對焦快成像OK ，用sdq 必入

1. Sharp, F2.8 唔聞相可接受，收到F4／5.6如上面d師兄咁講，介手
2. 有OS，就算當佢係兩級防震都叫做幫到下手，本人隻手極度唔定覺得防震好重要
3. 平，2021年二手買入，＄800送hoya 77mm filter！！！
4. MIJ
5.靚仔唔失禮
6. zoom環實淨，就係鍾意佢夠實先有感覺
7. 二手買無走焦

1. 造工唔夠nikon原廠鏡扎實（唔好用1855 55200 呢d膠鏡比）
2. 中心成象好sharp，但外圍一般（變焦鏡係咁架啦）
3. 紫邊, 不過可以之後執返問題唔大
4. 唉呀我真係諗唔到喇

2010之前用50D配1785，到之後長達近10年成為嘅NEX用家，由NEX3 轉用NEX F3 大約十年，1855 oss鏡之後換1650 電zoom再加支24 1.8假菜。一路都係以人有我有形式黎用大機影相。所以kit鏡或者一支prime 已經好夠我用。但NEX F3壞左之後見到單反咁平，sony又用左咁耐悶悶地，自己又Prefer OVF不如入返單反啦。同埋我開始有個副業要影公仔但又唔想投資咁多，就不如5舊水收左部D3100返黎，再睇下師兄d review就入埋支死馬1750 2.8啦，反正我又唔使影動態，但室內要加燈就兩舊水收多支永諾YN560 III返黎做塞內打燈。大佬，千中二手就收到部機，一支燈再加呢支鏡返黎，放返十年前真係不敢相像。8舊水呢支死馬呢個質素完全不能投訴，D3100 body黎講亦都交足功課。單反APSC D鏡已經平到咁樣，相反睇下無反果邊，e mount 1650支爛鏡都仲賣到600－700蚊，轉過黎單反f mount 盡執平靚鏡我完全諗唔到對我黎講點解唔跳入黎。

- 成像 銳度 以呢個價嚟講 可接受 收到f4都叫ok sharp
- 千幾蚊玩恆2.8 都幾抵
- 3級OS以呢個焦段嚟講都夠用
- 比上代/kit 廣角端多左1mm
- 有變焦鎖

- 廣角端有少許變形
- 有少少紫邊 不過千幾蚊算係咁
- 冇全時手動對焦
- 有時暗嘅環境下會有輕微走焦 不過有機會係Canon中階機同Sigma相容性問題
- 對比上代冇左macro
- 鏡身搖既時候會有聲
- 色偏黃 不過可以靠後期執

小弟最初諗住貪平一支過 揀左騰龍嘅B008 但畫質真係接受唔到 入多左支55250 後來再換 一拆二 當初諗住換支1855 但嘅然另外嗰支都入左70200/2.8 咁不如補幾百換呢支 剩係恆2.8都贏哂 雖然舊左小小

總括嚟講 如果想升級支1855 kit 呢支都係唔錯嘅選擇

平
靚仔
輕

走焦，
走焦and
走焦。

我貪平買左支2手 Sigma 17-50 f2.8，試鏡果陣時條街好暗，其實都睇唔清楚有冇走焦，但賣家話冇，我就信佢啦！返到屋企先發現對唔到焦，張張如是。其實今次係我第一次買副廠鏡，我之前用開Nikon 鏡，未試過會走焦。朋友叫我拎去cal 鏡。唉！ 咁麻煩，我唔搞啦！轉頭即放返出去，蝕少少，當買個教訓！轉頭我即刻去買返支Nikon, 冇走焦，條氣順返晒！我以後都唔會再買副廠鏡！

又有EX，又有OS，又有恆定2.8, 本人有用直倒，鏡本身就少少重。但成像銳利度一流

伸縮鏡，易入塵，在乎用家點用。。
少少重。
死馬要Cal鏡。

平，正，PRO。新人DX必買

F2.8 景深效果夠用，收到3.5已經好利；
鏡頭夠輕；
無走焦。

17mm 暗角明顯；
對焦比原廠慢，有啲嘈，對焦環會郁；
低光環境下對焦稍遜。

本身用緊D7200配18-140mm kit鏡差唔多一年，跟住想買枝大光圈鏡，用黎影人同掃街。之前有諗過買Sigma 18-35mm，但枝鏡真係太重。而家換佐17-50mm，機加鏡既重量同之前唔係差好遠，但光圈同畫質係完全升級，價錢亦比1835平佐差唔多二千。係肥花試第一枝已經中焦，即刻比錢。

1) 價錢抵，我買正貨新鏡，$2700有找，比起原廠接近$7000差太遠，夠買多支鏡。
2) 恆定大光圈，我用黎去影functions，開始set好D ISO同快門，點zoom都唔使怕光暗有變，非常方便。

1) 相對於我用開的幾支鏡，鏡身較重，我配Canon100D，有點頭重腳輕的感覺。
2) AF時，鏡前的環會隨住我走動不停地轉，又有聲，感覺好煩，我走動時會轉到MF。
3) 對焦速度較原廠鏡慢，走焦情況亦較原廠鏡多。(但無計，價錢平左補番數)

我是一個好有虛榮心的人，一向都是"原廠主意"的人，今次純因價錢關係，放下戒心，買一支副廠鏡，果真物有所值，當然相比起原廠是有一定的差距，但價錢差價補足有餘。

- 畫質優異，全開f/2.8光圈除左17mm邊位差少少，同埋有暗角之外，基本上最大光圈已經好利，收至f/4-5.6接近完美
- 重量對比起原廠同其他焦距光圈類似既輕，配D7100之類中高階DX機平衡唔錯，比起FX 24-70/2.8 輕好多
- 對焦靜而準，速度冇24-70咁暴力但係就快過Kit鏡唔少
- 0.28m 最近對焦距離非常非常實用，拍攝檯面物品無需起身
- 散景質素以變焦黎講真係唔錯，論平滑度好過35.8G同50.8D兩支平價定焦
- 77mm 口徑常用，買filter搭配其他鏡頭都幾方便
- 附送鏡頭袋雖然有d大，但係質素有誠意過nikon個布袋好多
- 性價比無敵，買個陣全新水貨價18XX，真係kit鏡價錢，準鏡皇級質素

- 走焦，sigma通病，由近菲林年代EX甩皮鏡到今時今日Art鏡都有，我部7100有AF fine tune都要揀過5-6支先準（好彩老闆有耐性），如果怕麻煩/機身冇調焦請乖乖買行貨然後去CS tune，調教過後問題不大
- 畫質好還好，紫邊問題都係有少少，桶狀變形冇機身校正要自己搞
- 外形奇怪，大大個金圈真係幾老土
- 冇全時手動對焦，自動對焦不時會kick到對焦環，唔夠user friendly
- OS性能差，防震效果唔明顯之餘，拍片仲要窒下窒下，不過都好過冇，要拍片請考慮其他選擇
- 配落D7100會有bug，詳情可以搜尋“d7100 sigma 17-50 problem”，不過副廠鏡有兼容問題唔出奇，實際影響亦不大

部D7100用左接近兩年，初頭支18-105 kit鏡用落都幾方便，後來發覺室内相一係要推ISO（要知道D7100高感光表現其實好一般），一係鬆郁朦，漸漸覺得需要一支大光圈常用鏡

前後入手過50.8D同35.8G兩支定焦，50mm實在唔適合DX使用，換左支35mm雖然夠輕夠利，街拍影人一流，但日常使用常常唔夠wide，nikon又冇24mm DX鏡，最後都係重投變焦17-50/2.8

買之前做過research，知道支鏡有兼容性問題，有考慮過同廠17-70（唔係恆定，同樣有bug），龍仔17-50（冇VC，對焦嘈）/ VC版（畫質評價差），甚至有直上18-35 f/1.8既念頭，除左價錢貴一倍，重量亦都多幾乎一倍。

雖然18-35光圈大左1級有多，但係平心而論平時真係冇幾多機會真係需要用到1.8光圈而2.8係唔夠。平時日間出街收光圈影，18-35/17-50分別真係唔大，但係焦距短左之餘，負擔都重左唔少。加上17-50有OS而 18-35冇，同埋17-50畫質本身都唔差，似乎冇必要登頂，所以都係揀左依支。

好多人用慣天涯鏡覺得依支25-75mm等效唔夠用，我自己用過18-105mm半天涯換依支都有類似感覺，但係用過一段時間慢慢習慣，本身D7100有一個1.3x crop mode，可以crop到去98mm，已經滿足到日常所需。真係需要遠攝既，配支輕便55-200mm VR，要換鏡麻煩D，但係畫質好過用天涯鏡唔少，都算值得。

支鏡用落半年，基本滿足到八九成需要。要輕便高畫質變焦同定焦真係冇得比，但係大光圈標準變焦既實用性係不容置疑的，加上此鏡唔算話好重，價錢亦相當超值，想揾支方便大光圈日常用鏡，依支係定焦以外另一個冇得輸既選擇。

SHARP
性價比高

我枝鏡左面的成像比右面蒙. 很明顯, 尤其是在廣角端.
成像質素尤其是廣角沒有傳言的那樣好
用料質素麻麻, 唔知係咪我用得衰, 個LOCK制LOCK放箱過一排開返但擰唔郁. 之後擰到. 過左一排又係咁, 最後成個擰到爛左, 外觀睇唔到, 但不再可以ZOOM IN ZOOM OUT. 我枝CANON18-200一樣有LOCK制但從無不順問題. 重粗用過E枝, 但E枝係2手收返黎, 有暗病或者唔好彩都有機既.

我有CANON 鏡有小問題要拎返原廠整, CANON 在尖咀I square, 一至日都開, 又唔洗排隊, 放低鏡后又可以去隔離SHOWROOM 試餐包, 整完重可以免費送返府上. 唔知SIGMA 又無咁好服務,但一見佢地址响 北角咁鬼遠重要星期日唔開一至六就同人地OFFICE HOUR 一樣, 即係叫你請假OR偷雞整啫. 哩點都反應點解原廠要貴過人. 依家新機對應自家鏡頭有自動修正, 副廠就無啦. 所以我對大家買唔買E 枝鏡無意見, 不過要買, 我會諗SIGMA 既17-70 F2.8-4.

利, 輕, 常用的焦段. 恆定F2.8

無防水滴設計, Hood鬆

從來無用過Kit鏡的N記用家.

用了多年DX作旅行機. 這6年來前3年也是使用17-50作長插鏡. 直至18-35出現就一半半使用. 最近再以DX作運動拍攝. 便試搵搵支update少少. 但發現N記用家,只有這支仍是最佳DX Standard鏡. N16-80 2.8-4成像好似怪怪地. Tamron不巧慮. N17-50仲舊過這支Sigma. 而且又重又大. 這支5﹣6年Standard鏡還可繼續作主力鏡使用. 對焦用在D500仍可匹配.當然想搵新鏡原因是沒有基本防水. 戶外落雨時要硬拍便要有本死的心.

新用家想認直點影相, 就不要配Kit鏡直接入尼支.