新聞互動
對希臘既印象,相信好多香港人都係純白小屋、蔚藍海岸、愛琴海日落……..
食物? 唔係得yogurt同kebab咩?????
但去過既朋友都一定知道 ------- 希臘菜係超級好味ga!!!!!!!
可惜香港既希臘餐廳不多,打開openrice search「希臘菜」,落筆之時發現只剩底三間,其中兩間係同一個brand賣埋普通西餐
所以我就算無收錢都不得不寫呢間餐廳出嚟 (我都好想咁樣賣廣告有錢收……….)支持下我鍾意既小店啦!!!
===================================
延伸閱讀 : 【希臘快閃3】塞薩洛尼基Thessaloniki美食巡禮
===================================
最近有人稱日月星三街為新SOHO,我無咩研究,但只知果邊真係開左好多好有格調個性的新餐廳~
Even係咁,Artemis and Apollo既門面亦好難唔令人留下深刻印象
雖然形式上係同深水埗兩間雜貨店中間夾棟霓虹光管大廈一樣,但係呢個新SOHO蒲點,此店卻顯得獨特而典雅~
可是暗綠色的靠牆梳化、微黃的燈火、精巧的小吧枱,卻為這小店掃上一抹溫馨暖意~
店內亦不時輕聲播放聽不懂的希臘歌曲 (斷估唔係播緊非洲民歌掛……….)
使氣氛更加和諧舒適,浪漫醉人~
氣氛係醉唔哂的~ 飲酒啦!
又岩wor,要飲法國紅酒去馬莎買啦!
不過知道希臘有咩地區已經十分了不起啦,要知道邊個區既葡萄酒有咩特式真係背哂成套「神之水滴」都唔會識!
當然可以叫友善親切既靚仔老闆幫妳介紹啦~
不過我之前寫過北馬其頓既Blog,佢又同希臘有d關係,就一於揀Macedonia地區既白酒啦~
味道又唔錯wor!!!!
===================================
延伸閱讀 : 【北馬其頓速遊1】旅遊資料大全集
===================================
因為全店菜式雖少,menu所寫加埋都不過廿零款,但係全用希臘文寫ga~~~~~~~~~ 睇得明話你勁~
求其點d野?
唔係唔得~ 有冒險精神係好~ 但冒險埋你段感情就唔係幾好啦~
有幾多女士係生日飯見到有5碟沙律放係枱面會唔嬲呢~
早一日google translate定做功課啦!!!
勁多字要google translate
講左咁耐,入正題啦!
首先上場的係希臘最著名的頭盤Tzatziki
味道清爽之餘同時非常濃郁! 幾乎係食希臘菜必然的Appetizer!
係希臘有d餐廳會免費供應Tzatziki,有d就要收費約4歐
所以呢度都算合理價格啦~
至於希臘常見麵包Pita我開頭都無話特別想叫,之不過係當Tzatziki的配菜
誰不知竟然熱辣辣、勁鬆軟! 少少煙煙韌韌咁勁好味!
芝士周圍滾住既咩嚟ga ------- 西梅醬??? 夾唔夾ga喂?????
原來係夾到痴線!!!!!!
就好似鵝肝+蘋果咁,利用西梅既酸甜來平衡芝士既鹹同油膩!
大鄉里表示咁既美味組合都係第一次食到,好衝擊!
主菜Prawn Saganaki係燒大蝦~
但係食之前有一個重要步驟 ------- 唔該囉妳部手機出嚟先
賣相同氣勢都一流,個味道點先~
如果話香港人用既白灼清蒸係為保持鮮味而作的最佳煮蝦方法,呢種希臘式既醃製就係將欠缺鮮味既蝦弄成最好味既煮法!
就算係已去過不少國家既我,都從未食過咁好味既西式蝦!
價格係唔算太平宜,但一定要試! (我所見係每枱必叫,甚至encore tim!)
miss左點火果下........
食到尾好似仲差左少少野~
見仲有Tzatziki,就一於要個炸薯條”Patatakia”蘸埋佢啦~
唔算太辣,食到譚仔三小辣既人一定無問題
口臭? 戴住口罩唔覺ge~
如果有興趣的話聽聞個甜品都唔錯,不過我就無叫到唔介紹啦~
而且呢度氣氛舒適浪漫,與其話係餐廳,倒不如話係那種與閨密知己放工後小點輕酌,談心訴苦,放鬆精神的小酒館 ;
又或是旅行時隨意走進的某間只有當地人才懂吃的隱世小店~
一眾諗紀念日生日飯諗爆頭既網友,想表現下自己有獨特心思有做野ge~
唔使煩,就呢間啦!
p.s. 第一次寫香港既餐廳介紹,如果有咩意見,歡迎留言交流下呀~
===========================
===========================