日本紀伊半島Day5.2 - 日本版十二門徒石

係香港plan行程時，一早就check到有橋杭岩呢個「係google map睇落好似幾有趣wor」ge地方，但一直都心大心細lai唔lai，因為要來就要停一停紀伊半島最南部的城市「串本」，往來串本的班次非常疏，而橋杭岩距離JR成20分鐘步行距離 ; 仲要睇相confirm唔到係咪真係靚，你知啦好多景點都係遠睇誇啦啦，近睇x啦x，有機會到一到望兩眼就無左一個下晝，真係非常不化算!

但尋日勝蒲information center既姐姐強烈建議到此一遊，仲熱心幫我plan埋點樣方便快捷玩串本~件事又好似開心左wor~

於是Day5行程又係前一日大幅修改，至於點樣玩，下篇先講，今集講哂橋杭岩先~

 

「橋杭岩是對著紀伊大島的海岸西南一列大概850米長，共約40塊大小不一的岩石接連所組成。

日本民間傳說，有個叫弘法大師（空海上人）既高人與天邪鬼打賭，看誰能在天亮之前完成從串本到紀伊大島的石橋，弘法大師役使法力，很快就完成大部分的橋墩（橋杭）。天邪鬼眼見不敵，於是扮雞叫，弘法大師也以為黎明將至，轉身離去，只留下橋墩在當地至今。」

以上節錄自維基百科，簡單講就係一堆「岩岩杉杉」既怪石一條直線咁係海邊突左出lai，石與石之間有一定的水平空間讓海水淹入，睇落就好似條橋無左行路果部份得返d橋墩咁

雖然遠睇好似好細舊咁，但行走其中卻發現每舊石都起碼有3、4層樓高

天又藍，海又藍，一聲聲浪濤拍岸，站在海水湧進的巨大石墩旁，感覺就好似去左澳洲的十二門徒石一樣!

問題係，我根本就未去過澳洲~~坊間亦都無對紀伊串本「橋杭岩」有「日本十二門徒石」呢個稱呼~ 好明顯個標題係我老作出lai ga啦~

咁無銀兩去澳洲咪lai日本頂住先law~

Anyway~似唔似都好啦，呢堆怪石有架勢有氣勢係無容致疑的!

 

 

 

 

 

 

 

 

 

 

 

橋杭岩是石英斑岩因火成活動侵入泥岩層中，日後因侵蝕差別效應，較為柔軟的泥岩很快就消蝕殆盡，而殘存堅硬的柱狀石英斑岩所致。

係火山爆出lai既殘留物會有一樣特點，就係營養豐富!

唔係叫你食呀!!!!!!!!!!!!!!!!!!係指容易培養到好多生物出lai咁解!

想知有咩生物可以去岩邊既資訊中心參觀，而我就無乜理，總之見到咩就影咩~到不亦樂乎~

 

 

 

 

 

 

 

 

(呢張係咪好有潛水feel呢~)

(其實只係放部機入水坑only~)



橋杭岩真係一個幾有surprise既地方~

睇落只係得一個特定景點，但係唔同角度都會有唔同既氣勢，亦都有好多生物特色比妳慢慢發掘!

非常值得一到!.................不過串本既交通真係好唔方便ar……..

下集就講下我點樣方便地玩串本~



p.s. 同場加映，實在係鐘意呢個地方，所以黃昏時再嚟多次，但原來呢度只睇到日出係無日落的……….睇下地圖都知啦死蠢!!

(其實每舊石都有一個名一個故事的)

 

=================



My Facebook Page : www.facebook.com/Garcia.in.Germany

Utravel Blog : http://blog.ulifestyle.com.hk/blogger/aeolusgarcia/

Instagram : https://www.instagram.com/fung_garcia/

DCFever - Fever Travel : http://www.dcfever.com/travel/utravelogue.php?id=799202

Email : funggarcia@gmail.com

請各位繼續多多支持呀!!!!!!!!!!!!!!!

更多日本旅遊攝影資訊