新聞互動
札幌-登別
今日終於衝出札幌呢個臨時基地。出發登別前,先到札幌市中央區南3條東1-東2丁目的二条市場食早餐。可能太早,市場啲店舖好多都未開。搵到呢間開咗又係三碗海鮮丼加一隻燒元貝呢個早餐承惠7,320円
咁早喺呢度食早餐有樣好,就係將架車擺喺市場外嘅馬路邊都得,唔使四圍搵位。
終於正式踏上往登别嘅路途喺去酒店 check in 前先去伊達時代村 (登別市登別町 53)。因為呢度係旅行團旅遊景點,所以要行得舒服就要諗吓點樣避開啲人群。千貓寺大江戶劇場-侍 show 劍之道篇
故事講述女子伊滕咲為父報仇而拜入柳流道場掌門人柳十郎左衛門門下。學藝過程中,從一顆報仇心領悟出"斬對方之心、從新出發之意" (大概係寬恕嘅意思)。乜都未學前,先教坐喺觀眾席上嘅我地;用劇場提供嘅紙,在表演完畢後,包住硬幣再拋往台上。佢都講明呢啲錢唔一定要俾,不過睇完表演,開心錢又點會計較。講完學費就開始訓練有個嬉皮笑臉嘅傢伙嚟踢館睇佢地嘅表情,應該都估到係搞笑劇。決戰完畢,偕大歡喜下謝幕。
睇完表演係時候離開再去下一站-地獄谷/極樂商店街 (登別溫泉町 224)個人觀感,除咗喜歡索天然硫磺味外,地獄谷真係無咩吸引。落完地獄後就去附近嘅商店街。
先去天鳳食垃麵煎餃子咁大雪嘅天氣下,食番碗拉麵,别有一番滋味,根本就唔使理係咪高級食府,亦唔覺有車呔人嘅星級推介,總之就正,嗰陣感覺到今日仲留喺個腦度。喺寶泉堂買咗張明信片用側邊個郵筒寄番俾自己 (店內有郵票出售)。
順道幫襯佢食咗幾杯蜂蜜雪榚同買咗幾樽蜜糖
臨走前喺閻魔堂影番張相留念玩咗咁耐,係時候去酒店 check in。登別我地住石水亭-登別市登別溫泉町 203-1。
呢間係溫泉酒店,同埋架車可以免費泊喺酒店對面 (即相片左邊白色私家車位置),方便。典型和式酒店房陳設安頓好行李,浸過溫泉,又係飲飲食食嘅時侯。晩餐喺酒店食。中間仲食過啲乜?真係唔記得,總之就心滿意足地食事終了。