紅香爐峰10分鐘極速攻頂︱維港日落全景最佳選擇【香港郊遊14】
開始之前，大家不如Follow左我Youtube同Instagram先啦!
因為人數真係好少....... 如果有大家支持，我會更加有動力寫落去ga! 多謝!!!!!
" />
===========================
10分鐘! 無錯真係10分鐘!
由落車到紅香爐峰頂，只需10分鐘就可在高峰上欣賞維港醉人日落!
望呢個風景，行呢個時間，我夠膽斷言佢係全香港性價比最高的山峰!
廢話少講，同大家介紹下條路線先!
文章概要 :
- 交通
- 上山路線
- 到山頂啦
- 日落黃昏
- 其他路線
- 注意事項
+++++++++++++++++++++++++
延伸閱讀 :
+++++++++++++++++++++++++
- 交通
紅香爐峰一早有唔少Blogger講過，上山路線非常多!
而我今次介紹既 ----------- 係邪路!!!!!!!
因為我係由人地行完紅香爐峰離開的出口直接爆上去，完全無視漫步郊野的樂趣!
等於人地打機係enjoy過程，睇故事儲物品慢慢升level，但我就金手指level 99一野ko最後大佬爆機lu ------------ 煞風景到極呀! 但呢個風景咁靚就算啦~
(呢張示意圖應該老機迷先明~)
好啦好啦入題啦~
我呢段紅香爐峰10分鐘極速攻頂行程，係由北角寶馬山出發
大家可以坐隧巴108，或IFC / 金鐘坐25城巴寶馬山落，兩者最大既共通點係耐到嘔同暈到嘔，兜到天荒地老都未到
個人建議都係銅鑼灣翡翠明珠廣場坐25小巴，於寶馬山總站落快d車程短d~
(銅鑼灣翡翠明珠廣場)(網上圖片)
- 上山路線
落車後向山上方向，即係聖貞德中學行去，會見到有個大閘
縮起肚腩"zip"過左邊欄杆，會見到有條人行出嚟既路
無錯路係人行出嚟ge，所以唔使驚，沿路上去啦~
唔使1分鐘已經見到一條大樓梯
只要大家有以前讀中學行上5樓上堂既經驗，呢條樓梯唔係野嚟ge，上啦~
到平路後一直向右行，到達分叉路轉右，再3叉路行中間
如果妳行既係大石樹木之間的滑沙上斜路就岩ga la~
(呢條路非常冼，小心)
上到差不多見到似係終點的大石時，會發現有幾條路圍住舊石，一般第一次行既朋友都唔會知應該行邊
求其行得ga la~ 因為最終都會上到山頂的，殊途而同歸，地球係圓ga ma~
+++++++++++++++++++++++++
延伸閱讀 :
+++++++++++++++++++++++++
- 到山頂啦
由於時間的關係 ------- 無錯! 已經行完到紅香爐峰頂啦!!!!!!
個view係咪好靚先!!!!~~~
望一望錶 --------- 我影寶馬山巴士站時的時間係16:42，到影上面第一張維港景時係16:52，真係岩岩好10分鐘!
而且唯一辛苦位只係開始果段樓梯，其後都係平路同輕上斜，仲快過輕鬆過上嘉頓山!
所以，囉野上嚟野餐飲啤酒，好合理呀!
(日啤好飲(曲，其實同Asahi無分別))
(但飲feel重要d~)
而且峰頂四周毫無遮掩，非常好風非常涼快~ 在這30幾度的夏天仍然可以坐足兩粒鐘等日落唔辛苦~
當然首要係你既同行者唔怕曬黑變炭啦~
- 日落黃昏
十個有9個朋友上到紅香爐峰都係為左睇日落~
無他既，呢個位太perfect啦!!!!!
180度超闊維港風景，成條地鐵觀塘線荃灣線所經地點一次過望哂，太陽仲要係正港九兩岸的維港正中間落下
只要天氣好，欣賞咸蛋黃西沉維港無難度呀!
喂有無攪錯來來去去都係呢個角度呢個風景，唔悶咩?
個山頂係睇呢個view ga la，唔同我舞空術飛出去影咩..........
而且慢慢睇住天空由藍變紫，海面由黃轉金，大廈由灰暗冷寞至華燈初上，不已是一幅美至極點的醉人景致嗎?
講過無數次都要再講 ------- 香港真係好靚!
(開左唔同夜景Mode影，紫色係有少少怪，但個feel都幾得意ar~)
(影相技術有限，呢幾張已盡我能力，各位高手快d上去影完一齊分享下啦!)
- 其他路線
所謂有辣有唔辣、任君選擇，唔想一野上到山頂，我係鍾意行遠d呀吹咩~
當然可以啦~
最common係由畢拉山道出發~
呢條路我都行過，交通上可以係中環坐城巴11號「畢拉山徑」站，或於金鐘坐小巴24M至畢拉山道落
經過爆炸品處理中心再上斜行一堆路，見到個牌仔就轉入去「金督馳馬徑」，之後全程平路，輕鬆45分鐘內可到我上文講的分叉路，轉左就可以上大石斜路了~
呢條路既優點係有d野行下，金督馳馬徑中段有個位係打卡熱點影相一流又無咩人~不過當然係紅香爐峰上更勝一籌啦~
不過我應我懶我廢，都係目標為本，一野就爆左上去開心d!~ XD
- 注意事項
- 紅香爐峰頂平地極少，加上長期有攝影發燒友擔定凳仔霸頭位，遇著天氣好的日子分分鐘企都無位，夏天最好唔好遲過5半上到啦~
- 聽聞落山有另一條路直去落返聖貞德中學又係超快，我無實驗過，等大家留言分享了~
- 大石斜路非常冼腳，加上太陽落山後天黑得超快，所以落山時必須小心，揸實旁邊d樹枝慢慢嚟，注意安全! 紅香爐峰雖然上山快如閃電，但並唔係可以著高跟鞋拖鞋上嚟既地方!
- 山上飲飲食食無所謂，但記得唔好整污糟d地方，同帶返自己d垃圾走呀!~
(呢張我認我係影靚女的)
最近天氣轉熱，行山分享可能都要暫時抖暑~
不過如果山癮起，又想唔行咁耐就有山頂風景+維港夕陽美景，呢條紅香爐峰10分鐘攻頂路線一定係最佳選擇!
下篇講下另一網紅影相地點的真面目先~
===========================
請大家FOLLOW我INSTAGRAM啦~
=====================================
我既YOUTUBE CHANNEL正式開通啦!!!!
新影片已upload，快d Click入 「鋒加西亞 / 旅人瘋語」Subscribe 睇片再禁個like啦!~
主要影片 ：
- 泰國芭堤雅誤入邪骨!? 芭堤雅色情行業真相!
- 人有三急在歐洲怎辦? 卑鄙無恥! 歐洲免費廁所全攻略
- 【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!
- 【希臘】型爆海盜船酒吧扮魔盜王！超值60蚊一杯包遊船河！？
白濱系列 :
=================================
相關篇章 :
- 香港郊遊系列
１小時內攪掂 ：
《005 - 沙田行去慈雲山，原來超級簡單》
《006 - 大埔三門仔，零難度的全海景輕遠足》
《009 - 粉嶺鹿頸至谷埔︱夕陽下的隱世蘆葦田》
《011 - 大美督家樂徑︱4大隱世絕美風景》
《013 - 長洲小長城︱驚喜十足的奇岩怪石小徑》
２至３小時行完：
《003 - 香港仔自然教育徑》
《007 - 西貢大灘郊遊徑，長者行山無問題》
《008 - 飛鵝山芒草之行》
《010 - 青衣自然徑︱馬灣海峽+青馬大橋無敵日落美景》
行完會攰：
《001 - 夜登鳳凰山︱我得罪了日出之神》
《004 - 赤徑與鹹田灣，宛如沙巴的美麗海灣》
《012 - 上窰郊遊徑+曝罟灣堤圍︱超強打卡+輕鬆行山首選》
《002 - 簡單快速+靚景，龍蝦灣郊遊徑》
- 發掘香港系列
城市偷閒系：
《1 - 香港Staycation首選，皇家太平洋酒店住後心得》
《2 - 城市步行︱鯉魚門的絕美日落》
《5 - 訊號山花園︱尖沙咀鬧市中的秘密綠洲》
影相打卡系 :
《2.5 - 鯉魚門石礦場︱夕陽下的芒草群》
《3 - 己連拿利︱港島攝影秘景，宛如荒涼未來的異世界》
《6 - 石峽尾公園粉色牆壁︱網紅火熱打卡點實測》
美食推薦系：
《4 - 香港的希臘小店，味覺的新衝擊》
《7 - 石峽尾一日遊︱美食推薦+文青打卡位懶人包》
===============================
- Email : funggarcia@gmail.com
文章同時刊於以下平台，請各位多多支持呀!!!!!!!!!!!!!
我的遊記
- 上環紅葉餐廳︱9 蚊生蠔性價比超高! 【發掘香港12】
- 銅鑼灣避風塘堤壩︱維港海中心看夕陽︱鬧市的避世角落【發掘香港13】
- 【歐洲隨筆9】澳洲EMMAS澳美斯床褥評價︱外國月亮特別圓，鬼佬床褥特別軟
- 孫中山紀念館︱Mirror教主MV拍攝場地，真係值得去打卡?【發掘香港11】
- 西貢泥涌︱大海、夕陽與天空之鏡【香港郊遊15】
- 白樓「機場核心計劃展覽中心」︱夏天影相一流地點【發掘香港10】
- 愛文生大排檔｜性價比超高的街邊豪氣滋味【發掘香港9】
- 歌連臣角炮台打卡位︱網紅不會告訴妳的兩三事 【發掘香港8】
- 紅香爐峰10分鐘極速攻頂︱維港日落全景最佳選擇【香港郊遊14】
- 石硤尾一日遊︱美食推薦+文青打卡位懶人包 【發掘香港7】
- 石峽尾公園粉色牆壁︱網紅火熱打卡點實測【發掘香港6】︱丹麥手錶品牌「Nordgreen」推薦+85折折扣碼優惠
- 長洲小長城︱驚喜十足的奇岩怪石小徑 【香港郊遊13】
- 訊號山花園︱尖沙咀鬧市中的秘密綠洲【發掘香港5】
- 上窰郊遊徑+曝罟灣堤圍︱超強打卡+輕鬆行山首選【香港郊遊12】
- 香港的希臘小店，味覺的新衝擊【發掘香港4】
- 大美督家樂徑︱4大隱世絕美風景【香港郊遊11】
- 青衣自然徑︱馬灣海峽+青馬大橋無敵日落美景【香港郊遊10】
- 粉嶺鹿頸至谷埔︱夕陽下的隱世蘆葦田【香港郊遊9】
- 己連拿利︱港島攝影秘景，宛如荒涼未來的異世界【發掘香港3】
- 【多哈轉機遊】卡塔爾航空Free City Tour值得去嗎?
