愛文生大排檔｜性價比超高的街邊豪氣滋味【發掘香港9】
開始之前，大家不如FOLLOW左我YOUTUBE同INSTAGRAM先啦!
因為人數真係好少....... 如果有大家支持，我會更加有動力寫落去GA! 多謝!!!!!
===========================
屋村長大的我可以話當大排檔係飯堂!
屋企附近有德記、金沙角、新廣發，中學附近有陳根記、樂園，30幾年來都唔知留左幾多金錢(和嘔吐物)係呢d大排檔之上~
多謝果個摧毀公屋的組織，令以上所有大排檔搬既搬、執既執，面目全非兼風味盡失
所以當我係深水埗食到「愛文生」時，簡直感動到想喊!
明知佢好生意到做唔切，兼且都係出哂名的正野大排檔，仍然忍不住要為佢寫返篇Blog!
「愛文生」是香港所存不多的街邊大排檔~
第一次聽個名真係唔知係乜料，大排檔唔係不明文規定叫乜記物記ga咩?
但睇返資料先知原來係同老店主「愛姐」有關，而且已開舖超過50年，係家族經營的超級老店~
由於越做越好，越做越大，就係旁邊不停擴充~ 直到而家，與其話佢有幾間連舖，倒不如話半條街係佢ge!
每到星期六日，成條街開滿哂木圓枱，閒閒地都百幾人企哂係馬路，以為拍緊古惑仔tim呀!
(星期六日大概就係咁多人等位啦)
和其他已「上樓」的大排檔不同，愛文生仍使用露天街邊廚房爐頭，我認為這正是大排檔風味的最主要因素!
每位街坊行過，都會遇到大廚燒到上天的大火與嗆鼻的油煙，明明有點不潔的感覺，卻又被濃烈的香氣吸引，忍不住駐足欣賞師傅的手勢
望住阿叔在燒到頂的火燄前面不改容，左手拋鑊右手快炒，兩三下手勢又攪掂一碟，粗略一計都唔使1分鐘!
動作行雲流水，一股說不出的瀟灑豪邁~
佬味，正是如此~
正因為廚房如此高效，所以縱使每一轉都成幾百人在座，上菜速度仍是非常之快! 食物熱到辣嘴是平常事~
(我影相弱，捕捉唔到大火升高個moment呀)
「愛文生」最大的特點就係exactly完全keep住舊式大排檔的特點 ------ 又平又正又大碟!
$80-$90一碟的市價，份量卻是坊間的1.5倍，而且碟碟均是新鮮即製熱辣辣
每一口都經過熊熊熱火、百度高溫 (語出豆腐火腩飯潮文)，吃得出滿滿的豪氣與鑊氣!
招牌的鐵板黑椒豬手、薯仔炒牛肉粒呢d人人都叫既我唔講啦 (其實係次次去到都賣哂)
我就係要貫徹呢個Blog專講罕見地點事物的宗旨，介紹d愛文生較少人order的美食~
- 燒乳鴿
新鮮即炸，皮脆肉嫩，撕開鴿脾，肉汁同我既口水一齊流哂出嚟
肉身肥厚，卻鹵得入味亦唔會過咸，直情同以前幾乎公認全港最好的沙田德記有得揮!
$70一隻係有少少貴，但係德記已執的今日，頂下口癮都好呀!
(其實有鴿頭的，但我怕有網友唔like所以囉開左先影)
- 椒鹽豆腐
椒鹽豆腐即叫即炸就基本功啦，重點係粒粒香脆唔油膩，碟底同墊底菜絲都係無油ga!!
而且豆腐夠乾身，唔會食食下比豆腐水反潮哎濕哂，食到最尾都仲係脆的~
不過食得到尾先算啦，成坐山咁點食得完ar!
所以最岩都係成班朋友一口一啤酒，爽呀!
- 沙嗲牛肉粉絲煲
呢煲野幾乎係其他大排檔同類產品的兩倍
我講既係濃度
強烈懷疑每煲都落左成罐沙嗲醬落去，怕味濃的朋友敬請見字加水
若係我呢種重口味人士卻必然一試愛上!
至於份量，唔好意思，都係兩倍!
我多次食完一半打包囉走，個外賣盒係滿ga..........
(呢盒係我剩左一半的打包，唔係外賣ar.......)
- 豬膶啫啫雞煲
雞夠滑、醬夠濃、膶夠厚，厚到同深水埗d豬潤麵有得揮!
而且，係有啫啫ga~~~~~~~~
即係滾住上~ 勁熱勁香勁餸飯!
- 魚腸煎蛋
平時返工已經對得多西人西面，我唔明點解放工都仲要食茜
個「魚腸煎蛋」綠色ge喂，一個唔記得叫走茜的結果就係食到我西哂口面
但芫茜愛好者應該會超級鍾意!
不過平心而論，蛋煎得夠香，魚腸香滑唔腥，裡面仲有蛋汁，如果唔係比d臭(芫)茜污染左，絕對係一等一既美食!
記得! 走茜才是王道!!!!!!!!!
店內同樣都有常見既「魚腸焗蛋」，但我覺得煎蛋做得更好味~ 而且其他地方少見煎蛋呢~
- 黃金蝦
另一個必食Item!
鹹蛋黃夠鹹香，食蝦有蝦味!
無錯! 超勁廢話! 但一碟黃金蝦有齊鹹味蝦味又唔油卻非常困難!
呢度做得到~
食得大排檔，唔對大啤點成世界!
$25 一支啤酒，算係有良心了
至於整體衛生方面，我又覺得可以接受wor~
至少唔係成地垃圾，坐深水埗街邊就唔好咁高要求啦~
古語有云「三人行，必會提老母」，在場超過7成都係豪氣大叔，娘親此起彼落，好不忙碌
但這不正是香港的招牌基層風情嗎~
大排檔，就係要大杯酒大塊肉大聲吵鬧才過癮吧!
這種寫意無拘束的風味，是唯獨街邊大排檔才能獨有的味道~
===========================
請大家FOLLOW我INSTAGRAM啦~
=====================================
我既YOUTUBE CHANNEL正式開通啦!!!!
新影片已upload，快d Click入 「鋒加西亞 / 旅人瘋語」Subscribe 睇片再禁個like啦!~
主要影片 ：
- 【泰國】【芭堤雅】誤入邪骨!? 芭堤雅色情行業真相!
- 【歐洲】人有三急在歐洲怎辦? 卑鄙無恥! 歐洲免費廁所全攻略
- 【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!
- 【希臘】型爆海盜船酒吧扮魔盜王！超值60蚊一杯包遊船河！？
白濱系列 :
- 【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!
- 【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?
- 【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住!
=================================
相關篇章 :
- 香港郊遊系列
１小時內攪掂 ：
《005 - 沙田行去慈雲山，原來超級簡單》
《006 - 大埔三門仔，零難度的全海景輕遠足》
《009 - 粉嶺鹿頸至谷埔︱夕陽下的隱世蘆葦田》
《011 - 大美督家樂徑︱4大隱世絕美風景》
《013 - 長洲小長城︱驚喜十足的奇岩怪石小徑》
《014 - 紅香爐峰10分鐘極速攻頂︱維港日落全景最佳選擇》
２至３小時行完：
行完會攰：
《012 - 上窰郊遊徑+曝罟灣堤圍︱超強打卡+輕鬆行山首選》
- 發掘香港系列
城市偷閒系：
《1 - 香港Staycation首選，皇家太平洋酒店住後心得》
《2 - 城市步行︱鯉魚門的絕美日落》
《5 - 訊號山花園︱尖沙咀鬧市中的秘密綠洲》
影相打卡系 :
《2.5 - 鯉魚門石礦場︱夕陽下的芒草群》
《3 - 己連拿利︱港島攝影秘景，宛如荒涼未來的異世界》
《6 - 石峽尾公園粉色牆壁︱網紅火熱打卡點實測》
《8 - 歌連臣角炮台打卡位︱網紅不會告訴妳的兩三事》
美食推薦系：
===============================
- Email : funggarcia@gmail.com
文章同時刊於以下平台，請各位多多支持呀!!!!!!!!!!!!!
我的遊記
- 上環紅葉餐廳︱9 蚊生蠔性價比超高! 【發掘香港12】
- 銅鑼灣避風塘堤壩︱維港海中心看夕陽︱鬧市的避世角落【發掘香港13】
- 【歐洲隨筆9】澳洲EMMAS澳美斯床褥評價︱外國月亮特別圓，鬼佬床褥特別軟
- 孫中山紀念館︱Mirror教主MV拍攝場地，真係值得去打卡?【發掘香港11】
- 西貢泥涌︱大海、夕陽與天空之鏡【香港郊遊15】
- 白樓「機場核心計劃展覽中心」︱夏天影相一流地點【發掘香港10】
- 愛文生大排檔｜性價比超高的街邊豪氣滋味【發掘香港9】
- 歌連臣角炮台打卡位︱網紅不會告訴妳的兩三事 【發掘香港8】
- 紅香爐峰10分鐘極速攻頂︱維港日落全景最佳選擇【香港郊遊14】
- 石硤尾一日遊︱美食推薦+文青打卡位懶人包 【發掘香港7】
- 石峽尾公園粉色牆壁︱網紅火熱打卡點實測【發掘香港6】︱丹麥手錶品牌「Nordgreen」推薦+85折折扣碼優惠
- 長洲小長城︱驚喜十足的奇岩怪石小徑 【香港郊遊13】
- 訊號山花園︱尖沙咀鬧市中的秘密綠洲【發掘香港5】
- 上窰郊遊徑+曝罟灣堤圍︱超強打卡+輕鬆行山首選【香港郊遊12】
- 香港的希臘小店，味覺的新衝擊【發掘香港4】
- 大美督家樂徑︱4大隱世絕美風景【香港郊遊11】
- 青衣自然徑︱馬灣海峽+青馬大橋無敵日落美景【香港郊遊10】
- 粉嶺鹿頸至谷埔︱夕陽下的隱世蘆葦田【香港郊遊9】
- 己連拿利︱港島攝影秘景，宛如荒涼未來的異世界【發掘香港3】
- 【多哈轉機遊】卡塔爾航空Free City Tour值得去嗎?
