東京雜記6 - 蠔大大小店，性價比超掂

https://tabelog.com/tokyo/A1304/A130401/13042801/







間店位於新宿駅西南方，距離車站約5分鐘路程，周圍有大量小店

有時都真係幾羨慕，日本可以周街都係小店各有特色，為左唔輸比其他人而精益求益，反而香港只要一做得好，一係就被瘋狂加租一係就慢慢劣化……..

好anyway~ 呢間「わぶ」門口有全日文menu，你去到第一件事要做既就係企定定係度睇下食乜好。就快到你果陣老闆娘會出嚟幫你落定order，到師傅煮好先叫你入內埋位開餐~

至於個menu，基本上就係由炸蠔、炸魷魚、豚角煮等9種食材互相pen apple pen組合出數十種combination，再選擇配飯定係蕎麥麵

不過要睇得明個menu都唔容易……….大佬呀我想食蠔，都要知邊個日文係蠔先得ga…….知道邊個係蠔，又要搵第二主打係乜……

當我同個google translate搏鬥緊時，老闆娘已經熱情地問我想食d乜

唔想煩之下就話要「炸蠔double」，點知佢話無，於是就求其係指左一樣食物算lu~

比d未知數自己，有時係過癮ge~

入內~ 上菜~ 食得啦!

Wa! 隻蠔中左鍢射ar!? 半個拳頭咁大ge??? 我知係大蠔je都唔使大得咁過份ar??

一咬落去，熱辣辣，超蘇脆，麵衣薄，d蠔汁幾乎噴到對面位塊面!

蠔味香濃鮮美，嫩滑唔腥，真真正正外脆內軟，再加上店家自製既足料他他醬，每一口都係滿滿既好滋味(ee呢句咁廣告ge?)

再睇真d，原來佢係將兩三隻大蠔黐埋一齊炸，怪不得會咁大舊啦!

而亦因為舊蠔體積大左，所以炸出嚟先會咁嫩滑多汁，道理同厚豬扒多數juicy過薄豬扒一樣~

Wa就咁計落，一舊合體蠔已經有兩隻，一客有兩舊，即係如果叫到「炸蠔double」，一客定食就有8隻又大又新鮮既珍寶炸蠔? 1200yen = $84港紙咪抵到癲????

咁我而家呢個set都唔差~ 另外果塊原來係蟹肉忌廉餅，一樣濃蟹味好好味~

當妳諗下係中要lunch食個垃圾日本多舊魚定食都成舊水時，呢度$84左右就有咁豐富美味既料理，真係抵到爛!! 日本既打工仔係呢方面好幸福呀!!!

不過呢間店有一個非常大既問題 ---------- 好多人排隊呀!!!!!!

我又係衰ge，竟然唔記得當時係平日lunch，仲要係新宿呢d大型商業地段，餓左成朝肯定個個打工仔都變洪水猛獸啦!!! 你試下星期一lunch去中環蘭芳園呀，半個鐘內食到都阿彌陀佛啦!

我一支公食飯都小事，你試下同女朋友去旅行果陣，到間餐廳門口要排隊1個鐘=浪費佢shopping時間一個鐘? 你揀定今晚要玻璃定lego都得啦!

其實係日本食飯好多時都有呢個問題，去到先發現大排長龍，就算想預約 ------- 又要打電話又要識日文又要張sim卡打到電話，一百幾廿萬樣野煩!

所以呢個時候，tripla.ai就幫到妳啦~

呢個日本餐廳預約網站，可以幫你手book定全日本任何一間餐廳，咁就唔使摸門釘跪lego啦~



用法其實都好簡單，首先入左www.tripla.ai ，click右下角的chat box，輸入想預約的餐廳名稱，記住一定要打餐廳名only，如果唔係AI會唔知你想點而book唔到的!

之後就根據佢既問題step by step落去

成個過程2分鐘都唔使超簡單，之後會即時收到email confirm妳已遞交預約，最快第二朝就會收到email告知預約成唔成功~

呢個網既最大好處係幫到我呢d唔識日文又無日本電話既人可以預約d超火熱餐廳!

當然啦有d餐廳本身不設預約無得勉強，唔好強人所難啦!

而講左咁耐，其實我今次介紹呢間「わぶ 」係天生預約唔到的~~~~~~

…………………………………………………………..

………………………………………….

……………………………

得啦唔好扔野住~~~~~~~

個個寫廣告既blogger既人都一定會話個product點好點完美，而我就係真實話比大家知世事無咁完美!

咁係有d餐廳book唔到非戰之罪嗎，好過有d昆水預約公司話book到但去到得個桔玩起你呀~

反正Tripla.ai呢個service係免費的~ 只需要網上篤兩野唔使2分鐘就有人幫你預約好哂，方便快手，何樂而不為?~

就算失敗，知道間鋪本身無得預約ge，咪死死地氣早d去排隊law，起碼自己心裡有數，又唔花時間，值得一試呀~

最後都係果句 : 就算成功預約，萬一行程有咩改變，記得記得記得盡早cancel booking ar!!



=================================

相關文章 :

《東京雜記1 - VR館簡短Game評及小貼士》



《東京雜記2 - 東京千本鳥居+爆料天丼》



《東京雜記3 - 池袋的災害體驗》



《東京雜記4 - 日本第一炸豬扒》



《東京雜記5 - 那夜凌晨，我坐上了東京開往大阪的巴士》

=================================

Email : funggarcia@gmail.com

Instagram : https://www.instagram.com/fung_garcia/

My Facebook Page : www.facebook.com/Garcia.in.Germany

Medium : https://medium.com/@funggarcia

另外文章同時刊於UBlog、 DC Fever Travel、 Blogspot 、遊牧爆谷，請各位繼續多多支持呀!!!!!!!!!!!!!

更多東京旅遊攝影資訊