東京雜記 2 - 東京千本鳥居+爆料天丼

 

 

話說我放左呢張相係facebook page寫上「伏見稻荷大社」,係完全無人發現有咩問題ga wor!? 最大問題似乎係極多人想打爆我個樣............

就係咁我先知,原來唔係好多人知道,係東京市中心一樣有個千本鳥居!

咁又係,呢d鳥居既樣式幾乎一模一樣,等於我地睇韓國選美都分唔到邊個打邊個啦

而呢間「日枝神社」位於新宿及銀座之間的赤坂,係新橋坐metro只係10零分鐘!

咁鬼近,真係訓醒覺去影張相打個卡先開始shopping都仲得ar~

 

 

 

日枝神社,位於東京Metro千代田線赤坂站東面,出站大街直行即可見正門

但若以步行距離計算的話,銀座線/南北線的溜池山王站進側門會近d,相對搵路亦難d

 

 

 

(上面兩張係赤坂站東面既正門,下面兩張係我走開既溜池山王站偏門)

 

 

 

講真呀,呢間神社似乎並不是香火鼎盛果type,對遊客嚟講亦不太特別

自從去完日本最top既伊勢內宮同熊野三大神社(日本紀伊半島Day3.1 – 熊野本宮大社&大齋原都好偏僻呀 及 日本紀伊半島Day4.2 – 那智大社又幾ok wor)之後,我已經開始對呢種建築毫無感覺了……………..

 

 

 

「千本鳥居」位於神社旁邊停車場再入d,

我特登講就係因為神社內係無任何signage指示的! 少少既地方但我係大雨中搵左近15分鐘………..

Anyway~~雨中既千本鳥居又係另一翻風味~

 

 

 

 

 

 

 

(sorry影相技術有限呢)

 

其實大家睇真d,呢度既鳥居其實唔過千,最多都係200個左右,而且只係位於狹窄樓梯上,體積又細得多,絕對唔及「伏見稻荷大社」果個咁大堆頭咁壯觀!

之不過起碼唔使野野去到京都咁遠ar~

仲要無乜人嚟,唔會有d中國和服大媽係度阻你影相先~~

係「無Solar就搵陳啟泰」既概念下,頂住先啦~呢度都值得嚟 ga!!

 

 

 

(見到咁一層層既鳥居就諗起銀魂282話呢幕.........)

 

====================

 

特登走嚟赤坂就為左上個鳥居影幾張相,好似無乜令人郁既動力wor……..

得無問題~~~~~~~~~~~

去日枝拜完神,可以落返赤坂去Tabelog上3.58分既名店「日本橋  天丼 金子屋」食返個靚飯~

呢間野係日本天丼界響負盛名,係台灣美國都有佢個0麥頭既「日本橋  天丼 金子半之助」既別名分店,以排長龍排死人同份量多到嚇死人聞名!

雖然係集團式,但有趣地赤坂呢間係正宗小店格局,好似我呢d唔知頭唔知路唔多做資料收集既人,真心會以為係老公公老婆婆捱左50年既老店………

 

 

 

唔理佢係唔係小店,最重要既都係好唔好食je~

唔理佢好唔好食,最重要既都係個樣嚇得下人先呀~

Wa!!!!!!!你使唔使咁大碗飯呀!!!????

 

 

有時我真係好佩服日本人既砌積木技巧,點解可以係吉野家細牛碗上堆個天婦羅放題上去ge???

果條炸穴子,門杉咁打橫閂係度,足足有我前臂咁長呀!! 味道更同兩大隻炸蝦一樣鮮美無比!

香港少見的炸小柱餅(小柱=帶子仔),咬下去輕盈香嫩,毫不油膩!

又脆又滑既溫泉蛋天婦羅更加係好味到想即刻encore!!!!!

日本米則盡吸溫泉蛋、海鮮湯汁、炸物的麻油及天丼專用濃郁醬汁,幾飽都好都令欲罷不能大啖大啖吃下去!

痴線!!!! 點會咁好食ga????????

 

 

 

 

 

 

最終,我都係非常唔好意思地剩左飯……..已經飽到完全郁唔到……….一d都唔明點解對面個日本妹可以10分鐘內美人照鏡……….

食少少醃菜,飲杯熱既黑豆茶消消滯

埋單,呢碗用料十足既「天丼(松)」只係1380yen,一舊水港紙都唔使! 性價比真係高到喊!

聽聞呢間赤板分店無吉祥寺店排咁耐隊~~

去鳥居影完食埋飯大滿足都花兩個鐘only~Fit哂~有時間繼續去下一站啦!

 

 

 

 

=====================

 

《天丼 金子屋 赤坂店》

東京都 港区 赤坂 2-9-2 松田ビル 1F

 

====================


Email : funggarcia@gmail.com

 

 

 

ging

 

另外文章同時刊於UBlog、 DC Fever Travel、 Blogspot 及遊牧爆谷

 

請各位繼續多多支持呀!!!!!!!!!!!!!!

更多日本旅遊攝影資訊

更多東京旅遊攝影資訊

更多吉祥寺旅遊攝影資訊