新聞互動
當然可能係我新界仔見識少未聽過,但我到訪時所見香港人真係只有小貓數隻,大尾篤係佢二百倍!
雖然明知而家講出嚟佢可能又變另一座嘉頓山,不過我作為旅遊Blogger既宗旨就係要介紹鮮為人知既秘密地方嗎!
秘咩密ar~~~~~~~ 大把菲律賓姐姐係度野餐開P歡樂今宵呀~
有時我都諗,d姐姐分分鐘比我地更熟悉香港有咩窿窿罅罅...................
===========================
===========================
作為一個曾經既大學生,當年係棉登徑都唔知經歷過幾多場生死搏鬥,那段「3舊水任飲,用個肝做人」的日子真係令人不勝唏噓~
邊會估到十幾年後我會為行山打卡而來呢度!
Anyway,呢個就係入口啦~
痴線真係30幾年來都唔知尖沙咀有個咁既花園........
雖然睇落又彎又長又有d斜,但幾分鐘攪掂ga la~
上完斜首先會見到平時阿伯后翼棄兵既枱凳,而家已經比姐姐開P用
反正呢個位無咩野睇,繼續上樓梯啦~
如果行左方的樓梯首先會見到洗手間,而右方的辦事處則有少許西方藝術風格~
攝影技術好而又有個靚女model既,應該呃到下like ge~
再上樓梯就係訊號山花園了!
講真環境又真係幾清幽wor! (唔係星期日的話)
(宮粉羊蹄甲)
(宮粉羊蹄甲)
根據網上資料 -------------
訊號塔又名「黑頭角」或「大包米」,在1907年建成。塔身現高18.9米,建築帶有濃厚的古典巴洛克色彩,並加入當時流行的愛德華式裝飾特色,以紅磚配上淺色石構件。塔身呈方形,角位捨用常見的方角,採用雅致的斜削角。紅磚為特別燒製,並採用英式砌法,石作則以本地花崗石雕砌而成。其他建築特色包括花崗石基座、腰線和檐口,以及「吉布斯飾邊」的窗戶..............
簡單嚟講就係一座帶有濃厚歐洲古典風格的歷史建築啦!
而係二十世紀初,訊號塔負起向維多利亞港船隻報時的工作。另外,訊號塔旁邊還有一座小型建築物,在熱帶氣旋吹襲香港的時候,該小型建築物就會掛起風球訊號到半空當眼處,以讓附近的人士清楚看見。
不過我打咁多字(copy & paste)都無咩用,因為多數人既思考模式都只係「wa好靚wor!打卡上IG先!」
好多人口口聲聲話保育本土文化,係岩ge,但唔該再了解多d我地住既地方tim啦!
至於講咁多大道理既我------- 唔好意思,我都係嚟影相的~
(我個茱麗葉呢?.......)
塔外影既羅密歐茱麗葉feel唔係好岩我,亦唔好打我
塔內反而更饒有趣味~
不錯!
另外,呢個花園有唔少長椅位於不順路兼隱蔽的花叢旁
但由於我未證實到,所以搵晚我係尖咀食完飯嚟散步時再實地考察一下,先再同大家再報告報告啦~
(我寫包單呢度夜晚一定超神秘~)
「訊號山花園」就係咁多~
其實第一次我去時天陰覺得d相唔靚,所以搵日平日放工天氣好時再去影過
第一次係星期日,都有d姐姐同香港遊人,但都真係唔多 ;
第二次係星期五下晝,真係鬼影都隻! 唯一見到辦事處實Q阿姐出嚟吞卜,佢仲用超奇異既目光望我,心諗呢個地方點會有條腸粉係度影相
Anyway la~ 我估附近d OL應該都幾熟呢度,因為此地絕對係Lunch靚view食飯盒既首選!
大家嚟尖沙咀行到悶、食完飯,不妨嚟呢個充滿歷史文化,又寧靜舒適的綠洲休息下~
===========================
《012 - 上窰郊遊徑+曝罟灣堤圍︱超強打卡+輕鬆行山首選》
《1 - 香港Staycation首選,皇家太平洋酒店住後心得》
===============================