新聞互動
所謂「食色,性也」,係塞薩洛尼基Thessaloniki只得短短兩三日,想搵個艷遇嚟同大家分享下都無 (根本就唔關日子事,係樣既問題.......)
咁就唯有分享下呢度有咩好食啦~
連著名的外國廚師食家Rick Stein 都曾係節目度大讚塞薩洛尼基係希臘的美食天堂!
講真呢幾日食左既好野都唔少,就係度同大家分享下啦~
+++++++++++++++++++++++++++++++++++++++++++++
https://garcia-in-germany.blogspot.com/2020/08/Thessaloniki01.html
+++++++++++++++++++++++++++++++++++++++++++++
內容概要 :
八爪魚幾乎可算係到希臘既必食item! 稱佢為希臘國菜也不為過~
一段既八爪魚料理,日本會輕灼切片刺身,韓國會直接用把口嚟殺佢,香港會椒鹽,但最有趣都係我係馬爾他食過用蕃茄酸豆慢火燉到佢入口即化
要觸手我睇妖獸都市得啦!
Wa但條觸手點會咁正ga!!!??
同樣簡單既食材同煮法竟然會有咁美味既效果,就好似全世界最好味既雲吞麵一定係香港一樣,去希臘一定要食燒八爪魚呀!!!!
而呢間店似乎亦好proud of呢件事,將呢位英國名廚既介紹分成9集,每日不停輪流廣播
咁小弟都係抱住觀摩既心態嚟呢度,眼見在場既人數都唔少,分分鐘要等位tim,我諗味道都有返d保證ge~
由於佢係即點即炸,上菜都要d時間,話哂全世界應該只有澳牛係即叫即做都可以光速起菜
總之20分鐘後有野食~
炸魚外層脆皮屬於硬脆型,有d似街市炸蕃薯,但乾身唔油膩,調味亦一流~
魚肉切開時d汁標哂出嚟,肉質彈牙有魚味,的確非常不俗!
成部相機咁大球,以為食唔哂啦,點知好味到我幾乎碟都lam埋! 死啦呢餐我會肥幾多磅ar…….
為左平衡返,我唯有放棄個麵包啦,對唔住ar........ (其實根本食唔哂啦)
三角吉士酥呢個名係我作的,因為搵唔到中文名~
呢間店Rick Stein都有介紹過,但我真係估唔到多人到我要排半個鐘大長龍!
比錢買舊西餅ja wor! 仲要目測唔止遊客,係本地人都排埋一份!
好不容易入到鋪內就知咩事了
一來每個人都起碼買兩三打,十足散水餅派全公司咁
二來佢個吉士醬係即order即”唧”
三來店員手腳好慢+做野無系統,落單唧cream包裝收錢完全無分工,另加做到攰休息撓手吹兩嘴,完全不用理會外面條龍排Iphone咁長,咁既工作態度真係........好令人羨慕呀!!!!!
好不容易買到了!
Ee我後面無哂人ge????? 咩事???? 比速龍食左????
下晝4點ja wor,間鋪明明話收22:00,好彩我行快一步je...........
超好味!!!!!!!!!!!!!!!!!
一向希臘同土耳其甜品一個共通點,就係甜到食一個都驚有糖尿!
不過呢個Trigona Panoramatos做得岩岩好!
兩種食材一脆一滑,在口內造出多種層次,真係超勁好味!!!!
點解我會只買左一個ga???????
簡單的配搭,但味道真係非常唔簡單呀!
由我第一次係柏林食希臘菜已對此驚為天人念念不忘! 希臘人甚至每餐都有佢既存在就知唔小野!
每間希臘餐廳都一定會有Tzatziki,就好似漢堡包店一定有薯條,公司一定會有擦鞋仔,男人手機一定有AV,定律嚟ga嗎!
由4歐至2歐至隨免費麵包附送都有!
但不論咩價格都好,都一定一定一定要食! 信我! 味道絕對唔會令妳後悔!
不過........其實Tzatziki大家自己係屋企都整到的,呢d材料去U字頭超市就買到.......
Hey餐蛋飯夠自己煮到啦,你又去茶記比$50?~
(左邊個盅就係我於另一餐廳"Loupino"免費附送既Tzatziki前菜,一樣超好味!)
(某日家中自製Tzatziki配法包,同行的朋友們非常滿意,而個沙律係無關係的~)
呢個risotto係我係塞薩洛尼基last night 求其撞入一間餐廳內亂order的
當初只係諗呢度話哂都係海港,海鮮應該靠得住啦~
Wa何止靠得住呀! 直頭嚇死妳呀!
但最過份都係個飯,食得出係濃到濃情化不開的龍蝦高湯慢煮出來,每一啖都好似有十隻龍蝦係妳口內爆炸一樣!!
我好想要多d飯呀!!!! 超好味呀!!!! 但我超驚聽日腳痛呀!!!!!!!!
點解? 因為係香港叫熱朱,十之八九上枱既係叮左30秒既水汪汪維記,好d既會加一堆綿花糖甜死妳!
但係歐洲,9成會係一杯香濃幼滑,如絲綢般的朱古力醬~
就好似將成排吉百利溶左倒落杯內,果種濃濃既可可滋味真係會令人感到無上幸福!
當然卡路里都係無上咁高啦~
我仲無呢啦間同班店員和老細打成一片~
係一間非常推薦的溫暖咖啡廳~
******此咖啡廳的故事,請參考【#過客列傳】15. - 溫情咖啡廳 https://bit.ly/39YN4DX
========================
下面的地圖有mark~
有無發現其實全部都係海鮮同甜品呢~
其實我都有order過肉類,只係表現就係張家輝唱歌咁,普普通通啦........
咁呢度係希臘海邊嗎,想食肉既去德國啦~
會掛念就承認太掛念,我可是一邊打呢篇文一邊漓口水回想起希臘菜既種種美味呢.......
====================================
==============================
================================
我既Youtube Channel正式開通啦!!!!
岩岩開始,完全未有人睇呀~
=================================
文章同時刊於以下平台,請各位多多支持呀!!!!!!!!!!!!!