新聞互動
幾年前話去歌連臣角,十個有九個人會問「你去拜山定探監呀?」
今時今日話去歌連臣角,十個有九個人會話「去炮台遺址影相? 正呀!」
疫情開始後,呢個唔算出名亦非常山旮旯既冷門地點,突然變身成網紅打卡熱點
又的確
「歌連臣角炮台遺址」係一個風景非常優美,亦頗有特色的影相地點,我自己去到都篤唔停個電話相機,返嚟揀相揀到頭痛
我鋒加西亞出名嘴賤,就多口評論下網紅打卡熱點「歌連臣角炮台」有咩地方最好小心d啦~
+++++++++++++++++++++++++
【和歌山】【白浜】超高性價比溫泉旅館評價! (上集) (下集)
【香港郊遊14】紅香爐峰10分鐘極速攻頂︱維港日落全景最佳選擇
+++++++++++++++++++++++++
「歌連臣角炮台遺址」位於港島最東邊近小西灣
上圖攝於2021年1月,可見一日只有上午8時正、中午12半、下晝16:45 total 3架車,仲疏過日本d山區巴士
大家可以想像到我趕頭趕命係14:57前衝線達陣,但發現中伏無料到時果種想反枱既衝動嗎???
需時約1個鐘,而且沿路狹窄+要避私家車,唔太建議
上斜平路為主,但風景欠奉有d悶,仲無遮蔭超曬
由此可見,以上每一個方法都非常唔方便! 特別而家夏天更加曬燶左都未行到!
由柴灣地鐵站直到炮台入口都係$50之內,兩三個人share算ok!
講真入口唔算難搵,只係欄杆有d高有d難"禽",對女士嚟講may be有d d難度
欄杆後的入口非常斜而且係沙地,普通波鞋or converse都會冼到癲,高跟鞋更加要有碌落山既心理準備
不過高手在民間,有人著高跟鞋都跑得快過恐龍,上落山呢d小菜一碟啦~
(認住呢棵樹)
(呢個位真係冼到嘔)
(不過好快就平路了)
(最強高踭鞋高手)
落既時候已經有種「點解行極都仲有ge?」既感覺,膝頭唔好既千其唔好嚟!
當落到炮台遺址,再望返上去 ----------- ee呢條咪天梯??? 係咪上到天堂ga??????
除左消防員,我覺得唔會有人行完呢條樓梯唔變死魚
我周圍都聽到有人話「喂呀唔想行返上去呀.......」
不過平心而論,係呢條囉命樓梯度望到的風景係好靚的~
(呢度係行剩1/4,你就知條樓梯有幾天梯啦.......)
呢個我先覺得係最大既伏位-------- 點可能會咁多人ga!!!!
唔少外國人及國際學校學生經此地去攀岩,而排隊走入炮台遺址影相的,除本地情侶外,仲有超多親子家庭,我幾乎以為去左海洋公園!
當我見到咁多人排隊,諗住避一避影左周圍轉頭先
一個鐘後,我知錯了.............
(一個鐘後,人多左一倍.......)
再望望果條天梯,即刻咩離開既動力都無哂,死死地氣排隊啦........
+++++++++++++++++++++++++
+++++++++++++++++++++++++
(個個影相既姿態都一樣ga la~)
講到排隊,香港人呢方面又真係好守秩序,一有人想打尖即刻就小,好齊心! 抵讚ge!
但亦僅此而已,過左海就神仙,入到炮台遺址影相的人簡直毫無公德心可言
女生除剩bar top影相放IG打卡合理,但死霸住影成15分鐘,仲要都係果d姿勢,妳扮銅像呀?
同埋,個男人唔影ge??? 岩岩又抱又咀果個係男友定龍友ar???
更過份的係d港媽家庭s -------
幾個家庭一齊入,影相方法係小朋友A一張B一張C一張D一張,之後AB、BC、CD、AC、AD、BD,之後ABC、BCD、ACD、ABD、BCD,影埋ABCD後,將以上組合加埋4個成年人再走兩轉,再call埋唔知邊度出現的小朋友E、F重覆一次,請計算出Iphone內可以出現的組合數量。(10分)
Shit當年F.7既統計學原來係咁用ge!!!
後面成村人,竟然可以霸成廿分鐘,呢個咁單一既場景,水禾田都無影咁耐啦!
究竟係咁岩我當日遇上的人太自私,定我先係奇怪果個呢?
至於我,真係好守規矩咁等左個幾鐘,入去影左唔夠5分鐘
但如果唔使排咁耐隊會開心好多law!
(用唔同效果嚟執相,其實都幾有趣~)
天氣好果陣,求其企一個位都係打卡位~
甚至嚟野餐or睇日出都係一個好選擇~
不過此地為懸崖,除左叉錯腳,更要小心大風吹你落海,Wilson都救你唔到呀
(真係好多人嚟玩攀岩)
(以外國人及國際學校ABC多)
略為注意此地背山向東,即係4-5點太陽已被身後高山遮住
想要係陽光照射下影靚d,最好早d到~
(呢張係炮台頂,都係一個唔錯既影相位~)
(四周既風景都一流,唔一定需要入去炮台內ar~)
(如果帶齊野係度野餐都係賞心樂事~)
雖然唔想行天梯,但始終都係要走
呢次會係斜路落山為主,好輕鬆的放心啦~
落到小西灣仲可以順便行埋Donki tim!
(野豬示意圖)
(落返小西灣海濱花園啦~)
以上就係歌連臣角炮台既所見所聞~
好啦今次講到呢度,下回再同大家講下香港有乜郊遊啦~
===========================
===============================