新聞互動
Wa武器嚟ga? 個名咁惡魔城ge??
係就好呀! 呢個Millennium Cross成66米高,扔出去一定係最強超必!!!!
得啦唔好癲啦~
雖然我對宗教興趣唔大,不過旅行經驗之談就係「高處一定有好野!」點都上去望望啦~
只需到跨境巴士總站旁的local bus station坐25號車就可以順利去到~
不過出名好自由既北馬其頓巴士佬邊會咁順灘,遲到早走15分鐘係常事………
我咪就係受害者law!!!!!!!!!!!!!!
終於都要坐的士上去,講價後大約$90港幣,感覺略貴,但原來車程都要廿分鐘以上,同上山頂凌霄閣差不多,所以都算Ok啦~
落車只係山腰位置,需要係度再轉乘纜車先上到十字架
但要注意纜車的開放時間,因為根據日子有機會「開半個鐘,停半個鐘」的!
冬天回程尾班纜車更係4點9早到嘔!
錯過左既唔該自己碌落山plz~
由old town起程,總交通時間都差不多超過1小時,我終於嚟到呢個Skopje的最高點Millennium Cross了!!!!
係山下遠睇覺得佢細細地十足神父手揸果d,忘記左遠睇都咁清晰既話近睇一定……………………wa個十字架好巨大好壯觀呀!!!!!!!!!!
好凍呀!!!!!!!!!!!!!!!!!
話哂都叫歐洲既冬天,話哂都海拔1066m高過鳳凰山,所謂高處不勝寒,我著住羽絨都變雪條,又要撒亞幪面超人上身了…………..
不只能俯瞰整個Skopje,更連城市外的森林郊野河川都一覽無遺~
長煙一空,皓月千里,真係有心曠神怡,寵辱偕忘既感覺~
加上山上四處綠草如茵,好天氣時上嚟露個營野個餐,把酒臨風,真係其喜洋洋呢~
好~ 岩岩呢段不停偷《岳陽樓記》嚟用扮哂好文采咁,唔錯~
講真呀我原本對呢個地方係無咩期望的,心諗最多都係阿拉木圖果個hea山頂咁既風景而已
誰不知竟然非常震撼! 完全有登泰山而小天下之感!
如果唔係天氣太凍既分分鐘係草坡上飲支酒訓個覺hea一日~
同埋我發現呢處既定位應該係一家大細開心樂園,非常多for小朋友既遊玩設施
個細既係度放電,你就上嚟叉電,perfect ar~
=============================================================
=============================================================
其實嚴格嚟講只係Skopje+周邊的遊記,呢個國家仲有好多好正既地方未見識,無辦法啦時間所限,記住我只係臨時改Plan到訪3日ga ja……..
一於留返有機會再嚟啦~ 我超勁想去Bitola 同Ohrid Lake遊湖呀!!!!!!!!
下回~
新國家 ---------- 希臘我嚟啦!!!!!!!!!!
" />
====================
====================