【希臘快閃4】希臘都有靚溫泉?

 

講起溫泉，香港人第一時間一定諗起日本! 

而歐洲人則首先諗起德國、匈牙利、意大利，格魯吉亞我都浸過，而自稱「溫泉大國」既保加利亞則聽聞水量不足有如童子小便.......

真係未聽過希臘都有溫泉wor!!!!!!

續上幾回，當時已是行程尾聲，累積了10日周車勞頓與寒冷，除非突然有鬼妹come baby give me warm plz，否則真係無咩比浸個靚溫泉更令人興奮既事!

距離Thesaaloniki 兩個鐘車程?

小兒科啦~ 為左浸溫泉，我人擋殺人! 佛擋殺佛!

 

文章概要 :

1. 交通方式
2. Pozar溫泉度假村
3. 溫泉種類
4. 必試Item
5. 收費
6. 溫泉夜景
7. 旅程完結

+++++++++++++++++++++++++++++++

 

其他歐洲溫泉文章 : 

 

• 《匈牙利遊記 - 溫泉篇》

• 《德國 : 裸浸巴登巴登，使乜驚呀!》

• 《格魯吉亞 : 公共浴場奇異見聞錄》

 

 

+++++++++++++++++++++++++++++++

 

• 交通方式

攪咩為左浸溫泉去到咁激ar~

唉因為我出發去溫泉時又試中伏大迷路，當日仲係大除夕心灰到爆…….

件事太複雜，遲d先係 #場邊小故事 再講

總之要去呢個名為Pozar的溫泉區，首先要坐31號巴士到達Thessaloniki巴士總站KTΕΛ Μακεδονίας Intercity，再坐約1.5 hours長途巴士到達Aridaia，再轉向Loutraki方向的當地巴士，到唔知邊個站落車行上去就得~

…………………………….

咁我真係唔知邊個站嗎……………….

當時我同4個新相識既捷克朋友一齊比local巴士佬扔落車「係呢度ga la行上去啦!」

所以大家去呢度果陣，問司機就ok啦~

 

 

 

 

 

 

係巴士佬踢我地落車後，沿車路約10分鐘上山，就會見到Pozar的閘口

不過我完全唔記得影相~ 無計~

 

 

 

 

 

 

• Pozar溫泉度假村

Pozar基本上係一個溫泉度假村，有齊餐廳住宿康樂設施，但無咩人用，因為大家都係只為個溫泉而來~

我地一行5人唔知頭唔知路，on居居跟大隊，去到一個類似溫泉售票處既office，入面排哂長龍

人龍雖長，但d人去得好快，好快就到我了~ 希臘人又幾有效率wor~ 

X那星梗係有效率啦………….. 原來係sold out收皮啦……..

唔係掛!!!!!!!! 我mountain long water far嚟到又食檸檬???????

其中3位捷克一聽到sold out就轉頭走人了，但我記起格魯吉亞既經驗，歐洲人浸溫泉既概念同我地非常不同---------------

 

我:「Sold out係咪指private room既bath呀? 有無免費既public bath呢?」
售票嬸:「無呀無呀」
我:「無免費定無public bath呀?」
售票嬸:「無免費，但有public bath，出門轉右行上去啦!」

 

果然! 

歐洲人覺得浸溫泉應該要搵間房自私浸，但受慣日本溫泉文化影響既我地，全裸群浴小事啦~

Hey唔理private定public，無料定露鳥，天寒地凍，最緊要有得浸!

 

 

 

 

 

 

 

+++++++++++++++++++++++++++++++

 

延伸閱讀 : 

 

• 《【日本紀伊半島Day3.2】千人混浴 ︱ 川湯溫泉 仙人風呂》

 

+++++++++++++++++++++++++++++++

 

 

• 溫泉種類

第一溫泉 ------- 

建於溪流瀑布旁邊，亦有大大條瀑布fai落嚟，水作奶白色，蒸汽騰騰，比堅尼橫行，一睇就知有料到!

 

 

 

 

 

 

第二溫泉 ------- 

建於較高溪流，瀑布水流較弱無乜聲氣，水清而不動，水泥磚牆身，彷如係城門水塘放個浴缸

 

 

 

 

 

 

第三溫泉 ------- 

位於餐廳旁邊，極具維多利亞風格，因為同維多利亞公園50米8條線國際標準游泳池一模一樣

 

喂喂，以上三個真係選擇題嚟咩? 

同問你半島酒店、理想酒店、世界大酒店你想住邊間有咩分別?~

 

 

 

 

攪到我都想跟埋去，果兩個捷克女仔都幾靚女ga~~~~ 比堅尼yeah~

Hey!!! 我唔係果d為女色而放棄目標既人嚟ge!

美女vs美景，我竟然選擇左美景呀!!!!!!!!!!!

明明係自己既正確選擇，點解我個心滴緊血ge???

 

 

 

不過，呢個選擇真係對的

第一溫泉真係比想像中更加正呀!!!!! 

水溫約37-38度岩岩好，浸耐d都唔會頭暈~

溫泉瀑布帶來的不只是視覺聽覺的享受，仲帶來強勁的按摩效果!

不過對我嚟講，最重要都係四周環境非常優美~

雖然天陰微雨，但能在這冬日歐洲郊外，趟在暖洋洋的溫泉中，邊欣賞身旁美景，邊釋放壓力與倦意，實在係人生一樂也~

呀~~~~~~~ 我好似返左去日本呀~~~~~~~

 

 

 

好啦當係福利，性感露下香肩啦~

 

 

 

 

 

• 必試Item

如果浸到悶悶地又想挑戰自己，係可以爬出小溪外的大瀑布扮步驚雲的!

我唔想出的，老網友們都知我曾係波斯尼亞差d跌落瀑布係咁先，自始我對急流就有少少恐懼

但我旁邊既鬼佬一停慫恿我出去 --------- 「YOLO! You only live once!」

好啦! 應該無事ge~~~~~~~~~

出到去 ---------- 係ok wor!

ok係安全方面無咩事，溫度方面就好有事

好x凍呀!!!!!!!!!!!!!!!!!!!!!!!!!!

 

++++++++++++++++++++++++

 

延伸閱讀 : 

 

• 《德國working holiday第107章 : 危機一瞬!旅程最大之凶險!》

 

 

 

++++++++++++++++++++++++

 

 

 

	(當時氣溫約零度，冰水嚟ga……….)

 

(阿叔叔竟然影唔到我入水果個moment.....浪費哂.....)

 

 

 

• 收費

講多少少硬件野啦~

每個溫泉都要入場費的，2歐only，仲平過日本浸錢湯~

Locker同康文署果d一樣要入1歐按金 (or 50cents? 唔太記得) ，有refund + 先到先得

難攪既地方係更衣室只是木板木門大通窿，出嚟仲要落樓梯先到溫泉，我好肯定果30秒你已經變成雪條!

 

 

 

• 溫泉夜景

終於我係度玩到天黑~

如果有時間的話，係呢度住一晚似乎都係好事~

可惜我無時間，唯有婉拒啦，好可惜呀!!!!

 

 

 

 

 

 

原本都有打算係度食埋飯先返Thesaaloniki，但我久病成醫，久伏成精，中伏經驗話我知 : 歐洲呢d深山野嶺夜晚真係好易無車

果然，乜車都無! 

我要拉埋果4個捷克朋友一齊坐的士先落得返長途巴士站，車費13歐，5個人除開ok啦

之不過除左同我岩傾d既女仔外，另外3人竟然大安旨意坐低等我叫車，呢度又有d故事遲d Instagram講啦........

 

 

 

• 旅程完結啦~