東京雜記4 - 日本第一炸豬扒





受網友啟發 :「一場嚟到東京,梗係去tabelog 最高分果d食肆試下啦!」

係wor,點解我從來無諗過ga呢........香港果個飲食網頁就話打手橫行je,日本既應該點都有返d信心保證!

而小弟一向都好鐘意食豬扒 (真係一塊塊食物果隻),就襯在東京的某個下晝無野做,揾左呢間2018年The Tabelog Award炸物類最高分,兼唯一一間上到年度銀獎既既炸豬扒名店,現分數4.14高到嚇死你既"成藏",試下佢既炸豬扒係咪傳聞中咁堅啦!









wa 有無咁誇張呀!!!!????????未見過日本食肆要排咁長龍,仲要8成都係日本人囉!!!!



照咁睇無一粒鐘都 唔使旨意入到去.........

想縮沙ga,但一場嚟到高田馬場,無理由咁就走左去ga,等下啦........

我12點正開始排,最後到兩點先入到去.......而係我後3 group既客人更加慘被截龍無得食啦陰公.......








 

 














等位時已經會有侍應比menu妳睇兼落單,所以入內坐低後等食就得

好睇下有d咩食先~~~~~~~~~~



 














係有炸豬扒炸豬扒同炸豬扒ge~~~~~

老師~~~~如果我唔食豬呢?~~~~~

咁妳嚟呢度托咩~~~~~~

According to menu,店內有多種唔同種類既豬肉可供選擇,並會視乎情況而有所改變,我當日就有岩中豚、雪室熟成豚、煌麥豚、霧島黑豚and霧降高原豚共5種,真係睇完都唔知係乜豚

唔緊要,menu有講哂每種豚既特性,唔識睇日文都有個座標圖比你知個大概係點~

而作為一個有要求又度縮既食家,梗係食唔起最貴成3900yen既雪室熟成豚同煌麥豚啦!

都係跟其他人一樣食感覺上性價比最高,2620yen既「霧降高原豚特ロース250g定食」啦~









兩個鐘後終於入座~

以為bar台可以睇住師傅大顯身手好過癮,但sorry係乜都睇唔到ga~

只不過如果妳係女仔既話應該好開心,因為大廚白髮有型成個方中信咁,肯定未食都流哂口水呀~



 






(photo from tabelog)



我就真係對塊炸豬扒流哂口水啦~

上線啦~~~上菜啦~~~~~~~~~~~

日本人真心勁,真係計好哂你入座時間上菜唔使你等咁耐~~~

只不過我望住呢碟傳聞中日本第一既炸豬扒,一瞬間個人真係呆左

好,比左相大家睇先---------







好似無咩問題ar ho~ 再望真d~~~

…………………………………….

我知道睇相唔係好覺,但我想話 ----------- 塊豬扒係筷子咁長!!! 仲要成3cm厚呀!!!!!!

如此龐然巨物竟然可以由生炸到熟唔變炭??? 麵衣仲要呈米白淡色???? 只係呢份「低溫慢炸而不油膩」既功力已經勁到嚇死人啦!!

輕輕夾起一舊厚厚的,肉汁洪水咁流出嚟!

咬下去,首先感到表面又鬆又脆,然後鮮美的油脂肉汁噴滿嘴內,再細嚼那腍滑而有彈性的嫩肉,口中脆嫩交纏兼滿濃濃香氣…….

痴線呢個世界邊有咁好食既炸豬扒ga!!!????

所以話,去日本同去印度一樣真係唔可以亂食野,前者食完返唔到轉頭,後者食完個括約肌返唔到轉頭……













至於其他飯ar湯ar漬物ar都係日本一貫既高水準~ 唔多講了!

反而有少少個人有感想up兩句

唔知係咪呢種豚肉既特性而令大廚要咁樣處理,因為我覺得件豬扒有一個問題 ----- 咸!

唔似係一時重手太多鹽果種,而係特登將佢整到變成一舊多汁嫩滑既吉列金華火腿!

中國有「咸鮮」一詞,以鹹味引出食材的鮮味,所以呢件吉豬的確鮮美無比,但當塊扒係紅泥磚咁大既時候就會非常難頂 ------- 好”漏”ar!!!!!

不論我食幾多白飯同漬菜都不能解膩,於是餐飯既下半段就變成「好飽ar……好漏ar……但好好味好想繼續食ar…..好飽ar」既無限輪迴……..

最後食得哂ge,但的確有d辛苦,一整日都有平時食得太多乳豬想嘔既感覺……

到而家我都十分奇怪,作為一間日本第一既炸豬扒店,點會無考慮到味道平衡呢個問題呢?

That’s why呢個moment我都覺得係我個人體質既問題,與此店無關

不過,就算知道食完會唔舒服又點ar~

如此的美味,要死既就等我去死啦~



====================



《成蔵》

地址 : 東京都 新宿区 高田馬場 1-32-11 小澤ビル地下1F

營業時間 : 11:00-13:30, 17:30-20:00, 但有趣地我入內時已係14:00,所以可能係計排隊既落order時間



https://tabelog.com/tokyo/A1305/A130503/13114695/



 

 









====================



相關文章 :



東京雜記 1 - VR館簡短Game評及小貼士



東京雜記 2 - 東京千本鳥居+爆料天丼



東京雜記 3 - 池袋的災害體驗



====================



Email : funggarcia@gmail.com



Instagram : https://www.instagram.com/fung_garcia/



My Facebook Page : www.facebook.com/Garcia.in.German



Medium : https://medium.com/@funggarcia



ging




另外文章同時刊於UBlogDC Fever TravelBlogspot遊牧爆谷,請各位繼續多多支持呀!!!!!!!!!!!!!!







~瘋人鋒語 - 30前80後的德國工作假期~



Promote your Page too


更多東京旅遊攝影資訊

我的遊記