汶萊小記4 - 帝國級日落

汶萊遊記的最後一篇,當然係寫令我最難忘既汶萊景點 ----- 世界著名的六星級酒店「汶萊帝國酒店」The Empire Hotel and Country Club

講真,開頭我同其他對呢間酒店認識唔深既朋友諗法一樣 ----- 「酒店g ma,除左維多利亞有咩未住過? 有乜咁好睇? 仲要得登坐的士過去?」

不過上一篇果d行程有興趣既我幾乎都攪掂哂,Andrew都話帝國酒店係應該一去既,咁就去行個圈啦!



前往既交通我係汶萊小記1都講左,唔再重覆了

正門落車後已經覺得我一身既短褲踢拖既造型同d咁貴氣既地方非常不合,正想同門口bellboy講「你唔係咁都睇唔出,我呢一身打扮係邊齣戲既造型呀?」點知佢地都無咩側目,可能已見慣見熟啦~

話時話,雖然入口大堂又大又靚,但又未去到有「wa乜真係咁誇張ga咩?」既感覺,好似澳門有d酒店仲強勁law.....…….

























帝國酒店有樣野超級出名,就係佢既High tea la~

Wa六星級酒店都只係百幾蚊就有個3層下午茶架full set wor~ 仲唔係女士們打卡扮淑女既最佳熱點~

我唔係女人,但人係會肚餓的,唉就當食餐飯試下啦~

「sorry ar今日full booking了」



係wor…….點解我唔醒起要book ga呢……點解無任何汶萊遊記有提到呢點ga呢…..點解又係得我會遇到呢d黑仔野ga呢…….

「6點後呢度會轉為飲野既地方,你可以到時再嚟ar~ 唔使預約的~」

無理由係度hea到6點ga,咪唯有周圍行下,再囉自己包隨身朱古力頂肚law……

Wa我係世界一流既大酒店食朱古力ar!!!!!!

































酒店內部係靚,更加聽聞有好多金色位置係用真金打造,非常奢華!

我超~~~~~~又唔係比我,我要睇金既去旺角尖咀成條街都係啦!

所以比較吸引的,都係佢個超級大型私人海灘兼infinity swimming poolssssssssss (因為有好多個所以要咁多s)~

































呢個私人海灘唔止係一pet沙灘咁簡單,除左餐廳、划艇、涼亭等等,仲有無數個吸引既影相位,有d直情有feel到可以係度影pre-wedding!

有一剎那諗過如果係度行禮的話,應該浪漫到痴線~

但真係一剎那,因為之後就有一班中國大媽係度霸住棵樹影半個鐘……..




















 



 


比班大媽攪到無乜癮,行去有涼亭果邊坐陣先啦

 


唉個天陰到咁,睇怕個日落都係凍過水ga啦,hea左半個鐘就返去酒店大堂飲野算lu~

 



 















































轉身行左10零步,突然覺得周圍有d唔妥...................周圍變哂做黃色ge????

一擰轉身--------wa?????發生咩事ar???????












 







阿咸蛋黃兄你係邊度標出嚟ga?????

猛烈的夕陽竟暴力地穿過厚重的烏雲,射出萬縷強光把整個海灘染成金色!

黑雲漸漸退散,太陽在水平線上緩緩下降,像在發揮臨終前的餘力使大地再獲片刻光明。這場光與暗的角力,使這帝國酒店的海邊日落彷如末世景象,卻又美得令人窒息……..

















唔係自大唔係誇張,小弟到而家去過40幾個國家,見過的日落起碼都百零二百個,但呢一個,Top5真係走唔甩!

其他4個係乜??????

Er………..搵日寫篇專講日落law~













日落後既帝國海灘華燈初上,展現出另一種的優雅美麗

如果可以同愛人係度共進晚餐,應該都會係一世難忘既美事~

唉有先算啦,有幾多戀人會無啦啦走嚟汶萊拍拖ar???





























天已全黑,望望錶都7點了,好啦返去大廳飲杯野先走啦~

ee………點解熄哂燈ge?

乜原來所謂既「飲野」只係6點至7點ja?????? 我又中伏la..............

好彩轉角位既蛋糕店仍然開門,問過侍應可以囉去食tea果個位慢慢嘆~總算可以圓一圓心願啦~

Woo六星酒店既蘋果批果然係一流呀!!!

















滿足哂嚟呢度咁多個願望,係時候返市中心啦,但係,點走呢???

夜晚8點了,巴士已經無哂,唔通真係要Call好貴既的士??

我就一早同載我嚟既白牌車講定,只要call佢就得,收10蚊汶萊幣=$60

當我問酒店借電話打時,前台職員問我一大輪野,包括係咪住客要借電話做咩等等

開頭仲諗攪乜咁煩,點知原來佢地係服務太好,想幫我call酒店專用shuttle bus車我返去!

Even我唔係住客,佢地都友善咁主動offer我10蚊汶萊幣返去市中心任何地方~

同樣既價錢唔使特登call車仲爽啦~

其他blogger都話去帝國酒店要就住巴士時間下晝6點要走,但我講呢個離開方法就睇埋6點幾既日落再unun腳晏d先走都得~

so far未見過有朋友係網上提過,所以寫多兩隻字講一講啦~













由原本無期望,到比個日落嚇到眼望望,帝國酒店絕對係今次汶萊行程最大驚喜!

甚至話只為左呢個日落而嚟汶萊玩亦不為過~

加埋斯里巴卡灣既清真寺倒影,只係呢兩個地方已經引死人嚟汶萊玩啦!

從沙巴來回係辛苦,但總結嚟講 -------- 不枉此行!



好啦《汶萊小記》就咁短短4篇完結~

係另一大長篇既遊記開始前,比我寫多幾篇台灣日本既散件先啦~







====================



Email : funggarcia@gmail.com



Instagram : https://www.instagram.com/fung_garcia/



My Facebook Page : www.facebook.com/Garcia.in.Germany



Medium : https://medium.com/@funggarcia



ging




另外文章同時刊於UBlogDC Fever TravelBlogspot遊牧爆谷,請各位繼續多多支持呀!!!!!!!!!!!!!!