經過幾年由Zenfone 8過左去Samsung再轉返入ASUS有d野都係呢邊好d嘅
-差電真係好快
-電池連續使用時消得好慢,即係真係好襟用啦
-多返好多針對講電話嘅改善AI,可能係系統原因,但係終於有人正視返呢部係電話唔係電腦,做返d講電話嘅功能落去
-有兩個USBC位係一個好有用嘅優勢,因為以前試過有d插位壞鬼左叉唔到電要用無線叉,宜家有後備添
-有3.5mm窿插耳筒,有時我地唔只用佢駁耳筒,仲會係臨訓前插落個喇叭播節目聽住訓,但係好多廠取消左話要行高科技路線用藍牙,我電腦個喇叭冇藍牙,唔通一闊三大買個藍牙喇叭咩,為左你個理想洗我d錢你都傻嘅,宜家ASUS話佢仲有呢樣野,咁就變左優勢架啦,好大優勢添啊
-過左半年之後買平左好多,我最鍾意呢個,一部咁高規格嘅電話造俾人打機而我只係作日常使用,一定係超出我預期嘅威力而且仲要識自己落價簡直一流
-有跟機連埋個叉電器,唔會要求你自己買
-個介面幾好用,好多功能又有性格睇落幾型添,機背可以睇時間好方便
-個機身喇叭對於某種立體聲鈴聲播放好出,例如only time用左落去做鈴聲都唔錯喎,因為其他機有個通病就係個喇叭好拆聲,你想搵d好聽嘅歌用都未必啱用,宜今次終於有部機會做好左呢d打出打入嘅位置,做返好一部電話而唔係一部手提電腦,呢樣野會令到你可以係地鐵有人打俾你嘅時候型d囉,都唔錯架

-佢跟機個殼好差,基本上係包唔實部機,戴住都會整爛嘅程度
-配件係周街冇得賣,我想買個保護好d嘅殼要同台灣鋪頭網上訂真係荒謬
-個相機鏡頭太過凸出,副廠殼又冇,佢正廠出嘅殼又冇一個可以包要部機可以平放係枱面,都算係個幾大嘅缺憾
-佢個內置擋搔擾電話功能係幾廢,有個境外號碼打入,佢擋唔到喎,可以當佢唔識擋垃圾電話要再額外下載其他app做,Samsung唔會有呢個問題,呢個年代有定冇呢個功能好影響你使用呢部電話個心情,有後顧之優日日煩,咁我會好懷念用Samsung嘅日子囉,我幾重視呢個功能,宜家電訊商冇做好佢地嘅責任要我地去自己請保鑣,梗係啦,我地d電話號碼根本就係由電訊商賣出去俾人用離做商業行為,演變到今日做左詐騙都係由電訊商開始,佢地就係罪魁禍首點會幫你搞返掂佢啊

有好多過往使用ASUS嘅缺點係唔可以一時三刻試到出離,例如以前用Zenfone 8覺得佢電池一年就降到唔可以維持一日需要呢d,我起碼都要再用佢多一年先知佢有冇改善到呢d問題,不過我仍然對呢個牌子有信心,佢價錢比sony合理又有一d佢同sony都有嘅優勢就係個3.5mm窿,可惜佢冇做到SD卡窿啦,如果有做埋sony可以拉柴添啦

講明先,我只係去鋪頭攞上手試過下,但係有幾樣野係令我絕對唔想買嘅,我希望官方有人睇到去改善啦

-個機身係好薄啊,但係你造個咁鬼凸嘅鏡頭上去做咩呢,咁即係要搵返個一樣咁厚嘅殼去抵消返佢個鏡頭凸位先可以正常使用,如果唔係撞爛鏡頭或者放唔平部電話都係另一個官方製造嘅問題,好心唔好咁貪心啦,影相差小小就差小小囉,你係部電話唔係相機呢d係應該要取捨左佢啦

-第二就係你造到真係好輕,我幾心動架,但係同上面問題一樣,到我用返個適合嘅電話殼上去都應該變返200g啦,咁仲有咩用姐

-第三就係我好懷疑你整薄左佢之後小左d散熱又用返粒咁勁嘅U,咁佢可以行到最高輸出嘅時間有幾多呢,應該都好易會因為調節核心溫度而減低轉速啦,算罷啦,不過呢d質疑冇證據你當睇下算啦,又唔係真係好有力咁話你d乜嘅

呢部野個概念真係幾好,我期待有26個版本,如果做得好俾我揀我好有機會會買26代嘅Edge而唔係Ultra,我鍾意呢個版本多d,前題係你要做好佢先

近年Samsung真係做得好好架,佢個內置擋垃圾電話起碼做得好過ASUS令我好想留係呢個品牌,15年前d電唔襟,又熱又廢,宜家已經解決曬,我用左部23Ultra已經兩年舊電都仲夠用一日,我係想你好先講d野留個底希望有人睇到,我都想有26Edge而係我買得落手嘅,都唔係針對你Samsung一個架啦,市面上冇一部電話個鏡頭係唔凸嘅,我對呢樣野普遍係不滿,我好想有返一部係前後都平嘅,正常返d都得掛,唔係apple開壞左個頭就全世界都跟下話,如果我要凸鏡我不如直接買iphone,有時消費者唔揀佢就係想要d唔同嘅野,而唔係有個大台或者叫龍頭牽頭,百花齊放好d喎

好好玩

貴

好正，一定爆款

Booking my trip through TruAirFare was seamless, and my new Samsung Galaxy S25 made it unforgettable. The camera quality is unbelievable — every beach sunset looked like a postcard! Plus, the battery easily lasted through long layovers and sightseeing days. A perfect combo for a modern traveler!” — Jessica M., frequent flyer and Samsung Galaxy S25 user
visit the site and get more exiciting offers https://truairfare.com/

靚仔，而且是合金機身，復古機身中絕對是輕細好拎。
數位攝影功能有誠意，ND、NDR功能亦很常用，手持高解像功能實用，而且有可靠的強勁防手震功能。
防塵防水滴，仲能夠防寒，機身的可靠性高，讓你可以安心使用。

玩味不足，Olympus Pen-F玩味出得好過OM-3。
畫質差，明白DR表現難突破，不過低噪點都需要改善。

我很喜歡這部OM-3，所以見到一部話玩覆古，但玩啲唔玩啲，玩感比Pen-F差。另一間仿古機品牌都識玩過OMsystem，真心令我非常不滿。
幸好OMsystem願意下放一部分的OM-1 MKII 功能，超級實用，可惜功能不完全，加上只得12bit圖像處理，弄到OM-3出現了高不成，低不就的情況。
平心而論，一般用戶很難會用盡高DR，所以m43絕對夠使用，沒有其他所謂用家說得如此不堪。不過低噪的確嚴重，需要日OMsystem在日後推出更強的圖像處理器。
以上問題，我覺得OMsystem不可能做不到，更似是母公司不願意投放資源，只是以砌積木的方式完成一台新機賺錢。幸好在功能、效能而言，官方以$13000的機身定價算是合理，只是在一般用戶只著重的硬件上，$11500應該是極限。

光圈大、發色濃濃、輕細。

沒有防塵防水滴。

一直考慮要OM的17mm，還是這支15mm鏡頭。最後因為Leica認證而購入，由Pen-F開始，成為我的掃街神器。

超級便宜（平行進口）。
細支，超級細支，還能配上鏡身防手震。
達到f/1.7光圈，配上接近30mm的對焦距離，使用範圍廣泛。

紫邊嚴重得驚人，儘管在一般使用不易發生，但出現時必須用軟件修正，否則相片難以見人。
沒有防塵防水滴。
發色偏向冷。

異常誘人的萬能鏡頭。我長期用於拍人、模型公仔亦非常合適。

鏡身輕細、價錢合理（平行進口）。
對焦速度理想。
光圈足夠大，而且最大光圈下已經是可用光圈。
防塵防水滴設計，更能防寒。
變焦時鏡筒不會伸出的設計，裝上濾鏡後，即使在大風沙地區就能安心使用。

金屬鏡筒，容易因刮花而掉漆。
變焦時，光圈下降太急，建議長期設定以f/4光圈使用。
最廣角段，邊角質素還需改善。

此鏡在質素、尺寸都達到最佳平衡，是高質素的廣角鏡。
我是使用OMsystem OM-3機身，配合此鏡頭，在對焦速度也絕不失禮。在2025年4月15日，前往立山黑部，在達到-8度的大風雪下依然能正常操作。裝上保護鏡後，在鳥取砂丘的大風沙的環境下就能安心使用。表現令人討喜。