裝眼罩嘅過程麻煩，表面上裝眼罩嘅步驟係對準個窿，然後扭實眼罩左邊嘅螺絲就得，但係好多時裝上去都要起碼1分鐘。同埋眼罩安裝完之後都唔太穩固，感覺上好容易甩出嚟。
3. 原廠配件難買，因為部機已經停咗產，你走去專門店係買唔到配件。如果需要呢部機嘅配件就要去淘寶搵，但都只可以搵到副廠，如果要原廠配件嘅話就只可以去外國網站或者係睇吓各大二手網站有冇師兄師姐放售，但呢樣嘢就要睇緣份。
4. 屏幕同a7/a7ii系列一樣都會甩coating，雖然喺出面搵師傅解決價錢唔貴，同埋好易處理。

呢部機係疫情期間喺旋轉拍賣買返嚟，計埋大概用咗一年左右。不過由於疫情，其實帶出街嘅次數都係幾次。
點解會話係又愛又恨？其實原因下面好多師兄師姐都有講過。愛嘅原因係因為細部輕便，用呢部機就可以得到a7rii配蔡司鏡頭嘅畫質、解像力同色彩風格，而重量係一半左右。恨嘅原因主要係電池續航能力表現太差，設計缺陷(e:61)。
不過總括而言，佢都仍然係一部非常之好嘅街拍利器。雖然我知道係冇可能，但如果Sony改善呢一部機嘅設計缺陷同埋令到電池續航力可以貼近Leica Q3嘅水平，再用返依家呢支鏡去出一部RX1Riii，我一定會即刻訂一部。

1，細
2，超輕356g
3，超平
4，APS-C用長鏡加大1.6倍，影遠嘢有優勢

1，冇返mon
2，冇Touch Screen
3，被Canon黑意閹割某些功能
4，電量好一般
5，制好少

一年前冇嘢做睇吓Price，見Canon R100連RF-S18-45mm f/4.5-6.3 IS STM水貨套裝只賣$2700？當時行貨好似要5000左右。我就上網睇吓啲人點講部R100。
過好似一面到的負評(但講嗰啲人好多都未用過，單睇質料就喺度嗡)。我見2700蚊就買咗玩吓。
買嗰陣，我知冇返mon，冇Touch Screen，我又唔覺太唔方便，因我以前玩單鏡機都冇依啲嘢。
玩咗一年，有少少用後感。(我唔拍片，所以只針對拍硬照來講)
1：佢塊sensor應該同R10、R50一樣，影出嚟硬照完全一樣。
2：我用RF85mm f1.2加R100上使用，照片的解像力很高(日光)，所以相唔靚唔可以完全賴部機。
3：其實Canon將R50分開三個版本賣，黑意閹割R10及R100某些功能，價錢也不同，都好嘅，唔介意冇咗啲嘢可比少啲錢。
4：高ISO唔好有大其望，但可以接受。
5：用嚟街拍一流，R100的粗粒黑白模式，啲相好特別，好玩。
6：原裝電打200多張收皮，一定要多帶些電。
7：RFS鏡跌價好快，不過真係支支都麻麻。
我自巳來講，2700蚊一機一鏡嘅玩具，使用上係有啲唔方便，真係好好玩，無敵。
(到我寫依一刻，水貨原來也加到3500左右了)

想試6100像素嘅可以買嚟試下

-復古外觀

-強勁既weather sealing

-防震勁(樓上dancatf6師兄話接轉會無防震, 其實係唔會, 因為機身自帶5軸6.5級防震, 只係無Sync IS 同步7.5級防震)

-計算攝影, livecomp/liveND/liveGND 等功能方便

-貴, 出呢個PO既時間OM3行貨賣緊$14000,
呢個價錢夠上FF, 追求復古樣買FUJI XT5都比佢平, 點解要用萬4蚊買M43?

-細底, 畫質注定比FF/APSC差, 而且較難做到淺景深效果, 新手難有滿足感

-M43前景唔明朗

補充返dancatf6師兄講既幾個點, 我覺得唔算優點:

-首先係手持高解適用場景有限, 被攝物唔可以有移動, 如果唔係就係朦左張相, 但當然對畫質有一定提升

-另外就係顏色轉盤, 如果你買黎係想做菲林色直出基本上唔使諗, 網上都有外國既玩家提供過直出轉盤setting, 但係同fujifilm差好遠, 想玩直出同復古都係建議買返富士, 直出屌打呢部野

最後講多少少防震, om既防震係勁既, 可以拉長快門時間, 但淨係適合影d唔郁既野, 影城市風景唔錯, 不過而家市面d機防震都追到上黎, 除非你對手持幾秒影相有需要

只可以講$14000真係智商稅

用壞咗一部,都要買返同一款,平靚正

之前壞個防震,仲用到 ,拍遠嘢差少少,

用開SONY,呢部真係平靚正,影月亮可以見到細坑,其實睇你付出幾多,佢比幾多你,我覺得二千零係超值.

1）畫質（僅限raw + iso 100-200，400以上轉黑白），用mon睇都嫌浪費，建議一定要試下印出來。
2）便攜，非常輕便！如果冬天的話多數男士衣袋都塞得落。
3）非伸縮鏡頭，減少入塵機會；雖然對焦時鏡桶會稍微移動，但已經比之前伸縮鏡頭要好。
4）配件便宜，49mm filter選擇多（建議nd濾鏡點都要）
5）操作不算複雜，應該有嘅功能多數都有。以行山/旅行影相而言係絕對足夠。
6）對焦準確，而可以設定af-l同時連動ae-l，並可以用半按快門形式lock住，呢個功能非常好用。

1）save相慢，8秒起跳，快卡冇幫助；有七張buffer可以稍微緩解呢個問題。
2）電量一粒50-70張raw，但係唔影raw又等於自廢武功。
3）最快快門=1/2000，特定情況下唔夠快。
4）手動對焦摩打手感奇怪，雖然比x100系列較為線性，但係同純手動鏡頭差好遠。
5）續上，冇峰值對焦，需要放大來睇。大太陽不太方便。
6）再續上，夜晚可以放棄自動對焦。
6.5）高iso基本上係殘廢，夜晚影相請自備腳架，或者訓練一下就地取材手工搭相機架嘅功力。夜晚唔係影唔到相，而係比較麻煩。
7）如果用慣大機的朋友可能需要一段時間熟悉操作，畢竟得一個轉盤同埋一堆後置按鈕。最基本pasm轉盤雖然欠奉，但出奇地有三個custom setting可以save。
8）鏡頭CA比較嚴重，spp可以做的補救非常有限。

部相機已經出咗十年有餘，二手價錢都企得非常硬（近年仲有回升趨勢）
係2025年嘅今日要搵一部畫質超過佢嘅全幅機（甚或中幅機），最少投資多七八倍銀兩落去，以性價比角度而言此機係超群。一個系列三部機，純論畫質dp2m係最高，但28mm較符合我使用習慣。一機行天下而言此機尺寸同埋焦距比較合理。

對焦速度並非慢，而是非常飄忽，此時敬請多多使用選擇對焦點的功能。只要對得中焦，準繩度都還是OK的。當然，嘗試用佢來追焦就係強人所難了。夜晚對焦同理，可以影相前事先襟定manual focus以增快速度，同時減少自己的煩躁程度。

當然有得必有失，相信時至今日仲會諗呢部機嘅人都清楚知道。電量倒水，一粒電約等於兩卷菲林，save相最少八秒（用現代sdxc高速卡是沒有改善的），操作方不方便就見仁見智；但地球上冇一部相機可以俾曬所有嘢你，如果今時今日我清楚了解到我只係需要一部可以周圍帶、求其擺落小型斜孭袋而唔心痛、同時又對畫質有較高要求嘅相機，應該無第二部機可供選擇了。

總而言之，佢嘅缺點注定令呢部機係二手機海入邊都係小眾選擇；但如果清楚知道自己的使用場景符合佢設計，就好難搵到一部比佢更好嘅機。

題外話，供理光gr3用的配件多數都啱裝的，gw-4 wide converter非常好用。至於gt-2 tele converter就會有暗角，但crop 1:1依然不錯。

1. 這枝28mm鏡頭十分強勁，在f1.7至f11所有光圈值下，由畫面中央至邊緣都是全sharp的，並且在六千萬像素下放大至100%觀看亦沒有問題，難怪能用這麼多年。

2. 新增相位對焦，對焦速度和可用性大大提升

3. 雖是28mm定焦鏡頭，但得益於高像素，可同時作35/50/75/90mm使用，LCD/EVF亦能顯視該焦距的視角範圍。

4. 用鏡間快門，使用閃光燈時快門速度有更大彈性

5. 比Q2多了反mon，雖只是傳統的上下式反mon，但我覺得比左揭式的反mon好用，街拍時不需將機身擴展得很明顯

1. PS/LR裡沒有Camera Matching的Leica Profile或Preset，影Raw後製時很不方便，只能買一些坊間模擬的Profile（但始終有出入）或用Leica的Fotos手機apps。但在app使用風格檔只支援JPG不支援Raw，始終很大限制。

2. 當畫面裡多於一人時，人臉/人體追焦並不可靠，個對焦框會不斷跳來跳去。有時個主角明明目標清晰，但當畫面中有另一人伸隻手出來（沒有臉），個對焦都會追錯隻手。有時個對焦框明明轉左綠色，但實際上合焦處並非那裡。

3. 太暗環境下，個Tracking對焦唔work

4. 鏡頭蓋比較緊，每次取出都要花數秒時間，不利抓拍

5. 沒有副廠電，原廠電十分貴

最近在找一部便攜隨身機，剛好富士發佈了GFX100RF，便花時間研究了一下。最後找到三部自己有興趣的選擇：GFX100RF、Q3和A7CR。

關於富士與Q3，我曾與不同YouTuber經留言討論過，很多YouTuber第一反應便是：那是兩回事，不能比較。其實我夠知兩樣野有唔同，問題係budget係得咁多，而兩部都係28mm左右等效焦距、價位相近、都係不可換鏡定焦機，你可以話佢地係唔同既野，但其實亦有一定相似性。好多人講野唔考慮個background同context，剩係講理論，係幾有趣。

最後我唔選擇富士，主要有兩個原因。第一是用途上中幅機相對局限，雖然速度上已有改進，但追焦及連拍上與FF仍有差距，拍攝一些動態主體並不太可靠。第二係光圈及景深問題。現在枝f4鏡大約相等於FF的28mm f3.2左右，係做得幾細，但我寧願佢大枝d用f2.8。同Q3 28/1.7比無論入光量及淺景深都有差距。我明白中幅機當然不只是sell淺景深，但問題是它不是一部可換鏡機，即表示中幅機其中一樣重要特點它已發揮不到。

與Sony A7CR比較，Sony在大部分功能都做得較出色，例如追焦、拍片，加上A7CR是可換鏡也較便宜，的確是更好。不過一來我自己本身也有Sony機，二來A7CR只有1.5倍crop zoom，三來左揭式反mom不是太好用；另外Sony並沒有一枝像Summilux這樣高質兼細小和同spec的鏡頭，加上想試試Leica的color science，所以還是選擇了Q3。說到底，有自動對焦和FF的Leica，始終有一定吸引力。

亦有比較過28和43mm版本的分別，基於自己的使用習慣，28和35mm對我來說比較常用和重要，可拍更多室內場景和合照。加上28版本現在水貨價已是十分合理水平。

更新了USB-C PD尿袋插電錄影及拍照

對焦系統沒有改變防震得4級

只更新了USB-C PD尿袋插電錄影及拍照與煙花拍攝模式.