Sigma 17-50mm F2.8 EX DC OS HSM

評測報告

實拍照片

1)全段2.8 都好sharp, 只係在17-35時最邊位差少少,

2)全新FLD鏡片發色濃而不黃, 接近L鏡, 據廠商表示新FLD與昂貴瑩石鏡能力相約,

3)OS 防震達到CANON的3級, 1/8快門都影到SHARP相! 而且運作時寧靜,

4)新鏡沒有走焦問題(試左3支都冇走焦), 個人覺得準過原廠鏡,

5)HSM馬達對焦速度及準繩度不下於USM,

6)價錢只是原廠的2/3

1)range去到15-70 就更好了!

我放走左支2手c17-55 入左17-50 os...
點解換?...因為 c17-55 講真唔太值呢個價, body building差...易入塵...色水淡...而且2.8時不及s17-50...今次支sigma絕對好過支原廠, 我覺得有能力挑戰L鏡地位:shy:

(1)優異成像,銳利,成色好養眼,色彩飽和度適中,尤其綠色,呢支影自然風光會好搶眼,而且人像膚色紅潤不偏黃.
(2)OS效果感覺約3到3級半左右;
(3)50mm成像水準相當高水平,尤其銳利度相度明顯!
(4)最近對焦距離0.28m(鏡頭50mm時),實質上影花已經到聞花距離,會碰到花瓣,可以當半支Marco用,因為f2.8銳度已經到界手水平...
(5)暗位對焦速度及準確度不錯,亦係我放35mm f1.8原因;
(6)暗角係17mm光圈全開輕微,收細光圈立即明顯改善,同時2.8時暗角令相片有更多可塑性;
(7)抗眩光不錯,相對sigma APO70-200mm f2.8 DG OS HSM比較之下一般;
(8)逆光紫邊相當輕微;
(9)恆定光圈,背景模化過度柔和順滑;
(10)HSM對焦快速寧靜,相對Nikon 16-85mm就相對一般;

(1)對金屬藍偏色好明顯;
(2)冇全時手動;
(3)非內變焦,有機會入塵,但鏡身伸出冇虛位,可以放心d;
(4)最後一片鏡片(後cap位)係突出嚟,裝cap要小心d;
(5)17mm變形控制一般水平;
(6)相比sigma 10-20mm f4-5.6在17mm f5.6比較時,前者中心及邊緣銳d,成色飽和度高,向外波浪變形;後者成色自然但偏黃,向內波浪變形(測試條件同機身設定條件,ISO降噪關,主動式D-lighting關,直出RAW無壓縮,落腳架,自定白平衡及快門光圈時間相同,先者關OS,),奇怪ge係,前者17mm視角大d,如1:1大小,左下角影多約4.5cm);
(7)冇對焦距離視窗;
(8)新塗層手感好,可惜易花;
(9)鏡面印ge鏡頭數據字體好now且不美觀.

本人用nikon D7000,對此機有一定熟悉和了解,因此對鏡頭評論之前,先簡單介紹此機自動白平衡室外容易偏黃,而室外比較陰暗容易偏藍,因此我是手動白平衡為多,所以以上評論對鏡頭色彩中肯,大家可以參考一下我的評論.
此景同時影人像及景物可以兩面發揮好,zoom到35mm同定焦有得揮,價錢直逼5K,但性價比及實用性大,用料重手,無後悔之憂,係支容易發揮出實力ge好鏡!雖然有lock鍵,但多番使用一個半月後未見鏡筒自動伸出現象,比sigma 18-250 DC OS HSM鏡身造工紮實得多!
此景放大比率不足,不適合商品棚拍,反而sigma APO70-200mm f2.8 DG OS HSM一步到位,兩鏡都會令人有喜出望外感覺,就算陰天成像都會好到攝友驚訝,sigma鏡頭又一高水準之作,最初只打算入二手,可惜極少人放,證明入此鏡的人非上FF的話都會愛不惜手,我亦如此!
最後對中階機Sigma幫鏡頭俾一個小小建議,如果資金並非足夠,冇原廠情意結的話,sigma 10-20,17-50,70-200,sigma APO 2X呢四個組合基本上俾倒你九成ge嘢la,微距及打雀幫列入剩番一成,因為最少機會用),如果一百分滿分的話,長焦哥支我俾95分,5分扣咗200mm對焦時間中迷焦;17-50我俾90分,10扣咗冇全時手動及室內影.

Sigma用新FLO鏡片, 好sharp, 色好正
OS在室內好正
HSM對焦幾快
新一代Sigma EX鏡不比L鏡差
f2.8大光圓散景一流
17-50段段正
77mm好型仔
$4800有送遮光罩

用77mm Filter有d貴
搖晃時鏡身有d聲, 問過CS說正常
價有d貴 (好野一定貴)
無內變焦
OS真係幾食電

e支係我第一支Sigma鏡, 起初想買C 17-55, 但2支一併感覺S 17-50好正, 如100分滿分, S 17-55值90分, S 17-55值87分, 論顏色及Sharp C17-55差一點
我在購買時只試1支, 完全沒走蕉, 我還擔心要去Cal, 新一代Sigma QC可以信任
配合7D影人像或風景, Sharp到我嚇一跳, f2.8收到f4完全收貨
建議想入門玩APS-C機單反人仕, 不好買kit set, 比多少少錢買e支, 包你話正
極力推薦買得過~~!!
只買對~~!!無買錯~~!!

夠利
發色夠濃
對焦到算快
外型好看
有os

hood易花

配上d7000，平衡感超好，外型亦好看。此鏡發色夠濃，中心非常銳利，對焦亦算快，以五千元來說，絶對值得。如果沒有對原廠鏡王的情意結，本人非常推薦此鏡及另外一支原廠nikon 16-85，而本人就同時擁有上述兩鏡。因一支nikon 17-55 的價錢已可買入sigma 17-50 加nikon 16-85兩鏡，但可同時擁有大光圏的便利、焦距的方便及和鏡王不相伯仲的相質。但如要我從sigma 17-50 和nikon 16-85取捨，則難以取捨。

光圈有成f-2.8，點都唔算細。
恆定光圈。
整體成像，包括銳利度、反差、眩光控制等唔錯。
有HSM對焦快。
金屬Mount（如果你有爆Mount嘅經驗，就知點解啲人咁鐘意金屬Mount）。
日本製造。
有埋鏡身防震。
送埋原廠Hood。

f-2.8嘅成像唔係太Sharp。
無全時手動。
Wide Angle時小小變型。

用開枝Pentax DAL 18-55mm f4-5.6 Kit，嫌佢個光圈唔夠大，眩光又勁同埋唔多夠Sharp。
買咗呢枝嘢之後先知，原來之Kit嘅Sharpness一啲都唔差，如果Sigma開到f-2.8，同枝Kit嘅f-4一比即輸；如果大家都係f-4，就打平，最多俾你Sigma贏少少。又或者倒返轉頭嚟講，Pentax枝Kit喺Sharpness方面一啲都唔失禮。不過眩光控制方面，Sigma就真係好過枝Kit好多！影夜景嗰時唔會一達二達光印。

鏡身防震對我嚟講麻麻，因為部機身巳經有咗防震，而我嘅習慣，甚少依賴防震，一係手持，一係索性上腳架！

對我嚟講，其實冇HSM重好過！第一、我主要用嚟影人、影景，對焦根本唔使太快。二、有HSM反而有走焦情況，調完都冇用，就算用Live View（Contrast Measuring Method）去對，喺100%夠光之下，平均對焦3次，先有一下中焦。跟住先先發覺，應該係Kx控制鏡鸒摩打（HSM）嗰部份有Bug，早一個Model部km根本就冇控制鏡身摩打嘅能力，kx就好似搭豬骨加上去！試過用其它啲冇鏡身摩打嘅Lens，Sigma好、Tamron好，通通就冇事！

有啲人話係相容問題，但我始終都覺得有Bug嘅可能性都好高！就以閃燈為例，我有兩原廠Pentax嘅AF 360閃燈，用喺某啲Model就勁Over，用喺kx就勁Under，唔係淨我一個架，Forum個個都有同一個問題架！所以我信就算買原廠Lens，只要係用鏡身摩打，一樣賴嘢！呢個亦係其中一個點解我要轉會嘅原因！

買咗A55，轉咗去Sony，如果同A55枝Kit比，就邊方面都贏9條街！

(1) 對焦快, 有HSM確實系好了. (相比我原本的CANON KIT鏡 18-55mm IS)
(2) 光圈夠大, 有2.8, 而且是恆定光圈, 保留環境氣氛一流.
(3) 造工紮實, 很有質感.
(4) 送的鏡頭袋非常好, 很紮實, 保護性高.

(1) 重, 比起KIT鏡確實系重.
(2) 在17MM廣角端, 即使在光圈8或者11, 邊位成像都是有點散.

本人經過數月考慮才購入此鏡, 其實在聖誕節期間買入, 經數月使用才出此文. 首先我想說很多師兄說送的遮光罩很鬆, 但我又不發覺此問題.
此鏡有恆定2.8光圈, 另設有防震功能. 在一些黑暗環境下確實有相當大的幫助. 由於本人甚少攜帶腳架出門拍照, 除非部分拍攝要快門達1秒或以上. 它的2.8光圈及防震足以在快門1秒以內令相片保持清晰.
我在年末倒數時在一派對上為朋友拍照, 尤於現場環境有點暗, 而燈光很暖很柔和, 為了保持氣氛, 我沒有裝上外置閃光燈, 而只把光圈開盡至2.8, 出來的畫面真的符合我的要求效果, 朋友也相當喜歡.
另一驚喜時此鏡標明最近對焦距離是28cm, 但我發覺在16, 17cm左右也能對焦, 我曾把它裝在腳架上拍攝鮮花, 對焦距離近了, 也有很大幫助啊!
此鏡在我的450D上沒有移焦問題, 也沒有偏黃問題, 我相信SIGMA已努力解決這些老問題了.
雖然價錢有點貴(我在星際dcfever HKD4800購入), 但在沒有相同質素更便宜的選擇下這是唯一選擇了.