優點:
- VC: 的確好強, 真係"黏住"咁, 影video時直頭好似落左腳架咁定
- 短, 粗: 冇錯我就係唔鐘意N2470太長同太幼, 現在短D粗D, 會比較容易入袋, 個樣都平衡D
- SHARP: 光圈全開都SHARP, 只係邊位比較鬆, 不過我本身習慣好少放主體去好邊,所以唔係問題, 如影景收光圈到f/5.6可收貨
- 解析度高: 呢點應該比較小人講. 我用D800, 因為高像素所以對鏡頭解析度有一定要求; 試過用腳架好定咁影可以影到極SHARP影像, 証明鏡片本身質素好好
缺點:
- 對焦: 比原廠慢, 雖然唔差太多, 但係有感覺到既分別
- ZOOM RING: 比較"硬", 要用力才可ZOOM, 拍VIDEO會比較有影響
- 對焦環: 由最近到最遠要轉好遠, 呢個可以係優點亦可以係缺點, 一般人會覺得咁可以focus精細D, 不過我鐘意影VIDEO, 會經常用全時手動對焦, 太遠我要轉兩圈, 畫面就容易震
評價:
今年中入手D800後一直冇買標準鏡, 只等Tamron 24-70 VC 既 Nikon版, 全因心思思想試下原廠冇既防手震功能, 是否值得放棄原廠而用副廠 (當然睇埋價錢啦)
感覺VC好強, 好似其他ching講, 真係"黏住"咁, 我試過白天用1/2秒快門都影到清楚影像, 而且我好鐘意影video, 個VC對我極之好用.
有CHING話QC差, 多塵, 不過我就唔覺有好多塵 (有朋友睇過我買鏡, 之後叫我驗屍官), 所以可能係一DD情況啦. 而且用左4個月, 都唔覺有明顯入塵.
至於價錢, 我買8千頭, 我覺得佢對得住個價, 話晒同原廠差5千蚊, 影像質素差唔多(只輸邊位,但我唔多用) 仲多左個防震, 而且外型滿意, 如無原廠情義結, 我會好推薦此鏡.