伊朗獨行14th - 差勁hostel的一夜奇遇

設拉子有一間非常出名的住宿，叫做Golshan Traditional Hotel

出名原因有二:

一) 地理位置正到爆燈，正對面過馬路就係遊客必到的鏡宮聖陵和粉紅清真寺

二) 波斯傳統大宅格局，氣氛十足

以上，係世界各地backpacker 3年前既評價，3年後既今日 :「不知所謂」「圖文不乎」「污糟到爆」 ………… 隨便上Tripadvisor都search一大堆剷到佢上天花版的負評

綜合各前輩意見，原來間hostel出名後人太多，於是係附近開左一間「別館」接收客人，但間別館卻hea到爆炸，情況等於book麗晶酒店但比人踢左去麗晶大賓館! 雖然有陀地有北菇但都好難唔火wor!

理論上就真係唔會住既，但偏偏其他同地點既平價住宿全部full哂，我又超級唔夠時間觀光，慳得一分鐘得一分鐘…………..

根據我既專業分析，35%係酒店，65%係賓館，唔係酒店就係賓館………

唉一晚je，就粗粗地唷左佢啦………..

由Shiraz Bus Terminal坐的士到Golshan Traditional Hotel大約100,000 rial，而的士站有中央分配司機的counter，唔使擔心比人當水魚(可能係做左水魚都唔知呢)

睇googlemap，所在地係一大片空白，原來係一個類似Yazd咁既舊區，無乜建築法則可言，所以當check-in完staff帶我去意料之中既別館時，真係金睛火眼+史豐收速算法咁硬記條路點行ga!

講真，如果認路能力唔強，會迷路幾乎係必然既事，因為我粗略計都過左兩三個分叉路口，途中一個signage都無，而大賓館係位於一條小窄狹斜路上，門口都係一d表示都無，而更奇怪d既係門口無password無鎖匙，入門係要㩒鐘仔叫入面既人開門，更加令我懷疑呢間野既合法性…….

入去不久就知點解網上d人會媽叉得咁利害

別館只係一間公共屋村大堂咁上下既小庭園住宅區，有東西兩楝建築，又舊又殘特別係check-in時見完古波斯華麗風，突然就跳到北京貧民風真係唔係咁易接受，仲要同樣既價錢唔同既質素??? 15蚊美金唔平ga!

東館係咁ee用白色油漆上色，有簡單廚房，仲有間8人mix dorm，70年代的方鐵通碌架床，床上有塵，一盞燈、一把風扇，另加一幅陰沉畫和兩塊地氈做佈置，簡陋到極，同網上照片意料之中的差天共地

仲要夜晚12點我行完鏡宮聖陵返嚟時已熄哂所有燈完全漆黑一片! 明顯呢個別館係無任何heart去整靚d製造氣氛吸引住客的徙置區啦!

不過都係果句，更差既hostel我都住過，一晚je，訓啦渠頸

但就真係訓唔著wor!

唔係太多塵，係太熱呀!!!!!!!!!

估唔到設拉子5月頭的晚上都可以30幾度熱到出汗! 夏天無冷氣點住ar????

係wor有風扇!

望一望個風扇，專用插頭被人拔左嚟叉電話，心裡咒罵一聲，見已100%就靜雞雞掹左佢嚟開風扇

扇葉開始轉動---------Wa~~~~~~~~~~好涼ar~~~~~~~~~~~~~~~~~~~~~~~~~~~

開心左一秒，突然「轟轟轟轟轟轟!!!!!!!!!」嘈得非常緊要! 嚇到我即刻熄左佢!

仔細研究下，似乎係摩打太勁令鐵罩杯鬆脫發出強烈震動撞擊引致

見扇上有半脫膠紙，貼實再試------又轟過!

Lock實呢?------都係轟!

搵野夾住呢? ------- 仲係轟!

一把風扇竟然會有地盤掘洞既聲效，都算奇景啦!





攪左5分鐘左右，門口來了個英國仔，又係話好熱想開風扇，於是我地兩條友繼續研究……..

開--->嘈--->開--->嘈--->開--->嘈--->開--->嘈………………………

大約7-8次後我忍唔住講「May be just forget about that, we will wake everybody up」

「You already did!」

一句由遠處上格床傳來的怒吼，ok~讓我地明白係時候收皮了~

呢個時候又一個人出現，今次係負責睇呢間屋既肥仔staff，似乎我地連佢都嘈醒了

了解我地既情況後，staff自己又研究一輪……….

開--->嘈--->開--->嘈--->開--->嘈--->開--->嘈………………………

「Enough!」

又一句由遠處上格床傳來的怒吼，ok~讓我地三個確實收皮了~

我靜靜地插返人地個電話叉電，um，當我無掂過

(就係呢把地盤專用風扇)



唉無計啦，都唔係第一次係焗爐般的hostel過夜，望望錶都就嚟兩點了，訓唔著都頂硬上啦……..

訓不數分鐘，突然有人拍醒我 -------- ee阿肥仔staff係你呀? 唔通仲有其他人投拆所以要炳我????

誰知佢只係講左一句說話 -----------「follow me」

ee…………….呢個場景好似係邊度出現過咁ge?........

跟肥仔staff穿過天井，步上外置的僭建鐵樓梯來到漆黑一片的西館二樓

開燈一看，原來西館係兩間相連的2人private room，格局佈置與整潔度都同樓下東館8人dorm差天共地，簡單d講，即係靚好多同貴好多law! 原來呢度先係間別館既真面目!

等等先!!!!!!!!!!!!!!!!!

夜媽媽帶我嚟黑媽媽既無人房想點呀!!!!!!????????? 我嗌ga!!!!!!!!!

但肥仔無甚動作，只係周圍望周圍check野，2分鐘後先開口同我講「Sorry only this room have a fan, if you don’t mind you can stay here tonight.」

下?

我無聽錯掛?

一間負評王hostel竟然因為我覺得熱而upgrade靚靚private room比我????

我問佢要幾多錢，佢又只答我「Don’t worry, just stay」仲叫我記得熄燈就走人了，似乎唔多想比人知呢件事…….

雖然感覺怪怪的，但我都真係感到佢係想幫我的，而我亦都無理由拒絕呢個有風扇有靚床有私人洗手間浴室既獨立正房ga?~

好又一晚，唔好又一晚，有得揀梗係好ga啦!

反正今晚係伊朗之行既last night，就好好休息下啦~

Ee……….好似無做到d野咁ge...............

我一剎那諗起，我扔低左個英國仔wor! 咪好無義氣??? 去搵埋佢嚟先!

……………………………..

我個腦load一load...........佢咩樣貌ga呢?………….

……………………………..

好~~~~~~~~~~無事~~~~~~~~訓覺~~~~~~~~~~~~~~~~~~~~~

就這樣過左古怪一晚，但都有充足睡眠比我應付嚟緊既長征~

返本館check-out，一如意料收費由15美金變成25美金，咁其實都合理的，但我都扮哂野多口問老闆一句「點解收貴左je?~」

老闆 :「你尋晚要求住private room嗎，所以咪25 law ………..尋晚我個職員點同你講ga?」

我 :「佢無講任何野ar，只係叫我上去訓，亦無講價錢」

老闆 :「哎呀咁ar? 咁我唔可以收多你錢啦! 15美金啦!」

均真!

伊朗人真係好好人呀~~~~~~~~~~~~~~~~

所以儘管呢間hostel劣評如潮，又殘又破，但我真係唔忍心話佢唔好!

我終於明白楊過對歐陽鋒既感覺啦!



多謝老闆之後，去廚房補給埋飲用水就出發我既伊朗last day了~

「呢個透明既唔係水，而係落左番紅花ge收費飲料，我要收你50,000 rial啦!」

係廚房用水樽裝住透明無味既竟然唔係水…………..

老闆……….你果然均真…………………………

====================



Email : funggarcia@gmail.com



Instagram : https://www.instagram.com/fung_garcia/



My Facebook Page : www.facebook.com/Garcia.in.Germany







另外文章同時刊於UBlog、 DC Fever Travel、 Blogspot 及遊牧爆谷



請各位繼續多多支持呀!!!!!!!!!!!!!!