二零一五年九州十天新春自駕遊－Day 1
十日旅程終於展開。雖然玩十日，但係太貪心的關係，行程非常之緊密。
由第一日－香港－福岡 、第二日－小倉 － 門司、第三日－別府、第四日－由布院、第五日－熊本、第六日－鹿兒島、第七日－指宿、第八日－豪斯登堡、第九日－長崎 － 佐賀和第十日－福岡 － 香港為止，每處地方只住一晚，玩得有點走馬看花，實在浪費。
一切由抵達赤鱲角機場開始
登機閘口編號位置顯示屏，十篇唔同人寫嘅旅遊文章中，睇怕總有五篇會有類似場景。
機翼下之雲海
機翼下之九州
落機後第一件事當然坐的士去酒店 check in，我地選擇博多中央JR九州酒店 Blossom，貪佢行去博多運河城都只係幾分鐘。仲係運河城食咗碗一蘭拉麵，美味。
行完運河城都係時間食晩餐，一家人唔知行咗去邊條街(途中仲經過一條類似紅燈區嘅橫街)，試咗當地嘅大阪燒。
成間舖得一個人，除了突然殺入我地幾個外，店內仲有幾位香港人，搞到呢位型仔大叔忙個夠。間舖坐位唔多，廿個唔夠，累到有啲當地嘅熟客無位無得幫襯添。
講真，味道只係普通，如果只係要填飽個肚就 ok 嘅。
