伊朗獨行5th – 伊斯法罕的萬人迷

所謂的萬人迷，無錯，就係我

…………………………………………………

……………………………………………

…………………………………….

咩呀!~而家唔比咩~

所謂萬人迷就應該好似發哥咁-------行到邊去到邊都比人笑住眼望望指手劃腳，周街都有人lai搵妳傾偈，仲有一群人爭住走過lai自拍!

以上所有野我成個伊朗trip通通都有! 但以伊斯法罕情況最為駕勢! 直情嚴重到有少少影響到我個行程planning!

所以，呢一篇就以所見遇見既朋友為主軸，繼續講下我係伊斯法罕既所見所聞啦~



話說上回講到睇完極其雄偉的伊瑪目清真寺，出返lai見個巨形大水池竟然玩噴泉，又係另一個look ok靚wor~

舉起相機較哂角度，總係差咁d野咁………有條友坐係度磨爛蓆阻住個view ar!!!!!!!

幾乎想問候佢「Did you eat glasses for growing up?」但我份人太友善，又怕佢聽唔明英文，所以最終都係攝埋佢入鏡







一收埋相機個男人就企起身行開………我頂ar......當時幾乎就廣東話6字真言爆出lai ga la……

男人回頭過來，原來係亞洲人，30左右，一瞬間你眼望我眼凝視左5秒

「你係香港人?」

係佢問我呀!!!!!!!!!!!

好彩我句「請你好好坐低」未出口je………..

言談之間知道佢叫阿Mick，係少數英國出世但香港長大既100%香港人，岩岩瑞士master畢業，身痕之下選擇陸路回港，岩岩由土耳其穿過lai伊朗，下一站會經巴基斯坦入中國返香港

Wa又真係有d料到wor……..但佢卻淡然揮手話「我真係唔覺有咩咁特別，好多人都咁做啦………..」

大家都知我女性朋友偏多，德國果陣明顯見所有fd都係女人，但奇怪地我地竟然越傾越投契!? 同男人咁一見如故既機會真係少之又少!

兩條佬就係企係水池邊係咁吹水! 當然我都講埋比佢聽我岩岩想粗口問候佢~XD





(睇下，d水吹得幾勁)



唔知係咪兩個靚仔華人企係路中間實在太有型太吸引，幾乎每傾5分鐘就有伊朗人走lai撩吹水!

開始覺得有d d比人interrupt傾偈，唔對路，都係坐度無咁礙眼……………………….

少年，你太年輕了，根本就無分別一Q樣，簡直就好似木村拓哉+福山雅治露天握手會咁一群人車輪式搵你合照!

佢地有d係為rr生意，有d係想叫我地報tour，但絕大部份都真係好奇or親切地想識朋友!

都真係識一左對情侶係幾岩傾~男既係韓國住過半年，女既係大學讀緊Math master，到而家都仲keep緊contact~

但佢地走左後我同Mick都真係頂唔順要避一避……..搵個唔向大街既花圃位坐下先可以繼續話題……….

果個moment，我終於明白做明星既感受係點la…….








到7點幾有d餓，係Mick既帶領下亂撞左入間地道小店，食既係羊頭肉湯

聽聞呢個係當地人既早餐之一

雖然羊頭肉+羊雜我都頂得順食得落無問題，但如果早餐時段比我見住個大叔係我面前撕到個羊頭變骷髏骨既話，我真係無乜mood入口……

Anyway個羊頭肉湯味道係ok的~遠比想像清爽~兩個人200,000 rial, 鐘意試地道食物既朋友可以一戰!

走既時候又比店主大叔捉住飲茶了…………







長氣都要講多次------真係無乜試過有個新相識既男人可以咁岩傾!

同阿Mick兩支公食完飯都可以返伊瑪目廣場繼續天花龍鳳! 我都幾sure個池有一半ge水係我地吹出lai ge!

少少遺憾係面對咁靚既廣場夜景，大家身邊都係得條佬呢………

同時亦因為吹水吹得太開心，我唔記得左去Lonely Planet既封面地點「希克斯羅圖福拉清真寺」ar.........





(夜晚既伊瑪目廣場仲更加靚!)





吹到9點幾，大家暫時分道揚鑣，Mick先返hostel check-in再出lai，而我就先行去另一必到名勝”三十三孔橋”參觀啦~

之不過行錯路過左隔離橋Ferdowsl Bridge，唯有沿住Zayandeh Rud河畔既Koudak Park慢慢散步去啦~







講親話去三十三孔橋都實有人問係條橋咪真係有33個窿?

呢個問題同「當年係咪真係有一百萬條友圍住趙雲ga?」一樣我答你唔到，根據官方話真係有33好鬆化的，但都有人講計埋河既倒影唔止………

所以，理佢咁多就乜ar~知道呢條橋又靚又型咪得law~







三十三孔橋都係伊朗人既社交場所~

無計啦，佢地無酒飲無夜生活的，夜媽媽on居居唔知做乜好咪同d fd過lai橋上坐下打牙骹law~





(扮型是必須的)








行到橋尾時阿Mick都msg我佢走得lai緊，我就話橋中間join啦

五分鐘後……………………..

「Mick ar Mick，都係橋尾等啦…….我又比人捉住傾偈影相了………..」







小插曲既係，阿Mick join埋傾到12點幾口水乾要走既時候，我地比兩個似係take左野既青年滋擾，幾乎就要蘇聯佬吸撻咁扔佢落河ga la…….

呢個應該係伊朗行程中唯一既不愉快事件





(老老實實，自從波斯尼亞Mostar果件事後，我真係有少少驚左呢d湍急水流.........

詳見 ---- 德國working holiday第107章 : 危機一瞬!旅程最大之凶險!)









第二日=行程第4日，一早去到伊斯法罕著名古蹟「四十柱宮」~

講真ar對我呢個咁膚淺既人lai講，唔計歷史意義呢個宮真係唔能夠話特別靚，卡尚我覺得普通既Fin Garden都靚過佢……….





而我係呢度最深印象既，就係一入門口即比一大班十幾廿人既女學生圍住抄牌一個個影相合照瘋狂自拍!!!! 仲過份到連佢地兩個miss都影埋一份!!!!

情況就好似周潤發星期日係旺角拮魚蛋一樣，行到去邊都比一班fans團團圍住! 仲有一個個害羞微笑與秋波係遠處飄過lai…………….

Wa…….我係咪變左明星而自己都唔知ar……..

所以話，根本就無發哥! 老豆老母、阿哥細佬、條仔條女，只要係伊朗，人人都係發哥!

只可惜我係教書出身，男女有別呢家野都睇得幾重下，同埋一早已習慣如何比一大班學生圍攻下全身而退，兼且伊朗呢度男女授受不親…………..敬而遠之敬而遠之敬而遠之……………








係四十柱宮短短一個鐘既自拍量幾乎多過我一年既總和……..

亦都因為同佢地影相用得太多時間，我無辦法慢慢行埋伊瑪目廣場正後方的凱沙里葉市集............

咁呢個market size又大得驚人呢，認真係行既話真係4-5個鐘起跳!

唯有做個超唔認真既男人，高速行左個圈就算了







下晝2點係時候離開Isfahan了! 不過最尾都要講下間酒店~

Setareh Hotel係我是次旅程中最貴的住宿

事源伊斯法罕只有數間又平又靚地點又一流的hostel，大鑊既係連次一等兼貴一倍既都全部full house! Peak season都唔係咁ar???

係不斷email攻擊下，終於呢間酒店答我 :「我地得返一間3人房係吉ge，要港紙約千二蚊，你要唔要?」

我八格耶魯一聲後答佢 :「如果妳地有旅客同我一樣獨行又欠房的話，可唔可以group埋一齊住? 我唔介意share room」

點知轉頭佢reply我話「臨時有個旅客cancel左間單人房，港幣4舊水要唔要? 快答!」

螺飯啦~~~~~~~~~~~我唔想訓街ar~~~~~

而呢度既前臺又非常友善helpful，不但幫我攪掂去下一站Varzaneh既交通，當知道我要去travel agency買內陸機票，仲二話不說用公司手機幫我格價即買print哂所有documents!

就算已開始習慣伊朗人的友善好客仍然覺得非常窩心!

呢間酒店非常推薦~~~~~











Setareh Hotel : https://www.tripadvisor.com.hk/Hotel_Review-g295423-d2140258-Reviews-Setareh_Hotel-Esfahan_Isfahan_Province.html







老實講ar成個伊朗之旅都遇到好多好多非常友善親切既人，但真係以伊斯法罕最多呢兩日見最多! 你估唔到一個全國旅遊no.1=見慣遊客既地方仲會對外國人咁熱情~

我諗應該同城市文化都有d關係~至少後來我係Yazd就無呢種天皇巨星出巡既情況了!

Anyway~~~伊斯法罕好高速走馬看花咁睇左d重要景點only，其實就仲有好多野要發掘ge，聽聞行山都係呢度一個好選擇，另外郝久古橋亦有人話比三十三孔橋更美呢!

有預感下次我會再lai，因為時間所限我真係miss左都唔少重要野未睇ar!

好啦~~~~向沙漠出發啦!!!!!!!!

====================



Email : funggarcia@gmail.com



Instagram : https://www.instagram.com/fung_garcia/



My Facebook Page : www.facebook.com/Garcia.in.Germany



另外文章同時刊於UBlog、 DC Fever Travel、 Blogspot 及遊牧爆谷

請各位繼續多多支持呀!!!!!!!!!!!!!!!

更多伊朗旅遊攝影資訊