純相分享：太陽的星星

由唔知幾時開始，我發現自己好鐘意影「星星」。

好大原因，可能係旅途中，如果有呢個機會俾你影「星星」，即係代表天氣好到不得了，好到太陽都會變星星，亦即係果日心情一定極靚。當然，有心玩，月亮都可以變「星星」、水光都可以變「星星」，不過，我都係鐘意夕陽嘅「星星」。

香港一個月入面要搵一日藍天、藍到個太陽清晰可見嘅日子，唔多，有時想香港影呢種相，都唔係話咁易，所以每次去到外國，一見到呢一種天氣，都即刻會snap返一兩張相，記錄一段行程入面，最靚最舒服嘅一刻，又或者講，係難能可貴嘅一刻。就好似上次去波羅的海三小國咁，真係得一日俾你睇到藍天，我覺得係Magical moment了。

今次去北歐係更難忘嘅，除咗因為藍天好難見到外，尤其是挪威、冰島咁凍地方果一襲陽光，真係舒服到你唔想郁。你自會明白，點解外國人咁鐘意訓響草地上曬太陽。

旅遊專頁「有故事的旅人」Facebook Page:
www.facebook.com/360.days.in.australia

「晞。觀影記事」Facebook Page:
www.facebook.com/jackyheimovie