石硤尾一日遊︱美食推薦+文青打卡位懶人包 【發掘香港7】
開始之前，大家不如Follow左我 Youtube 同 Instagram 先啦!
因為人數真係好少....... 如果有大家支持，我會更加有動力寫落去ga! 多謝!!!!!
===========================
首先利申我唔係文青! 最多都係文中 (讀文科既中年)
而且所謂既「打卡位」都係IG影相界別「阿媽係女人」既景點
之不過我呢幾年去下去下，儲下儲下，發現石硤尾又真係一個值得行下既小社區WOR!
所以就綜合我唔同日子影低既相，介紹下石硤尾有乜食有乜攪啦~
+++++++++++++++++++++++++
延伸閱讀 :
【和歌山】【白浜】超高性價比溫泉酒店介紹!(上集)
+++++++++++++++++++++++++
文章概要:
- 品香樓
- 南山邨彩虹橋
- 肥哥車仔麵
- 新城餅店
- 石硤尾公園粉色牆壁
- 石硤尾公園天空步道
- 品香樓
數石硤尾最有名的食肆首推南山邨的品香樓!
多年前食過夜晚既小炒及炸物非常有水準，今次我去食下午茶，個炸脾一樣有料到!
外皮脆卜卜、剪肉肉汁係咁流，配埋炸薯條+凍飲都唔使$40，而家出街食野嚟講好OK啦!
當日另一下午茶黑椒牛柳絲炒烏冬都勁有鑊氣! 仲難得炒粉麵會少油tim!
其實品香樓仲有名物凍朱古力!
係香濃凍朱上加一大砣白色的 便便 鮮忌廉，真係見到都覺得正!
但由於我低頭see到自己舊腩肉仲正，所以都係無我既事啦~
(網絡圖片 - from Openrice - Ivyxweii)
- 地址 : 石硤尾南山村南山商場平台204-205及210-213號
- 營業時間 : 06:45 - 00:00
- 南山邨彩虹橋
食完品香樓，當然係立即走上商場平台影下佢個彩虹橋啦~
話哂呢度都係超人氣的KOL拍照熱點，我作為一個偽KOL點都要襯下熱鬧ge~
同彩虹邨一樣，呢度有舊式公共屋村做背景，再加上果3條大中小的半圓型三色樓梯，的確係非常有特色!
而且呢個平台影相超容易!
有哂天然格線，只要搵個人坐上去對正中間左右平衡就攪掂，新手都可以影到頗有風味!
但要非常小心摺起左個肚腩，我縮得好辛苦呢..........
- 肥哥車仔麵
影完相肚餓 (咁快!??)，又或者茶記唔岩口味的話，可以由南山邨行落白田邨，試下「肥哥車仔麵」
周圍都車仔麵啦! 點解係要嚟咁山旮旯既地方食ar???????
其實小弟本物係唔食車仔麵的，因為總覺得坊間hea整的太多，一個麵加幾舊仔下欄餸收你幾廿蚊wtf!
但果日行過見咁多人又餓到唔想行咪試下law
(sorry呢張係食完影的，已經4點幾無咩人~)
wa一試，不得了!
鳳爪超腍、豬手夠香、豬皮入味、豬紅唔散、蘿蔔無渣，一d都唔失敗!!
係食得出佢每樣餸都係超有心機認真煮出來的! 每一樣都非常好食! 係估唔到呢堆由細食到大的下欄野可以好食到咁!
不過最精華的，都係佢的自家辣醬!
網上有人話BB辣都噴火，我就唔怕死叫左中辣，出嚟既效果唔錯，如下圖示~
我真係忍唔住問d阿姐 :「阿姐ar，d辣椒唔使錢咩~」
姐姐答非所問，話係佢地每日慢慢刴的，完全手工製造~
咁我都信，如果唔係點會咁粗粒呀~
但又真係令湯底充滿辣椒、蒜頭同薑的香氣，越食越辣，越辣越過癮!
大家又唔使驚，據我主觀估計，食到譚仔小辣的，應該會頂得順呢度既中辣，如果怕辣既就食原味唔辣ga啦~
- 地址 : 石硤尾白田偉智街38號福田大廈地下55號
- 營業時間 : 星期一至六 08:00 - 19:00 / 星期日全日休息
- 新城餅店
食完辣，當然係要食甜品啦~ (what又食!!!???)
位於路口的新城餅店，係港式傳統麵包鋪，即係我同你細個趕返學時，係樓下求其買個雞尾包填肚果種麵包店~
呢種麵包店重點唔係味道，而係性價比~多數都會比較平~
但$8一件栗子蛋糕係發生乜野事呀!!!!!!!!!
但味道又真係唔差wor!
栗子足料，蛋榚有蛋香! 我特別鍾意佢d cream係分開吱，令好似我呢d超怕肥既人可以輕易整走佢~
$8一舊東x堂廿幾蚊咁大既栗子蛋糕，仲想點呀?
而且我斷言比好多廿幾三十蚊一件既連鎖店西餅好味得多!
咁鬼平，係度買散水餅似乎係好主意wor~~~~
(方包$5四件，我係咪返左90年代..........)
- 地址 : 石硤尾南昌街237號地下G6A及G6B號舖
- 營業時間 : 星期一至日 06:30 - 20:00
- 石硤尾公園粉色牆壁
石硤尾公園的粉色牆壁打卡位係上一篇【發掘香港6】已經介紹過了~
好明顯我而家講多次係純粹為回帶谷收視啦!!!!
又唔好咁講~~~~ 話哂呢幅石牆真係不能缺少的打卡位~
既然上回已經講過，我懶，post返d相+條Link比大家click啦~
+++++++++++++++++++++++++
延伸閱讀 : 【發掘香港6】石峽尾公園粉色牆壁︱網紅火熱打卡點實測
https://garcia-in-germany.blogspot.com/2021/04/shekkipmeipark.html
+++++++++++++++++++++++++
- 石硤尾公園天空步道
除了粉色外牆，石硤尾公園仲有另一賣點 ---- 流線型天空步道!
個名我夾硬作比佢好似型d je，其實係一條彎彎曲曲、高左一層離開地面的緩跑徑
但根據目測，大多數市民如要跑步，只會去附近地點更方便、設施更完善的足球場旁緩跑徑
所以這條步道幾乎空無一人，甚至似四驅車跑道多d
即係可以瘋狂影相啦yeah!!!!!!!
如果噴水池開返，一定會更加吸引je!
(後面係CityU宿舍，校友可以來懷念過去，去xx派對~ 但我唔係)
其實石硤尾公園係非常大兼有好多野玩，只不過要book場果d就自己上康文署check啦~
齋計拍照，只要時間天氣計得岩，公園內大把地方比你大拍特拍!
我的石硤尾影相+美食介紹就到呢度先~
至於其他網上所講的人氣打卡位，JCCAC同美荷樓唔使我講啦~
石硤尾公園足球場粉色看台 ------ 疫情下唔比無book場人士進入
而南山邨的大型跳飛機遊樂場 ------ sorry我miss左~
咁我無做功課就去嗎.......鬼知咩........
同埋比起跳飛機，我想坐飛機多d law..........
好想寫外國遊記ar...........
===========================
請大家FOLLOW我INSTAGRAM啦~
=====================================
我既YOUTUBE CHANNEL正式開通啦!!!!
新影片已upload，快d Click入 「鋒加西亞 / 旅人瘋語」Subscribe 睇片再禁個like啦!~
主要影片 ：
- 泰國芭堤雅誤入邪骨!? 芭堤雅色情行業真相!
- 人有三急在歐洲怎辦? 卑鄙無恥! 歐洲免費廁所全攻略
- 【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!
- 【希臘】型爆海盜船酒吧扮魔盜王！超值60蚊一杯包遊船河！？
白濱系列 :
=================================
相關篇章 :
- 香港郊遊
《004 - 赤徑與鹹田灣，宛如沙巴的美麗海灣》
《005 - 沙田行去慈雲山，原來超級簡單》
《006 - 大埔三門仔，零難度的全海景輕遠足》
《007 - 西貢大灘郊遊徑，長者行山無問題》
《008 - 飛鵝山芒草之行》
《009 - 粉嶺鹿頸至谷埔︱夕陽下的隱世蘆葦田》
《010 - 青衣自然徑︱馬灣海峽+青馬大橋無敵日落美景》
《011 - 大美督家樂徑︱4大隱世絕美風景》
《012 - 上窰郊遊徑+曝罟灣堤圍︱超強打卡+輕鬆行山首選》
《013 - 長洲小長城︱驚喜十足的奇岩怪石小徑》
- 發掘香港
《1 - 香港Staycation首選，皇家太平洋酒店住後心得》
《2 - 城市步行︱鯉魚門的絕美日落》
《2.5 - 鯉魚門石礦場︱夕陽下的芒草群》
《3 - 己連拿利︱港島攝影秘景，宛如荒涼未來的異世界》
《4 - 香港的希臘小店，味覺的新衝擊》
《5 - 訊號山花園︱尖沙咀鬧市中的秘密綠洲》
《6 - 石硤尾公園粉色牆壁︱網紅火熱打卡點實測》
===============================
- Email : funggarcia@gmail.com
文章同時刊於以下平台，請各位多多支持呀!!!!!!!!!!!!!
我的遊記
- 上環紅葉餐廳︱9 蚊生蠔性價比超高! 【發掘香港12】
- 銅鑼灣避風塘堤壩︱維港海中心看夕陽︱鬧市的避世角落【發掘香港13】
- 【歐洲隨筆9】澳洲EMMAS澳美斯床褥評價︱外國月亮特別圓，鬼佬床褥特別軟
- 孫中山紀念館︱Mirror教主MV拍攝場地，真係值得去打卡?【發掘香港11】
- 西貢泥涌︱大海、夕陽與天空之鏡【香港郊遊15】
- 白樓「機場核心計劃展覽中心」︱夏天影相一流地點【發掘香港10】
- 愛文生大排檔｜性價比超高的街邊豪氣滋味【發掘香港9】
- 歌連臣角炮台打卡位︱網紅不會告訴妳的兩三事 【發掘香港8】
- 紅香爐峰10分鐘極速攻頂︱維港日落全景最佳選擇【香港郊遊14】
- 石硤尾一日遊︱美食推薦+文青打卡位懶人包 【發掘香港7】
- 石峽尾公園粉色牆壁︱網紅火熱打卡點實測【發掘香港6】︱丹麥手錶品牌「Nordgreen」推薦+85折折扣碼優惠
- 長洲小長城︱驚喜十足的奇岩怪石小徑 【香港郊遊13】
- 訊號山花園︱尖沙咀鬧市中的秘密綠洲【發掘香港5】
- 上窰郊遊徑+曝罟灣堤圍︱超強打卡+輕鬆行山首選【香港郊遊12】
- 香港的希臘小店，味覺的新衝擊【發掘香港4】
- 大美督家樂徑︱4大隱世絕美風景【香港郊遊11】
- 青衣自然徑︱馬灣海峽+青馬大橋無敵日落美景【香港郊遊10】
- 粉嶺鹿頸至谷埔︱夕陽下的隱世蘆葦田【香港郊遊9】
- 己連拿利︱港島攝影秘景，宛如荒涼未來的異世界【發掘香港3】
- 【多哈轉機遊】卡塔爾航空Free City Tour值得去嗎?
