Fever攝影旅遊

會員登記會員中心

銅鑼灣避風塘堤壩︱維港海中心看夕陽︱鬧市的避世角落【發掘香港13】

By 鋒加西亞 - 德國工作假期後的世界流浪 . Level 5 - 銅章級資深 Fever 旅客
發表於 2022 年 1 月 16 日 .

「BB~ 我要睇維港日落打卡~ 但我唔想行山出汗~ 唔想比人阻擋~ 仲要人少唔嘈交通方便唔使比錢……」

假如另一半咁Q多要求，而你又未想扔佢落山的話，「銅鑼灣避風塘堤壩」應該係唯一滿足哂以上所有要求的地方

事實上銅鑼灣避風塘算係一個好多人知，卻唔多人去過的鬧市秘景，甚至有好多人誤會「世貿過條隧道咪係law」，唔知道可以更進一步坐船出到避風塘堤壩之上

上個月尾生日時咁岩天氣好又係港島，一於去坐下hea下兼取材啦~ 生日都不忘呢個網上副業，你地就知我真係好鍾意寫Blog呀教練!~

快d follow我Instagram同YouTube支持下啦!

銅鑼灣避風塘堤壩

文章概要:

前往方法
銅鑼灣避風塘堤壩燈塔
有乜好做
日落黃昏

前往方法

上面都講過，銅鑼灣世貿中心等的士個位(面向海果邊) 旁邊有一道不起眼鐵門，寫住「前往午炮或香港遊艇會」

行落去就會見到停車場旁邊有條白色隧道，隧道盡頭上返去就係銅鑼灣避風塘~

十足垃圾房門…….

其實大約10年前，來到呢處已經算是鬧市中的秘景了，根本完全唔會有人嚟

而家則多數係情侶or鬼仔的吹水談心勝地，甚至有人會倒水係地下影天空之鏡但一d都唔似呀，算吧啦六師弟!

似乎想影天空之鏡wor…….

但我今次的目的地係銅鑼灣避風塘堤壩燈塔~

去的方法有兩個 ——— 行步or坐小艇

步行的話，According to Google Map，只要各下有香港遊艇會會籍，就可以暢通無左阻，直行直過去到堤壩~ 無難度~ 好簡單呀~

如果無會籍都唔緊要，妳只要扮有親人係入面，一樣可以直行入去，之後打橫比人抬返出嚟g ma~

所以似我呢d窮人，想去堤壩燈塔，都係乖乖地比錢上船啦~

上船的碼頭係最近隧道果個

注意唔係每隻街渡都係去燈塔ga!

有d係遊艇會for會員接駁上遊艇的，也有駁去海上餐廳的，上船前最好問清楚先~

正式果首小艇不定時靠岸，樣子請看下圖，船費每人$15，船程約5分鐘

有人會話紅隧過海都係$9.8，而家坐幾分鐘船成$15使唔使咁貴!?

咁人地獨市兼要維生嗎，唔滿意咪游水過去law

只有呢隻先係去銅鑼灣避風塘堤壩的~

小艇穿過遊艇向堤壩燈塔前進~

係銅鑼灣竟然有得好似西貢咁坐船出海，好有feel呀!!!!

穿過遊艇列，一轉彎，眼前一亮，大大個太陽已在眼前~

可以係海上欣賞夕陽西下，好似回到歐洲旅行時一樣呀!!

有一剎那諗 ——- 不如唔好載我上岸呀?

wa好有出海feel呀!!(但根本係出緊海嗎….)

銅鑼灣避風塘堤壩燈塔

登上堤壩後，已發現自己已身在維多利亞港中心~

好大個咸蛋黃對到正一正!!! 正呀!!!!!!

至於堤壩的環境，咪一眼睇哂條壩盡頭有個燈塔咁law~

雖然石隙中有不少垃圾，但至少無異味無小飛飛，甚至有d花草做前景for影相tim~

背後的銅鑼灣避風塘可以望到大坑上方的紅香爐峰~

同樣為睇日落，我先幾個月先係上面望落嚟，今日就係下面望返上去，個feel都幾特別~

+++++++++++++++++++++++++++++++++++++++++++

相關文章 :

《【香港郊遊14】紅香爐峰10分鐘極速攻頂︱維港日落全景最佳選擇》

+++++++++++++++++++++++++++++++++++++++++++

有乜好做

有乜好做? 當然係瘋狂影相啦~

條堤壩本身已經係非常好既攝影地點，又有海又夠光又係維港仲要無人，擺明係pre-wedding勝地啦!

除此之外都見有少女瘋狂打卡，男友變龍友，我stay係度兩個鐘咁耐佢就影捉咁，全程Iphone，一張合照或男女交換都無，只能說當兵真係辛苦呀!

至於我，當然都係日落做背景影個夠皮啦~

嚟呢個堤壩欣賞日落的最正之處，就係無任何人會係妳前面阻住哂!

不論係壩上、壩邊或燈塔的盡頭，只要對住呢個天下無雙的夕陽，影出嚟ge都會係超勁靚相!

影到攰，最好就係囉支酒出嚟慢慢嘆~

在維港中心睇住日落飲住酒，寫意逍遙~ 生日可以這樣過，非常滿足啦~

日落黃昏

至於日入後的維港夜景有多美，相信都唔使我多講啦~

下面睇相啦! 少少美中不足係黃子華保險個招牌燈光太強，攪到我面色非常紅潤……

最後講回程啦~

如果咁岩有船到，係可以比錢上船回碼頭的~ 又或嚟果陣同姐姐講定你幾點走

而根據網上一般說法，係可以行返入遊艇會大搖大擺離開的，門口實Q只係唔比你入無話唔比你出

但係我當日所見，往遊艇會的大閘已上鎖咁究竟我係點走ga呢???

好啦我承認 ——– 我係游水返去的

例牌既溫馨提示:

其實較近地鐵的前往方法，係由世貿內街入口左方，落停車場入白色隧道，雖然條路入口有哂提示兼順路，但幾乎完全無人行，知名度比鐵門更低……….
上防波堤的樓梯超級勁滑，要非常非常小心! 高跟鞋更是可免則免，我相信大家都唔想由睇日落變維港泳ga
一定一定要帶走自己垃圾!

好~ 下一篇繼續生日系列~

晚飯間餐廳又幾特別wor~

====================================

====================================

請大家FOLLOW我INSTAGRAM啦~

Instagram : https://www.instagram.com/fung_garcia_backpacker/

=====================================

我既Youtube Channel已經開通啦!!!!

快d Click入「鋒加西亞 / 旅人瘋語」Subscribe 睇片再比個Like禁個鐘仔啦!~

鋒加西亞/旅人瘋語 Youtube Channel

主要影片：

白濱系列 :

旅行故事系列 :

=================================

相關篇章 :

香港郊遊系列

１小時內攪掂：

《005 – 沙田行去慈雲山，原來超級簡單》

《006 – 大埔三門仔，零難度的全海景輕遠足》

《009 – 粉嶺鹿頸至谷埔︱夕陽下的隱世蘆葦田》

《011 – 大美督家樂徑︱4大隱世絕美風景》

《013 – 長洲小長城︱驚喜十足的奇岩怪石小徑》

《014 – 紅香爐峰10分鐘極速攻頂︱維港日落全景最佳選擇》

《015 – 西貢泥涌︱大海、夕陽與天空之鏡》

２至３小時行完：

《003 – 香港仔自然教育徑》

《007 – 西貢大灘郊遊徑，長者行山無問題》

《008 – 飛鵝山芒草之行》

《010 – 青衣自然徑︱馬灣海峽+青馬大橋無敵日落美景》

行完會攰：

《001 – 夜登鳳凰山︱我得罪了日出之神》

《004 – 赤徑與鹹田灣，宛如沙巴的美麗海灣》

《012 – 上窰郊遊徑+曝罟灣堤圍︱超強打卡+輕鬆行山首選》

《002 – 簡單快速+靚景，龍蝦灣郊遊徑》

發掘香港系列

城市偷閒系：

《1 – 香港Staycation首選，皇家太平洋酒店住後心得》

《2 – 城市步行︱鯉魚門的絕美日落》

《5 – 訊號山花園︱尖沙咀鬧市中的秘密綠洲》

影相打卡系 :

《2.5 – 鯉魚門石礦場︱夕陽下的芒草群》

《3 – 己連拿利︱港島攝影秘景，宛如荒涼未來的異世界》

《6 – 石峽尾公園粉色牆壁︱網紅火熱打卡點實測》

《8 – 歌連臣角炮台打卡位︱網紅不會告訴妳的兩三事》

《10 – 白樓「機場核心計劃展覽中心」︱夏天影相一流地點》

《11 – 孫中山紀念館︱Mirror教主MV拍攝場地，真係值得去打卡?》

美食推薦系：

《4 – 香港的希臘小店，味覺的新衝擊》

《7 – 石峽尾一日遊︱美食推薦+文青打卡位懶人包》

《9 – 愛文生大排檔︱性價比超高的街邊豪氣滋味》

===============================

Email : funggarcia@gmail.com

www.facebook.com/Garcia.in.Germany

https://mewe.com/p/fung_garcia_backpacker

文章同時刊於以下平台，請各位多多支持呀!!!!!!!!!!!!!

我的遊記

我的旅程