【靜岡．伊豆．橫濱】之旅－Day 1：靜岡浜松食沼津超平壽司！

趁連住7月1號有3曰假可以去個小旅行，自從上次東京之旅一直好想再一個人去。今次終於有機會，今次旅程源其實自於一張$88平價機票和埋旅行癮發作，咁啱HK Express推出單程HK$88，太好喇~可以分開買，買左名古屋先！名古屋入的話無論由東京出定大阪回程都有好多未去過嘅地方。

如果大阪出可以玩伊勢，最後睇過覺得東京最抵同時間最靚，既然係open Jaw梗係要玩香港機到唔到嘅地方啦，所以揀左靜岡。買好機票後訂酒店同plan行程，發現因為東海道新幹線冇啱用嘅Pass，交通費上會比較貴，所以行程係以睇景同嘆為主，另加少許shopping時間。


今次去6日，自製左Open Jaw，名古屋land，東京成田走。去程中午機，回程晚機夠晒hea。

6日行程如下：

Day 1  HKG → NGO    　　中部國際機場 → 濱松
Day 2 浜松市內　　　   　　濱松市內：竜ヶ岩洞、食饅魚飯、大草山纜車遊濱名湖
Day 3 浜松→靜岡市內 　　　音樂博物館、弁天島鳥居、掛川城、靜岡市內shopping
Day 4  靜岡市內　　　　　　日本平、久能山東照宮、伊豆急下田浸溫泉
Day 5  伊豆急下田→橫浜  　港未來21睇夜景
Day 6  橫濱市內→回港　　　NRT（成田機場） → HKG

今次因為係一個女仔去，唔想拎咁大個喼，因為有D細站好多樓梯，又驚儲物櫃放唔到咁大個，所以去左Rent A Suitcase度租左個21吋細喼。

其實唔洗帶好多野，我慣左會係酒店洗衫。所以質晒D野其實仲有1/3位放戰利品。

係機場撞到朋友同一班機，好有緣∼

分道揚鑣喇~bye~

6點左右Land左，即刻用apps check下搭咩，係名古屋都可以用ICOCA，Charge左張卡之後就即刻衝左入閘，但太興奮唔記得補返搭特別車嘅飛，上左車又落返車去買，又趕，點知禁錯制，眼見仲有1分鐘就開車，唔理啦！應該買名鐵名古屋先啱，不過都係貴少少姐。

一個人旅行最好就係做左傻野都冇人知，打出黎係唔想大家好似我咁傻。

好啦，終於去到名鐵名古屋，因為臨時改左到名古屋買便當唔係機場食，所以早左成個鐘。悠悠閒買JR東海道新幹線券，順便買埋便當。7點幾好多人都會買上車食。

我揀左呢個東海新幹線便當，好似係新出架，集齊左關西，靜岡，東海，關東嘅料理。

味道都ok，鰻魚特別好食，山葵蜆肉有驚喜，炸物唔洗諗都知唔會脆。

搭3個站就到，真係極快，只係半個鐘鬆D就到濱松。

濱松係大站黎，係靜岡相對最旺嘅市黎，出名係樂器之都，特產係鰻魚，濱名湖係必去景點。

一落車就見到間酒店個招牌。

出左南口個閘唔洗30秒就到，隔離仲有間7仔，地下有間餐廳，方便到離晒譜。酒店check in係8樓，物品一應俱全，不過adaptor壞左問前台，佢地話冇，有少少失望.....

間房唔算大，但夠晒新淨簡潔，係我鍾意嘅style。重點係超平，2晚14400yen，即係約HKD450連稅包早餐，抵到爛。

有少少餓，出去搵野食，決定去食街有町樂街。梅雨季，出面落緊微雨，酒店有得借遮超方便。經過濱松JR大馬路一路直行見到松本清就轉入去。

因為今日係Happy Friday所以超多人，醒起呢度有附近唯一一間蟹道樂，諗住去食下，點知full晒......

咁冇計啦，都9點，唯有行下松本清，買左呢支shiseido保濕，當店no.1架∼around 1300 yen，港幣$100左右，抵買(之後返去用過亦覺得一流~一定會再黎補貨)。

其實成條街有好幾間shopping mall，好好行，係新濱松駅附近都有名店，JR站更加唔洗講，超大超好行。

見都夜喇，就返返酒店附近睇下有咩食，其實JR站隔離有間Bic Camera，閂九點，行到去已經閂左，咁近酒店，聽日一定要早Ｄ黎掃貨。

轉行返去JR站，見到一間壽司店寫住「沼津」？沼津魚市好出名，好多人都專程去食新鮮魚生，咁就衝左入去喇。其實後尾check返呢間野好多分店，但都係靜岡先有，而且魚獲係每日各地直送，當然梗有靜岡沼津魚市嘅魚獲啦！



Menu有晒圖，唔會唔識叫~

叫左1人前地魚刺身盛都係1300yen（～港幣$80幾，超抵呀！)，好平好好食，除左有當地嘅魚獲，仲叫左至愛真鯛同解下口癮嘅蟹棒。


生白飯魚都係第一次食:D 以為會好腥，但加埋薑呀、蔥咁撈埋食又幾好食喎！

超滑嘅刺身。

Comment：呢間野地理位置一流，係正JR，仲開到好夜，見到好日本人都黎呢度吹水食壽司。不過靜岡唔算係遊客熱門地方，Waiter當然唔係好識講英文，不過有圖menu搭夠。壽司水準唔錯，尤其係地魚，真係好好食同好彈牙。加上超平價錢，係必食之選！

食完野去7仔睇下有咩甜品。有新野賣喎！

近排真係好hit 妖怪watch，連7仔都有好多佢地嘅野。

之後就返酒店敷下mask 訓覺。期待明天濱名湖食饅魚飯，希望唔好落雨啦。

更多名古屋旅遊攝影資訊

更多日本中部旅遊攝影資訊